1 Reyes 1:25 - Qullan Arunaca

²⁵ Jupasti sarasinjja qhaririwa orko vacanaca, vaca kallunaca, uqhamarac walja ovejanacaraqui, ucatsti juma jach'a reyin yokanacamarusa jawsayaraqui, uqhamarac ejerciton jilïrinacaparu, ucatsti Abiatar sacerdoterusa. Ucatjja ucanwa mank'asipqui, umasipqui jupampi, ucatsti arnakasipjjaraquiwa: ‘¡Jach'achatäpan Adonías reyejja!’ sasa.

Aymar Bibliia 1986

²⁵ Jupasti sarasinjja qhaririwa orko vacanaca, vaca kallunaca, uqhamarac walja ovejanacaraqui, ucatsti juma jach'a reyin yokanacamarusa jawsayaraqui, uqhamarac ejerciton jilïrinacaparu, ucatsti Abiatar sacerdoterusa. Ucatjja ucanwa mank'asipqui, umasipqui jupampi, ucatsti arnakasipjjaraquiwa: “¡Jach'achatäpan Adonías reyejja!” sasa.

Qullan Arunaka DC

²⁵ Jupax jichhürux uruyasiskiwa, urqu vacanaka, vaca qallunaka, walja ovejanak kharirayi. Juma, reyin yuqanakamaruw jawsayi, ejerciton Joab jilïripampiru, Abiatar sacerdotempiruw jawsayaraki. Ukan jupampi manq'asipki, umasipki, akham arnaqasipxaraki: “¡Adonías reyix jach'achatäpan!” sasa.

1 Reyes 1:25 Jak'a apnaqawi uñst'ayäwi

2 Samuel 16:16

Ucatsti Husai sata arquitanquiri jakesti, qhititejj Davidan amigopäcaraquïn ucasa Absalón jakeru jicjjatirejj sararaquïnwa, aqham arnakt'asisa: —¡Jallalla rey! ¡Jallalla rey! —sasa.

1 Reyes 1:19

Jupasti qhaririwa orko vacanaca, vaca kallunaca, uqhamarac walja ovejanaca, ucatsti juma jach'a reyin yokanacamarus jawsayaraqui; uqhamaraquiw Abiatar sacerdoterusa jawsayaraqui, ejercitonquir Joab generalarusa, ucampis janiw jawsayquiti Salomonarojja, juma jach'a reyin sirvirinacamarusa.

1 Reyes 1:24

ucatsti jupajj jisct'änwa: —¿Juma jach'a reyisti Adonías chachan reyïñapataquiti utt'aytajja?

1 Reyes 1:34

Sadoc sacerdotesa, uqhamarac Natán profetasa Israelan reyipata utt'aypan, ucatjja orko ovejan wajjrapata phust'apjjam, uqhamarac art'apjjam: ‘¡Jach'achatäpan Salomón reyejja!’ sasa.

1 Reyes 1:39

Sadoc sacerdotejj Tatitump Jiquisiñ Carpata mä keru aceite aptasinwa ucampi Salomonaru reyïñapataqui loktäna. Ucjjarusti phust'apjjänwa orko ovejan wajjrapata, ucatsti take jakenacawa jach'at art'apjjäna: ‘¡Salomonajj jach'achatäpan!’ sasa.

1 Reyes 1:9

Qhä tiemponjja Adonías chachajj mä jach'a mank'äwi waquichäna Zohelet sat uca karka jac'aru, ucasti Rogel sat uma jalsu jac'ancänwa. Ucatsti ovejanaca, orko vacanaca, uqhamarac wali liq'i vaca kallunaca qharirasinjja, jawsayänwa take jilanacaparu, reyin wawanacaparu, uqhamarac jawsayaraquïnwa Judá orakenquir reyin take sirvirinacaparusa;

1 Reyes 2:15

Adoniasajj sänwa —Jumajj yattawa, reyïñajja nayaruw wact'itäna, uqhamaraquiw take Israel marcpachasa suyascaraquïna nayana reyïñajja. Ucampis reyïñajja jilajjaru churatäjjewa, uqhamjja Tatituwa wact'ayäna jupan reyïñapataqui.

