1 Pedro 5:14 - Qullan Arunaca

¹⁴ Jumanac purasti mä suma jamp'att'asiñampiraqui aruntt'asipjjam. Take jumanaca, qhitinacatejj Jesucristoncapcta ucanacasti suman sarnakasipjjam.

Aymar Bibliia 1986

¹⁴ Jumanac purasti mä suma jamp'att'asiñampiraqui aruntt'asipjjam. Take jumanaca, qhitinacatejj Jesucristoncapcta ucanacasti suman sarnakasipjjam.

Qullan Arunaka DC

¹⁴ Jumanak purasti Cristonkirinakjam mä suma jamp'att'asiñamp aruntt'asipxam. Taqi jumanaka, khitinakatix Jesucristonkapkta ukanakasti suman sarnaqasipxam.

1 Pedro 5:14 Jak'a apnaqawi uñst'ayäwi

Mateo 5:47

Uqhamaraqui jilanacamaruquitejj aruntasipcsta ucajja, ¿cuna suma asquirac lurapjjta? Diosar jan uñt'iris ucjja luraraquiwa.

Juan 14:27

“Samarañwa jaytapjjsma. Nayan samarañajjwa churapjjsma, ucampis janiw nayajj samarañjj churcti cunjämtejj acapachajj churqui uqhama. Jan llaquisipjjamti ni ajjsarapjjaraquimsa.

Juan 16:33

Acjj sapjjsmawa jumanacajj samarañ jicjjatapjjañamataqui nayaru iyawsatanacam laycu. Acapachanjja jumanacajj t'akhesipjjätawa, ucampis ch'am catjjatapjjam, nayajj acapacharojj atipjtwa —sasa.

Juan 20:19

Ucürojj semana kallta urünwa. Uca jayp'pachawa discipulonacajj tantacht'atäpjjäna, puncunacasti wali jist'antata judionacaru ajjsaratanacap laycu. Jesusasti mantasinwa jupanac taypiru sayt'asi, aruntaraquiwa: —Sumancañajj jumanacampïpan —sasa.

Juan 20:26

Quimsakallko uru pasatatsti, discipulonacapasti wasitampiw mä utana tantachatäsipcäna, ucapachajj Tomasejj jupanacampïscänwa. Ucatsti puncunacajj jist'antatäsquïpansa, Jesusajj mantasinjja jupanac taypiruw sayt'asiraquïna, ucatsti aruntaraquïnwa: —Sumancañajj jumanacampïpan —sasa.

Romanos 1:7

Jichhajja take jumanacaruw kellkanipjjsma Roma marcan jaquirinacaru, qhitinacarutejj Diosajj wal munapctamjja, uqhamarac jupatac yakhachatäñataqui jawsatäpjjtawa. Uqhamajj jumanacajj catokapjjamay Dios Awquisana Jesucristo Tatitusampina bendicionapa, uqhamarac sumancañapa.

Romanos 16:16

Jumanac purasti mä suma aruntt'asipjjaraquim jamp'att'asisa. Take iglesianacaw aruntanipjjtam.

Romanos 8:1

Jichhasti janiw cuna juchañchäwis utjquiti Cristo Jesusanquirinacataquejja, qhitinacatejj jan jacapqui janchin munañaparjama [jan ucasti Ajayun apnakata jacapqui ucanacataquejja].

1 Corintios 1:30

Jumanacarusti Dios quipcaw Jesucristompi mayaruqui tucuyapjjtam uqhamaraquiw Diosajj jiwasan yatiñ cancañasjja Jesucristompi utjayi. Uca Jesucristo tokeracwa khespiyistu, jupar catuyata tucuyaraquistu.

1 Corintios 16:20

Take jilatanacan aruntanacap catokasipjjam. Jumanac purasti aruntt'asipjjaraquim jamp'att'asisa.

2 Corintios 13:12

Jumanac purasti mä suma jamp'att'asisaraqui aruntt'asipjjam.

2 Corintios 5:17

Uqhamasti, qhititï Cristompëjjchi ucajj machak jakëjjewa. Nayra luräwinacasti tucusjjaraquiwa, jichhajj take cunas machakar tucutawa.

Efesios 6:23

Dios Awquisa, Tatit Jesucristosa jumanacarojj sumancaña, munasiña, uqhamarac iyawsañsa churpan.

1 Tesalonicenses 5:26

Aruntarapipjjeta takpach jilatanacaru mä asqui jamp'att'ampi.

1 Pedro 1:2

Take jumanacarusti Dios Awquiw ajllisipjjtam nayratpacha amtataparjama. Kollan Ajayu tokeraquiwa jumanacarojj jupataqui yakhachasipjjtam, jupar jaysapjjañamataqui, Jesucriston wilapampi k'omachatäpjjañamataquiraqui. Jumanacasti Diosan bendicionanacapjja jilarquiri catokapjjam, uqhamarac suman sarnakasiñsa.

3 Juan 1:14

Jan ucasti janc'aquiw uñcatañ munsma, ucqhaw jumampejj parlasiscañäni.