1 Reyes 1:52 - Qullan Arunaca

⁵² Salomonasti ucjjarojj sänwa: —Jupatejj mä suma asqui jakjama sarnakani ucajja, janiw mä sapa ñic'utapasa oraker jalaktcaniti; ucampis cuna ñankhatejj jupata uñstchinejja, jiwaniwa.

Aymar Bibliia 1986

⁵² Salomonasti ucjjarojj sänwa: —Jupatejj mä suma asqui jakjama sarnakani ucajja, janiw mä sapa ñic'utapasa oraker jalaktcaniti; ucampis cuna ñankhatejj jupata uñstchinejja, jiwaniwa.

Qullan Arunaka DC

⁵² Salomonasti ukxaruw säna: —Jupatix mä suma aski jaqjam sarnaqani ukaxa, janiw mä sapa ñik'utapas uraqir jalaqtkaniti; ukampis ñanqha lurañ amtatapatix katjatäni ukaxa, jiwaniwa —sasa.

1 Reyes 1:52 Jak'a apnaqawi uñst'ayäwi

2 Samuel 14:11

Ucampisa warmejj sascaquïnwa: —¡Nayasti, jach'a rey, achict'assmawa, Tatit Diosatay mayirapita, cawquïri familiajjatejj wawajjar jiwayañ amtqui ucajj jan jiwayañapataqui, mayni wawajjan jiwatapat phoksusa! —sasa. Reyisti saraquïnwa: —¡Nayajj Tatitun sutipjjaruw arssma, janiw wawamarojj qhitis llamct'caniti ni mä ñic'utapas orakerojj jalakcaraquiniti! —sasa.

1 Reyes 1:51

Ucatsti mä jakew Salomonar yatiyiri saräna: —Adoniasajj juma reyitwa ajjsarayasi, ucatsti altaratwa catuntasi. Jichhasti mayiwa juma reyina jan jiwayañamataqui juramento jichhpacha lurañamataqui —sasa.

1 Reyes 1:53

Ucspachawa Salomonajj: —Altarata sarakam sasaw yatiyanïna. Ucatwa Adoniasajj sarasinjja reyin nayrakatapanwa alt'asïna, reyisti juparojj: —Utamar sarjjam —sänwa.

Job 15:22

Janiw jupanacataquejj ch'amacat jaltañajj utjcjjeti. ¡Mä puñalaraquiw jupanacar jiwayañataqui suyasqui!

Proverbios 13:6

Cheka luräwinacapaw cheka lurir jakerojj arjjati; jucharar jakerusti ñankha luratanacapaw tucji.

Proverbios 21:12

Chekapar uñjir Diosajj, ñankha jakenacan utapjja uñch'uquisquiwa; ñankha lurir jakenacarojj tucjatäñataquiw catuyaraqui.

Mateo 10:30

Ucampis jumanacatjja take ñic'utanacamasa mayat mayat suma jact'atawa.

Lucas 21:18

Ucampis janiw jumanacan ñic'utanacamatjja ni mä ñic'utas chhakcaniti.

Hechos 27:34

Cunanacsay mankt'asipjjam. Waquisiw ch'amañcht'asipjjañamajja khespiyasipjjañamataqui. Janiraquiw maynis jiwcaniti —sasa.

1 Samuel 14:45

Marcasti Saúl reyirojj saraquïnwa: —¡Cunjämaraqui Jonatanasti jiwanisti, jupajjay Israel marcarojj mä jach'a atipjäwi churchistojja! ¡Janiw jiwcaspati! ¡Tatitu laycu, janiw mä ñic'utapas orakerojj jalaktcaniti! Cuntejj jichhüru lurqui ucjja Diosan yanapapampiw luraraqui —sasa. Uqhamatwa marcajj Jonatanarojj jiwañat khespiyäna.