1 Pedro 2:20 - Qullan Arunaca

²⁰ Jumanacatejj jan wali luratanacam laycu t'akhesiyatäsipcsta ucasti ¿cuna asquirac utjisti llamp'u chuymampi t'akhesiñansti? Ucampis jumanacatejj asqui luratanacam laycu t'akhesipjjstajja, llamp'u chuymampiraqui t'akhesipjjsta ucajja, asquiw Dios nayrakatanjja.

Aymar Bibliia 1986

²⁰ Jumanacatejj jan wali luratanacam laycu t'akhesiyatäsipcsta ucasti ¿cuna asquirac utjisti llamp'u chuymampi t'akhesiñansti? Ucampis jumanacatejj asqui luratanacam laycu t'akhesipjjstajja, llamp'u chuymampiraqui t'akhesipjjsta ucajja, asquiw Dios nayrakatanjja.

Qullan Arunaka DC

²⁰ Maynitix jan wal luratanakapat t'aqhisiyatächi, ukatsti llamp'u chuymampi t'aqhischi ukaxa, janiw kuna asksa lurkiti. Ukampis, maynitix aski luratapat llamp'u chuymamp t'aqhischi ukaruxa, Tatitux jach'a waxt'äwip churani.

1 Pedro 2:20 Jak'a apnaqawi uñst'ayäwi

Mateo 26:67

Ucapachaw jupanacajj ajanupar thuscatapjjäna, t'ajjllinokapjjaraquïna, mayninacasti ajanut nuwanokapjjäna.

Mateo 5:47

Uqhamaraqui jilanacamaruquitejj aruntasipcsta ucajja, ¿cuna suma asquirac lurapjjta? Diosar jan uñt'iris ucjja luraraquiwa.

Marcos 14:65

Ucatsti yakhep jakenacajj Jesusar thuscatañ kalltapjjäna, nayrap imantasin ch'acunokapjjaraquïna: —Sapjjeta, ¿qhitis ch'actam? —sasa. Soldadonacasti Jesusarojj t'ajjllinokapjjaraquïnwa.

Lucas 6:32

“Jumanacatejj munapjjsta qhitinacatejj munapctam ucanacaruqui ucajja, ¿cuna sumsa lurapjjta? Juchararanacas ucjja lurascaraquiwa.

1 Corintios 4:11

Jichhacamaw nanacajj mank'at awtjata, umat pharjata, isitsa jalstata sarnakapjjtjja, jakes uñisipjjaraquituwa, janiw utanïpcaractsa.

Gálatas 4:18

Jichhajj waliwa mayninacat llaquiñajja, ucampis ucjja suma amuyumpipun lurapjjpan, janirac chhaktcpanti, ni nayajj jumanacampïcta ucqhaquisa utjcpanti.

Efesios 5:10

Cuntejj Diosataquejj asquïqui uc yatekañ munapjjapunim.

Filipenses 4:18

Nayajj takwa jilarquir catokjjta. Epafroditompi apayanipquistas ucjja, jichhasti jilarquiriw utjitu. Cuntejj apayanipquistas ucajj mä suma k'apquiri inciensöcaspas uqhamwa Diosajj mä suma sacrificiot catokaraqui.

1 Pedro 2:19

Dios nayrakatansti asquiwa maynitejj lurañanacap phokhañ laycu, t'akheschi ucqhajja.

1 Pedro 3:14

Ucampis cheka luratanacam laycutejj t'akhesipjjstajja, cusisiñanïpjjtawa. Jan qhitirus ajjsarapjjamti, ni sustjasipjjaraquimsa.

1 Pedro 3:17

Juc'amp sumaw asqui lurasin t'akhesiñajja, Diosatejj munchi ucajja, ñankha luräwinac toke t'akhesiñat sipansa.