1 Reyes 1:48 - Qullan Arunaca

⁴⁸ aqham sasa: ‘Bendicitäpan Israelan Tatitu Diosapajja, jupawa jichhürojja wact'ayi nayan mayni yokajja tronor maqhatañapataqui, nayan uñjcata’ sasa.

Aymar Bibliia 1986

⁴⁸ aqham sasa: “Bendicitäpan Israelan Tatitu Diosapajja, jupawa jichhürojja wact'ayi nayan mayni yokajja tronor maqhatañapataqui, nayan uñjcata” sasa.

Qullan Arunaka DC

⁴⁸ akham sasa: “Yupaychatäpan Israelan Tatitu Diosapaxa, jupan jichhüru reyi qunuñaxar saraqiri wawanakaxat maynir qunt'ayatapata, nayan uñjkata” —sasa.

1 Reyes 1:48 Jak'a apnaqawi uñst'ayäwi

Génesis 14:20

Alajjpachanquir Diosasti yupaychataraquïpan, jupaw enemigonacamarojj atipjaytam” sasa. Ucatsti Abramajj cuntejj aparancän ucanacatjja sapa tuncat maywa Melquisedecarojj churäna.

2 Samuel 24:3

Ucampisa Joab chachajj reyirojj saraquïnwa: —Tatitojja, cawquïritejj jach'a reyin Diosapäqui ucajj yapjjatpan patac ucqhampi, ucatsti jach'a reyejj jacaracpan ucanac uñjañataqui; ucampisa, ¿cunataquirac jach'a reyisti muni mä censo aptañsti? —sasa.

2 Samuel 7:12

cunapachatejj jacañamajj tucusjjani ucatsti jiwjjaraquïta, ucapachasti nayaw mayni juman wawamaru marcan reinopjjaru utt'ayaraquï.

1 Reyes 1:49

Adonías ucan jawsatanacapasti qhatatiñwa kalltapjjäna, ucatsti takeni sayt'asjjasinjja sapa mayniwa sarañaparcama sarjjapjjäna.

1 Reyes 2:4

Uqhamaraqui Tatitojj phokhañapataqui cuna arsüwtejj nayampi lurcäna, cunapachatï wawanacajjajj sum sarnakapjjani, uqhamarac jupan nayrakatapana cheka cancañampi sarnakapjjani, take chuymampi, uqhamarac take jacañapampiraqui ucqhajja, janipuniw familiajj taypita tucuscaniti Israelan trononcañapajja.

1 Reyes 3:6

Salomonasti ucjjarojj sänwa: “Jumajj David awquejjarojj wali suma chuymampiwa uñjayätajja, jupajja sirvïyätamwa juman nayrakatamanjja jumampiwa sarnakäna cheka lurañampi, cheka chuymampi uca laycu. Ucataracwa jumajja wali suma chuymampiraqui juparu uñjaraquïyätajja, uqhamaraquiw mayni yokaparusa tronoparu kont'asiyaractajja, cunjämatejj jichhajja lurasqui uqhama.

1 Reyes 8:20

“Jichhasti Tatitojj arsutapjja phokhewa. Cunjämtejj jupajj siscäna uqhamaru, nayajj David awquejjana utjäwipwa catta, ucatsti Israelan tronoparusa kont'asiractwa, uqhamarac mä templsa luraracta Israelan Tatit Diosapataqui.

1 Crónicas 17:17

¡Uqhamaraquiw take acanacajja mä juc'aquïcaspasa uqhamaruquiw uñjtajja, Dios Tatitu, sirviriman wawanacapan jutir urunacana reyïñanacapatsa parlañamataquejja, ucatsti jumajj nayarojj uñjaraquistawa yäkata jakëquiristsa uqhama, Dios Tatitu!

1 Crónicas 29:10

Ucatsti Davidajj take tantachäwi jakenacan nayrakatapanwa Tatiturojj bendicïna, aqham sasa: “¡Israel awquejjana Tatit Diosapa, wiñayataquiw bendicitäyäta!

1 Crónicas 29:20

Ucjjarusti Davidajj take tantachäwi jakenacaruwa saraquïna: “Jichhasti Tatit Diosamaru yupaychapjjam” sasa. Ucatjja take tantachäwi jakenacawa nayra awquinacapana Tatit Diosaparu yupaychapjjäna, ucatsti quillt'asisaraquiwa Tatitutaquisa, reyitaquisa alt'asipjjäna.

Nehemías 9:5

Ucatsti levita chachanacajj Jesúa, Cadmiel, Binuy, Hasabnías, Serebías, Hodías, Sebanías, uqhamarac Petaías ucanacajj sapjjänwa: —Sartasipjjam, ucatsti wiñayan wiñayapatac jaquir Tatit Diosamaru yupaychapjjam. ¡Tatitusti bendicitäpan, uqhamaraqui jach'a kollan sutipasa jach'añchatäpan! —sasa.

Salmos 145:2

Sapüruw jach'añchäma, wiñayaw sutim jach'ar aptä.

Salmos 34:1

Jan karjasisaw Tatiturojj jach'añchä, lacajjajj jupar jach'añchapuniniwa.

Salmos 41:13

¡Israelan Tatit Diosapajj jach'añchatäpan, jichhasa, wiñayan wiñayapansa! ¡Uqhamäpan!

Proverbios 17:6

Chuyman awquinacan coronapasti allchhinacapawa; wawanacajj awquip taycapatwa alawt'asi.

Daniel (hebreo) 4:34

“Cunapachatejj uca juchañchäwi urunacajj phokhasjjäna ucapachasti, naya Nabucodonosor reyejj alajjpacha uñtta, ucatsti lokhe cancañajjatjja kollatätajjwa amuyasjjaracta, ucat nayajj alajjpachanquiri Diosaru jach'añchta, aca arunacampiw juparojj yupaycharacta, qhititejj wiñayataqui jacqui ucaru: ‘Ch'amapajj wiñayataquipuniwa; munañapasa wawanacapans wawanacapataquiraquïniwa.

Efesios 1:3

Yupaychañäni Diosaru, Tatit Jesucristosan Awquiparu, Cristompi mayachasitas laycuwa jupajj bendiciwayistu take casta ajayun bendicionanacampi alajjpachanacana.

1 Pedro 1:3

Yupaychañäni Diosaru, Jesucristo Tatitun Awquiparu, jupasti jach'a qhuyapayasiñap laycuwa jiwasarojj machakat naciyistu, Jesucriston jiwatanac taypit jactatap toke. Ucasti jiwasanacarojj suyt'añanwa jacayaraquistu,

1 Samuel 25:32

Davidasti saraquïnwa: —Israelan Tatitu Diosapasti kollanäpan. Jupaw jumaru nayampi jiquisiñataqui qhitantam.