1 Crónicas 26:12 - Qullan Arunaca

¹² Acaraquïnwa puncu uñjirinacan luräwinacapajja. Jupanacarusa, uqhamarac jilïrinacarusa, masinacaparusa wact'änwa templona sirviñanacapa.

Aymar Bibliia 1986

¹² Acaraquïnwa puncu uñjirinacan luräwinacapajja. Jupanacarusa, uqhamarac jilïrinacarusa, masinacaparusa wact'änwa templona sirviñanacapa.

Qullan Arunaka DC

¹² Maykip punku uñjirinakan lurañanakapax akanakawa. Jupanakaru, uka kipkarak jilïrinakaparu, masinakaparus Tatitun utapan lurañanakaw wakt'äna.

1 Crónicas 26:12 Jak'a apnaqawi uñst'ayäwi

2 Reyes 7:10

Ucatsti sarasinjja, marcan uñjirinacaparuwa jawsapjjäna, ucatsti sapjjänwa: “Sirionacan campamentoparuwa sarapjjta, ucatsti janipuniw qhitirus jicjjatapcti, ni qhitirus parlasiri ist'apcaracti. Ucansti caballonaca, asnonaca chint'ataquiwa ucancasipcatayna, uqhamarac carpanacajja cunjämtejj ucht'asipcäna uqhampacharaquiw ucancascatayna” sasa.

1 Crónicas 25:8

Ucatjja sirviñataquejja sorteasisinwa lurañanacapjja laquinokasipjjäna takeni, jach'anacäpasa jisc'anacäpasa, yatichirïpjjpasa yatikerïpjjpasa.

1 Crónicas 26:11

Hilcías ucasti payïrïnwa; Tebalías ucasti quimsïrïnwa; Zacarías ucasti pusïrïnwa. Hosa chachan wawanacapasa, jilanacapasa takpachanejja tunca quimsanïpjjänwa.

1 Crónicas 26:13

Jupanacajj suertetwa wact'ayasipjjäna sapa familia mä puncutaqui, uca sorteo urusti mantapjjänwa jilïrinacasa, uqhamarac sullcanacasa.

1 Crónicas 9:23

Jupanacasa, wawanacapasa Tatitun utapar mantañawja kollan uta uñjapjjänjja.

2 Crónicas 31:14

Inti jalsu tokenquir puncu uñjiri Imna chachan Coré yokap levitasti, Diosar take chuymampi churat ofrendanacata, uñjir uchataraquïnwa, uqhamarac Tatitur churatäqui ucanaca lacjañataqui, uqhamarac Diosar loktatanacäqui ucanacatsa.

2 Crónicas 35:15

Ucatjja k'ochurinacatjja, qhitinacatejj Asaf chachat sarakeripäpcäna ucanacasti lurañanacapanwa jicjjatasipjjaraquïna, cunjämatï David, Asaf, Hemán, uqhamarac reyin Jedutún profetapasa waquichcäna uqhamaru. Puncu uñjirinacasti puncunacapanaracwa jicjjatasipjjäna; janiraquiw qhitisa lurañanacapjja apanucupjjañapäcänti, jupanacataquejj levita masinacapajj cunatejj jupanacar loktäwita wact'qui ucanacjja waquichasipcaraquïnwa.