1 Reyes 10:10 - Qullan Arunaca

¹⁰ Ucatsti jupajj reyirojj churänwa quimsa waranka llätunca pataca sojjta tuncani kilonaca kori, uqhamarac walja perfumenaca, ucatsti suma muncaña kalanacaraqui. Janipuniwa cunapachasa Israelarojja uca take perfumenacajj purinirïcänti, cunjämatejj Sabá markanquir reinajj Salomón reyiru churcäna uqhamjja.

Aymar Bibliia 1986

¹⁰ Ucatsti jupajj reyirojj churänwa quimsa waranka llätunca pataca sojjta tuncani kilonaca kori, uqhamarac walja perfumenaca, ucatsti suma muncaña kalanacaraqui. Janipuniwa cunapachasa Israelarojja uca take perfumenacajj purinirïcänti, cunjämatejj Sabá markanquir reinajj Salomón reyiru churcäna uqhamjja.

Qullan Arunaka DC

¹⁰ Ukatsti jupax kimsa waranqa llätunk pataka suxta tunkan kilo quri reyir churäna, walja suma q'apkir qullanakampi, suma munkañ k'ajkir qalanakampi. Janipuniw kunapachas Israelan uka suma q'apkir qullanakax uñjañäkänti, kunjämtix Sabá chiqankir reinax Salomón reyir churkän ukhamxa.

1 Reyes 10:10 Jak'a apnaqawi uñst'ayäwi

Génesis 43:11

Ucatsti awquipajj saraquïnwa: —Uqham lurañapun waquischi ucqhajj lurapjjacchïtaya. Costalanacamar mä regalo uca jaketac apapjjam cunatejj orakesan achqui ucanacat mä juc'acama: Bálsamo, misq'i, perfume, mirra, nueces, almendra ucanaca.

1 Reyes 9:14

Hiram reyisti korjja apayänwa Salomón reyirojj, quimsa waranka llätunca patacani sojjta tunca kilonaca.

Salmos 68:29

Jerusalenanquir utamaruw reyinacajj churäwinac apanipjje, ucawjatpachay jumajj,

Salmos 72:10

Tarsis marcanquir reyinacasa, kota tokenquir reyinacasa, jupataquejj kollk apsupjjpan, Sabá orakenquiri, Seba orakenquir reyinacajj churäwinacap loktapjjpan.

Salmos 72:15

¡Reyejj jallallatäpan! Sabá oraket kori apanirapipjjpan, jupataquejj Diosat mayipjjapunpan, jupajj wiñayapun jach'añchatäpan.

Éxodo 30:34

Tatitusti Moisesarojj sänwa: “Jumasti apthapim ucqhapura acanacata: kokanacat ch'akqui uca resina, uña sat k'apquir kolla, suma incienso uqhamaraqui gálbano sat k'apquir kolla.

Proverbios 20:15

Acapachan korinacata sipana, uqhamarac suma yänacat sipansa, juc'amp asquiwa qhititejj yatiñampi parlqui ucajja.

Eclesiastés 2:8

Montonanacwa apthapta kori, kollke, suma imasitanacajjasa, ucanacasti nayra reyinacancänwa yakha provincianacana. Utjaraquitänwa k'ochurinacasa chachatsa warmitsa, jakenacan cusisiñanacapäquis ucanacasa, uñt'atanacajjasa waljaw utjitäna.

Mateo 2:11

Utar mantasinsti wawampiru, María taycapampiruw jicjjatapjjäna. Ucatwa quillt'asisina yupaychapjjäna. Cajanacapat apsusisinjja, kori, incienso, mirra ucanacwa juparojj churapjjäna.

Apocalipsis 21:11

Uca marcasti Diosan khanapampiwa khanäna, mä suma kalan khanapjama, jaspe kalar uñtata, cristalar uñtataraqui.