1 Reyes 1:53 - Qullan Arunaca

⁵³ Ucspachawa Salomonajj: —Altarata sarakam sasaw yatiyanïna. Ucatwa Adoniasajj sarasinjja reyin nayrakatapanwa alt'asïna, reyisti juparojj: —Utamar sarjjam —sänwa.

Aymar Bibliia 1986

⁵³ Ucspachawa Salomonajj: —Altarata sarakam sasaw yatiyanïna. Ucatwa Adoniasajj sarasinjja reyin nayrakatapanwa alt'asïna, reyisti juparojj: —Utamar sarjjam —sänwa.

Qullan Arunaka DC

⁵³ Salomonasti ukspachaw altarat irpsuyanïna. Ukatsti Adoniasax sarasin Salomón reyin nayraqataparuw alt'asïna, reyisti sänwa: “Utamar sarxam” sasa.

1 Reyes 1:53 Jak'a apnaqawi uñst'ayäwi

2 Samuel 1:2

Ucampis quimsa uru pasatatsti, Saúl reyin campamentopatjja mä jakew puriniraquïna, isinacapas ch'iyanokata, p'ekepas lak'ampi jach'jjatata, llaquipa uñacht'ayañataqui. Cunapachatejj purinïna ucapachasti, Davidan nayrakataparuw alt'asiraqui take ajjsartañ chuymampi.

2 Samuel 14:24

Ucampisa reyejj Joab chacharojj utaparu chekaqui sarjjañapataquiraquiw saraquïna, uqhamat jan reyin nayrakatapar uñstañapataqui, uqhamasti Absalonajj utapar chekaquiw sarjjäna, janiraquiw reyirojj uñstcänti.

2 Samuel 14:28

Pä maraw Absalonajj Jerusalén marcan utjasiraquïna, reyin nayrakataparusti janipuniw uñstcänti.

2 Samuel 14:33

Uqhamasti Joab chachajj reyin ucwa saräna, cuntejj Absalonajj siscän ucwa yatiyaraquïna, ucatwa reyejj Absalonarojj jawsayaniraquïna. Absalonasti reyin nayrakataparu purinisinsti orakcamaw p'ekepa alt'asïna. Reyisti jamp'att'asaraquiw catokäna.

1 Reyes 1:16

Betsabé warmisti reyin nayrakatapanjja parapa oraker puriyañcamaw alt'asïna, ucatsti reyejj juparojj jisct'änwa: —¿Cunas camachtam? —sasa.

1 Reyes 1:31

Ucatsti Betsabé warmejja reyin nayrakatapanjja parapa orakeru puriñcamawa alt'asïna, ucatsti art'asiraquïnwa: —¡David reyejjajja wiñayataqui jach'achatäpan! —sasa.

1 Reyes 1:52

Salomonasti ucjjarojj sänwa: —Jupatejj mä suma asqui jakjama sarnakani ucajja, janiw mä sapa ñic'utapasa oraker jalaktcaniti; ucampis cuna ñankhatejj jupata uñstchinejja, jiwaniwa.

1 Reyes 2:1

Davidan jiwañapa horasajja jac'achasinïnwa, ucatwa Davidajj Salomón yokaparojj ewjjäna:

1 Reyes 2:36

Ucatsti Simei chacharuw jawsayanïna, aqham saraquïnwa: —Jerusalén marcana mä uta lurasim, ucan utjañamataqui. Ucampis ucatjja janiw cawcsarus mistütati.

Proverbios 24:21

Munat wawajjay, Diosarusa, reyirusa ajjsaram; uñisirinacamampejj jan mayachasimti.