1 Crónicas 3:1 - Qullan Arunaca

¹ Davidan wawanacapajj Hebrón chekan nacipcäna ucanacasti acanacänwa: jilïrejj Amnón satänwa, jupasti Ahinoam ucan wawapänwa, Jezreel chekanquiriraqui; payïristi Daniel satänwa, jupasti Abigail warmin wawapänwa, Carmel chekanquiriraqui;

Aymar Bibliia 1986

¹ Davidan wawanacapajj Hebrón chekan nacipcäna ucanacasti acanacänwa: jilïrejj Amnón satänwa, jupasti Ahinoam ucan wawapänwa, Jezreel chekanquiriraqui; payïristi Daniel satänwa, jupasti Abigail warmin wawapänwa, Carmel chekanquiriraqui;

Qullan Arunaka DC

¹ Davidan wawanakapa, Hebrón chiqan yuripkän ukanaka: Amnón, tayna yuqall wawa, taykapasti Jezreelankir Ahinóam sutin warmïnwa; payïristi Daniel, Carmel chiqankir Abigail warmin wawapa;

1 Crónicas 3:1 Jak'a apnaqawi uñst'ayäwi

2 Samuel 13:1

Davidan wawapa, Absalonasti mä suma cullacanïnwa, wali suma uñnakt'ani, Tamar sat sutini. Uqhamïpansti Amnón sat jakejj, cawquïritejj Davidan yokapäcaraquïna ucajja, uca Tamar tawakorojj walpun munapayatayna,

2 Samuel 13:29

Uqhamasti, Absalonan arunacaparu phokhasinsti, uywatanacapajj Amnonarojj jiwayapjjänwa. Uqhamasti ucanac uñjasajj reyin take wawanacapasti sartasinjja mulanacapar lat'jjatasinwa jaltjjapjjäna.

2 Samuel 3:1

Saúl reyin jakenacapampi, Davidan jakenacapampisti mä kawkha maranacaw guerran nuwasipjjäna, ucampisa Davidan jakenacapajj juc'at juc'atwa ch'amani tucupjjäna, Saúl reyin jakenacapasti juc'at juc'ataracwa thayjtapjjaraquïna.

2 Samuel 5:13

Hebrón chekata Jerusalenaru sarjjatatsti, Davidajj ucanjja juc'ampi warminaca catusiraquïna, uqhamaraqui uñt'atanacsa, ucanacasti Davidataquejj juc'ampi yokanaca, phuchanaca wawacharapipjjaraquïna.

1 Crónicas 2:55

uqhamarac soferitanacan familianacaparaqui, jupanacasti Jabes ucan jacapjjäna, ucanacasti tirateonaca, simeateonaca, sucateonaca ucanacäpjjänwa. Acanacasti Hamat ucat jutir quenitanacäpjjewa, jupasti Bet-recab ucan awquipänwa.

1 Crónicas 28:5

Wawanacsti jupa Tatituraquiw waljani churaraquitu, jichhasti take wawanacajj taypitjja Tatituwa Salomón wawajjaru ajllisiraqui Tatitun marcapa, Israelpachana tronopan kont'asiñapataqui.

1 Crónicas 3:2

quimsïristi Absalón satänwa, jupasti Maaca warmin wawapänwa, Gesur ucanquir reyin Talmai ucan phuchaparaqui; pusïristi Adonías satänwa, jupasti Haguit warmin wawanacapänwa;

Josué 15:56

Jezreel, Jocdeam, Zanoa,

1 Samuel 27:3

Davidampi jakenacapampisti Gat sisqui uca chekanwa jacapjjäna Aquis sat jakempi, sapa maynisa familiapampi. Davidasti panpacha warminacapjja irpasjjaraquïnwa: Jezreelanquiri Ahinoam sat warmimpi, uqhamarac Abigail warmimpi cuna, cawquïritejj Nabal jaken warmipäcäna uca. Uca Nabal jakesti Carmel chekana utjiriraquïnwa.