1 Crónicas 6:4 - Qullan Arunaca

⁴ Eleazar chachaw Finees ucan awquipänjja, Finees chachaw Abisúa ucan awquipänjja,

Aymar Bibliia 1986

⁴ Eleazar chachaw Finees ucan awquipänjja, Finees chachaw Abisúa ucan awquipänjja,

Qullan Arunaka DC

⁴ 4 (30) Eleazar jaqix Finees chachan awkipänwa, Finees jaqisti Abisúa chachan awkipänwa,

1 Crónicas 6:4 Jak'a apnaqawi uñst'ayäwi

2 Samuel 8:17

Ahitob sat jaken Sadoc yokapampi uqhamaraqui Ahimelec sat Abiatar jaken yokapampisti sacerdotenacäpjjaraquïnwa; Seraías jakesti take cunanacatejj lurasqui ucanac imiriraquïnwa.

1 Crónicas 23:21

Merari chachan wawanacapasti acanacänwa: Mahli, Musi ucanaca. Mahli chachan wawanacapasti acanacänwa: Eleazar, Cis ucanaca.

1 Crónicas 24:26

Merari chachan Mahli, uqhamarac Musi yokanacapa; Jaazías chachan yokanacapa, jupasti Merari chachan yokaparaquïnwa.

1 Crónicas 6:3

Amram chachan wawanacapasti acanacänwa: Aarón, Moisés, María ucanacaraqui. Aarón chachan wawanacapasti acanacänwa: Nadab, Abiú, Eleazar, Itamar ucanacaraqui.

1 Crónicas 6:50

Aarón chachan wawanacapasti acanacäpjjänwa: Eleazar, Finees, Abisúa, Buqui, Uzi, Zeraías, Meraiot, Amarías, Ahitob, Sadoc, Ahimaas ucanacaraqui.

1 Crónicas 9:20

Ucat nayrasti Eleazar chachan Finees wawapaw jupanacan jilïripänjja. ¡Tatitojj jupampïpan!

Esdras 8:18

Diosarusti yuspagaratäpan, jiwasataquejj irpanirapistuwa Serebías suma yatiñani chacharu, jupasti Mahli sat mä levita familiata jutirïnwa, wawanacapampi, jilanacapampiraqui; takpachanisti tunca quimsakallkonïpjjänwa.

Esdras 8:2

Gersón ucasti Finees familiata jutirïnwa; Daniel ucasti Itamar familiata jutirïnwa; Secanías chachan Hatús yokapasti David familiata jutirïnwa. Zacarías ucasti Paros familiata jutirïnwa, jupampi chicasti pataca pheska tuncani chachanacan sutinacapampi kellkatänwa.

Éxodo 6:25

Aaronan, Eleazar sat yokapasti, Futiel sat chachan maynïr phuchapampiw casarasïna. Ucatsti jupanacan wawapasti Finees satänwa. Take acanacawa Levitanacan sapa familiancqui uca awquinacapan jilïrinacapajja.

Números 25:13

Ucatwa jupampiru, wawanacapampirojj wiñayatac sacerdote sarnakañ churä, jupan nayjama coleratap laycu, uqhamata israelitanacataqui perdón jicjjatatap laycu —sasa.

Números 31:6

Moisesasti qhitänwa nuwasiñataquejj Finees sat Eleazar sacerdoten yokapampi chica, cawquïritejj kollana yänaca, uqhamarac trompetanaca apcäna nuwantañ kalltapjjañapataqui.

Josué 14:13

Ucatsti Josué chachajj Caleb chacharuw bendicïna, Hebrón kollu churasina juparu uqhamarac wawanacapampiru.

Josué 14:15

Hebrón kollun nayra sutipasti Quiriat-arba satänwa, mä jakeraquiw utjäna Arba sat sutini, anaquita marca taypina taken wali uñt'ata. Ucatsti uca orakenacanjja samarañaw utj-jjäna.

Josué 22:13

Ucatsti israelit jakenacajj Eleazar sacerdoten, Finees yokaparuw qhitapjjäna Galaad oraker sarañapataqui, cawqhantï jicjjatasipjjäna Rubén, Gad, uqhamaraqui chicat Manasés tribunacajj ucaru.

Josué 24:33

Cunapachatï Eleazar sat Aarón chachan wawapajj jiwjjän ucqhajj, imantjjapjjänwa Finees sat wawapan jisc'a kolluparu, cawquïritï Efraín sat kollunacan churatäcän ucaru.

Jueces 20:28

Ucampis israelitanacajj Diosaruw jisct'apjjäna: “¿Waquisispati wastatampi nuwasiña Benjamín sat tribunquir jilanacajjampi, jan ucajj atipjatäjjapjjaquïcha?” sasa. Ucat Diosajj saraquïnwa: “Sarapjjam wastata nuwasiri kharüruwa nayajj atipjayapjjäma” sasa.