1 Reyes 10:3 - Qullan Arunaca

³ Ucatsti Salomonajj take uca jisct'anacaparuwa arusjjatäna. Jupajj yatïnwa arusjjataña take uca jisct'anacaparu.

Aymar Bibliia 1986

³ Ucatsti Salomonajj take uca jisct'anacaparuwa arusjjatäna. Jupajj yatïnwa arusjjataña take uca jisct'anacaparu.

Qullan Arunaka DC

³ Salomonasti taqi uka jiskt'anakaparuw arusxatäna, taqi jiskt'arupuniw arusxatäna.

1 Reyes 10:3 Jak'a apnaqawi uñst'ayäwi

2 Samuel 14:17

Aca sirvirimasti suyt'ascaraquiwa juma jach'a reyin arunacapampi chuymachatäña, juma jach'a reyisti take cunsa chekaparupuniw uñjtajja, yatiractawa cunatejj walïqui ucsa uqhamaraqui cunatejj jan walïqui ucsa, mä Diosan angelapjama. ¡Tatitu Diosay juma jach'a reyimpi kheparpan! —sasaw warmejj säna.

2 Samuel 14:20

Ucampisa jupajj mä suma amtäwinacampiw acjja luri. Ucampisa juma jach'a reyejj wali amuyt'anïtawa, take cunanacatejj aca marcanjja lurasqui ucanacsa mä Diosan angelapjamaw yatiquiractajja —sasa.

1 Reyes 10:1

Sabá tokenquir reinajja ist'änwa Salomonan jach'a cancaña jicjjatatapata Tatitur jach'achañataqui, ucatsti jupajj yant'iriw Jerusalenaru saräna wali ch'ama jisct'anacampi. Jupasti wali c'achachatawa purinïna, suma k'apquiri perfumenacampi, qhumuntat camellonacampi, uqhamarac wali korinacampi, wali muncaña kalanacampiraqui. Salomonan nayrakataparu purisinjja, jisct'änwa cunanactejj amtcatayna jisct'añataqui ucanaca.

1 Reyes 10:4

Sabá tokenquir reinajj Salomonan yatiñ cancañapa, uqhamarac templo luratapa uñjasajja,

1 Reyes 3:12

Nayajj phokhäwa cuntï mayquista ucjja. Nayajj chursmawa yatiñ cancaña, ch'iqhi cancaña, uqhamjja jumat nayrjja janiw qhitis yatiñanïcänti, ni jumjjarusa yatiñanïcaniti.

2 Crónicas 9:2

Salomonasti take jupan jisct'anacaparuwa arusjjatäna. Janiwa mä jisct'asa jupataquejj ch'amäcänti arusjjatañataquejja.

Proverbios 13:20

Suma yatiñan jakenacamp chica sarnakerejja, suma yatiñaniraquïniwa; jan amuyt'an jakenacamp chica sarnakeristi, jan walt'añaruwa puriraquini.

Isaías 42:16

Juyqhunacarusti jan uñt'at thaquinacanjamwa irparaquëjja. Jupanacan nayrakatapansti ch'amacjja khanaruw tucuyäjja, kollunacsti pampa orakeruw tucuyaraquëjja. Take ucanacsti lurapunïwa.

Mateo 13:11

Jesusasti jupanacarojj sänwa: —Jumanacarojj Diosajj yatiyapjjtamwa cunanacatejj alajjpachan imantatäqui ucanacjja, ucampis jupanacarojj janiw yatiyatäpcänti.

Juan 7:17

Maynitejj Diosan munañap lurañ munchi ucajja, uñt'aniwa Diosan yatichäwipächi jan ucajj naya pachpan yatichäwejjaquïchi ucjja.

1 Corintios 1:30

Jumanacarusti Dios quipcaw Jesucristompi mayaruqui tucuyapjjtam uqhamaraquiw Diosajj jiwasan yatiñ cancañasjja Jesucristompi utjayi. Uca Jesucristo tokeracwa khespiyistu, jupar catuyata tucuyaraquistu.

Colosenses 2:3

Uca Criston imantatäscaraquiwa take yatiñasa, amuyt'asiñasa.