1 Reyes 1:45 - Qullan Arunaca

⁴⁵ Ucjjarusti Sadoc sacerdotesa, Natán profetasa Gihón chekanwa reyit utt'ayapjjaraqui, ucatsti wali cusisitawa cutt'anjjapjjäna. Ucatwa marcanjja jakenacajj ojjopjje, ucaracwa jumanacajj ist'apjjaractajja.

Aymar Bibliia 1986

⁴⁵ Ucjjarusti Sadoc sacerdotesa, Natán profetasa Gihón chekanwa reyit utt'ayapjjaraqui, ucatsti wali cusisitawa cutt'anjjapjjäna. Ucatwa marcanjja jakenacajj ojjopjje, ucaracwa jumanacajj ist'apjjaractajja.

Qullan Arunaka DC

⁴⁵ ukatsti Sadoc sacerdotempi, Natán profetampix Salomonan p'iqipxarux aceite warxatapxi reyit utt'ayañataki. Uksti Guihón chiqan ukham lurapxi, uka chiqat wali kusisitaw kutt'anxapxaraki, ukat jaqinakax markan uxusipki, uk jumanakax ist'apxtaxa.

1 Reyes 1:45 Jak'a apnaqawi uñst'ayäwi

1 Reyes 1:40

Ucatsti takeniwa khepata phusanacat tocasisa arcapjjäna. Cusisiñanacapasti waliw utjäna, jupanacana jach'at arnakasitanacap laycusti orakes payarjamaquiwa ch'iyjtjjäna.

1 Reyes 1:44

Ucatsti ordenaraquïnwa Salomonampi chica sarapjjañapataqui Sadoc sacerdoteru, Natán profetaru, Joiada ucan Benaía uca yokaparu, uqhamarac cereteonacarusa, peleteonacarusa, ucatsti jupanacajj rey Davidan mulaparuw lat'jjatayawayapjje.

1 Reyes 14:6

Cunapachatï Ahías profetajj ist'äna uca warmina puncunjama mantanitapa ucqhajja, jupajj sänwa: “Mantanim Jeroboam reyin warmipa. ¿Cunatsa yakha warmita isthapistajja? Nayajj catoktwa mä jan wali yatiyäwi jumataqui,

Esdras 3:13

Janiw qhitis amuyapcänti cusisiñata arnakasirinacsa, uqhamarac jakenacan jachatanacapsa, jupanacasti jach'atwa arnakasipjjäna, uca ojjotanacapasti jayatpachwa ist'asïna.

1 Samuel 28:14

—¿Cunjämas jupajja? —sasaw Saúl reyejj jisct'araquïna. —Mä chuymani jakewa, mä capampi ist'ata —sasaw warmejj saraquïna. Ucat Saúl reyejj mäquiw amuyäna Samuelötapa, ucat oraker ajanup puriyañcamaraquiw alt'asïna.

1 Samuel 4:5

Campamentoru uqham Tatitun Arust'äwi Arcapa purinitapatsti israelitanacajj cusisiñatjja walpun arnakasipjjäna, oraksa qhathatiyapjjänwa.