2 Reyes 11:12

Ucatsti Joiada sacerdotejj irpsunïnwa reyin wawaparu, ucat p'ekeparojj corona uchäna, uqhamarac churäna reyin leyinacapa, ucatsti p'ekepata aceite warjjatasinjja reyitwa utt'ayäna. Ucjjarusti takeniwa amparanacap t'ajjllirasipjjäna, aqham sasa art'asisaraqui: “¡Reyejj jacpan!” sasa.

2 Reyes 11:14

Ucansti reyiruwa uñjäna templona sayirinacapa jac'an sayt'ata, cunjämatï lurapjjerïqui uqhamaru. Jupampi chicäsipcaraquïnwa jilïrinaca, uqhamarac música toquir bandasa; jakenacasti wali cusisitäpjjänwa, uqhamarac trompetanacsa tocapjjaraquïna. Uqham uñjasinsti Atalía reinajj isipwa ch'iyanokasïna, ucatsti aqham sasaw art'asïna: “¡C'arintituwa! ¡Q'arintituwa!” sasa.

2 Reyes 9:13

Ucat ucspachawa sapakat mayni jupanacajj capanacapa apakasisina cayupa nayrakataru jant'acupjjäna ucanjam maqhatañapataqui. Ucatsti ovej wajjrata pututt'asinjja art'apjjänwa: “¡Jehú capitanaw reyejja!” sasa.

1 Crónicas 29:13

Ucatwa jichhajja nanacan Diosajja yuspagarapjjsma, uqhamarac jach'a sutimsa yupaychapjjaracsma;

1 Crónicas 29:21

Khepürusti Tatiturojj loktapjjaraquïnwa sacrificionaca, nact'ata loktäwinaca: waranka vaca kallunaca, waranka ovejanaca, uqhamarac waranka mä maran ovejanaca, vino ofrendanacapamppacha, ucatsti Israel marcana walja sacrificionacaparaqui.

2 Crónicas 23:11

Ucatsti Joiada sacerdotempi, yokanacapampejja reyin yokaparuwa irpsunipjjäna, corona p'ekepjjaru uchasa, uqhamarac catuyapjjäna Diosan leyi kellkatanacapa. Juparu aceitempi warjjatasinjja, reyitwa utt'ayapjjäna. Ucatsti takeniwa cusisiñat art'apjjäna: “¡Jacpan reyejja!” sasa.

Mateo 21:9

Nayrakat sarapcän uca jakenacasti, uqhamarac khepat arcasipcän ucanacasa art'añ kalltapjjäna: “¡Jach'achatäpan rey Davidan Yokapajja! ¡Bendicitäpan Tatitun sutipar jutirejja! ¡Diosajj Jach'achatäpan!” sasa.

Mateo 22:4

Yakha uywatanacaracwa wastata qhitaraqui jawsaniñapataqui: ‘Sapjjamaya, niyaw mank'ajj wali suma waquichata, suma vacanacasa, liq'i uywanacasa qhariratawa. Take cunaw waquichatäjje, casarasïwirusti jutapjjpan’ sasa.

Lucas 19:38

Sapjjaraquïnwa: —¡Bendicitäpan Tatitun sutipar jutir Reyejja! ¡Alajjpachanjja sumancañäpan, uqhamarac Diosarojj jach'achatäpan! —sasa.

1 Samuel 10:24

Samuelosti take jakenacaruw jisct'araqui: —¿Jichhajj cawquïrirutejj Tatitojj reyit ajllqui ucarojj uñcatjjapjjtati? ¡Janiw mayni israelitas jupjamajj utjquiti! —sasa. Ucjjarusti jakenacajj: —¡Jallalla rey! —sasaw art'apjjaraquïna.