1 Reyes 1:40 - Qullan Arunaca

⁴⁰ Ucatsti takeniwa khepata phusanacat tocasisa arcapjjäna. Cusisiñanacapasti waliw utjäna, jupanacana jach'at arnakasitanacap laycusti orakes payarjamaquiwa ch'iyjtjjäna.

Aymar Bibliia 1986

⁴⁰ Ucatsti takeniwa khepata phusanacat tocasisa arcapjjäna. Cusisiñanacapasti waliw utjäna, jupanacana jach'at arnakasitanacap laycusti orakes payarjamaquiwa ch'iyjtjjäna.

Qullan Arunaka DC

⁴⁰ Ukatsti taqiniw Salomonan qhipapat sikunak phust'asis arkapxäna. Jupanakax sinti kusisitapuniw jikxatasipxäna, jupanakan jach'at arnaqasitanakap laykusti uraqis payarjamakiw jaljtxäna.

1 Reyes 1:40 Jak'a apnaqawi uñst'ayäwi

1 Reyes 1:39

Sadoc sacerdotejj Tatitump Jiquisiñ Carpata mä keru aceite aptasinwa ucampi Salomonaru reyïñapataqui loktäna. Ucjjarusti phust'apjjänwa orko ovejan wajjrapata, ucatsti take jakenacawa jach'at art'apjjäna: ‘¡Salomonajj jach'achatäpan!’ sasa.

1 Reyes 1:41

Adonías chachasa uqhamarac take jawsatanacapasa mank'aña tuct'ayjjäna ucqhasti jake ojjosquirwa ist'apjjäna. Joab chachasti orko ovej wajjra phust'ir ist'asinjja sänwa: “¿Cunatsa uca take jakenacajj marcan ojjopjjpacha?” sasa.

1 Reyes 1:45

Ucjjarusti Sadoc sacerdotesa, Natán profetasa Gihón chekanwa reyit utt'ayapjjaraqui, ucatsti wali cusisitawa cutt'anjjapjjäna. Ucatwa marcanjja jakenacajj ojjopjje, ucaracwa jumanacajj ist'apjjaractajja.

2 Reyes 11:14

Ucansti reyiruwa uñjäna templona sayirinacapa jac'an sayt'ata, cunjämatï lurapjjerïqui uqhamaru. Jupampi chicäsipcaraquïnwa jilïrinaca, uqhamarac música toquir bandasa; jakenacasti wali cusisitäpjjänwa, uqhamarac trompetanacsa tocapjjaraquïna. Uqham uñjasinsti Atalía reinajj isipwa ch'iyanokasïna, ucatsti aqham sasaw art'asïna: “¡C'arintituwa! ¡Q'arintituwa!” sasa.

2 Reyes 11:20

Ucatjja take jakenacawa wal cusisipjjäna. Atalía reinana palaciona espadampi jiwayatätapatjja, jakenacajj samarataw kheparjjapjjäna.

Salmos 97:1

Takpach orakejj cusispan, jan jact'cay islanacajj cusisipjjpan. ¡Tatituw Reyejja!

Daniel (hebreo) 3:5

Cunapachatejj jumanacajj trompetan phust'asitapa ist'apjjäta, cítara sisqui ucan toct'asitapsa, pinquilluna, lira sisqui ucana, salteriona, uqhamaraqui yakha instrumentonacan toct'asitapa ist'apjjäta ucapachasti takeniw quillt'asipjjäta, uca korit lurata c'ari diosa nayrakatana cuntejj Nabucodonosor reyejj luraycatayna uca nayräjjana.

Zacarías 9:9

¡Wali cusisim, Sión marca! ¡Cusisiñat k'ochum, Jerusalén marca! Juman Reyimaw mä asnjjat jutasqui, llamp'u chuymani, mä jisc'a asno kalljjata, cawquïritejj mä qhumuñ uywan wawapäqui ucjjata.

Lucas 19:37

Olivos kollu sarakañar jac'achasisinjja, takeni arcapcänsa ucanacajj cusisiñat jach'at art'añ kalltapjjäna, uqhamarac Diosar yupaychañsa take uñjapcataynas uca milagronacata.

1 Samuel 11:15

Ucat take jakenacaw Gilgal chekaru sarapjjäna, ucanwa Tatitu nayrakatana Saúl waynarojj reyit utt'ayapjjäna. Janc'aquiraquiw Tatiturojj sumancañ sacrificionac loktapjjäna; Saúl waynasa, take israelita jakenacasa wali cusisipjjäna.

1 Samuel 4:5

Campamentoru uqham Tatitun Arust'äwi Arcapa purinitapatsti israelitanacajj cusisiñatjja walpun arnakasipjjäna, oraksa qhathatiyapjjänwa.