1 Crónicas 24:3 - Qullan Arunaca

³ Davidajj Sadoc chachan yanapapampi, jupasti Eleazar chachat jutiriraquïnwa, uqhamarac Ahimelec chachan yanapapampejja, jupasti Itamar chachat jutiriraquïnwa, jupanacarusti jaljat jaljwa wact'ayäna lurañanacapa lurapjjañapataqui.

Aymar Bibliia 1986

³ Davidajj Sadoc chachan yanapapampi, jupasti Eleazar chachat jutiriraquïnwa, uqhamarac Ahimelec chachan yanapapampejja, jupasti Itamar chachat jutiriraquïnwa, jupanacarusti jaljat jaljwa wact'ayäna lurañanacapa lurapjjañapataqui.

Qullan Arunaka DC

³ Davidasti Sadoc chachan yanapapampi, Eleazar, Ahimélec, Itamar chachanakat saraqir wawanakapampix lurañanakap maykip phuqhañatakiw jalanuqäna.

1 Crónicas 24:3 Jak'a apnaqawi uñst'ayäwi

2 Samuel 20:25

Seva sat jakesti take cunanacatejj lurascän ucanaca kellkeriraquïnwa, Sadoc uqhamaraqui Abiatar sat jakenacasti sacerdotenacäpjjaraquïnwa.

2 Samuel 8:17

Ahitob sat jaken Sadoc yokapampi uqhamaraqui Ahimelec sat Abiatar jaken yokapampisti sacerdotenacäpjjaraquïnwa; Seraías jakesti take cunanacatejj lurasqui ucanac imiriraquïnwa.

1 Reyes 2:35

Ucjjarusti reyejj Benaía chacharojj ejerciton jilïripatwa uchäna Joab lanti, uqhamarac Abiatar sacerdote lantjja Sadoc sacerdoteruraquiwa ucharaquïna.

1 Crónicas 15:11

Ucatsti Davidajj jawsänwa Sadoc, Abiatar uca sacerdotenacaru, levitanacaru Uriel, Asaías, Joel, Eliel, Aminadab ucanacaruraqui.

1 Crónicas 16:39

Ucatsti Sadoc chacharu, uqhamarac sacerdote masinacaparojja, Tatitun carpaparuwa uchäna, Gabaón santuarioru,

1 Crónicas 18:16

Ahitob chachan Sadoc yokapampi, Abiatar chachan Ahimelec yokapampejja sacerdotenacänwa; Savsa chachasti kellkerïnwa,

1 Crónicas 24:31

Jupanacasti uqhamaraquiw sorteasipjjäna jaljasiñataqui, jilïrin familiapasa, sullca jilapansa, jupanacajj lurapjjänwa Aarón chachat jutir wawanacapa familianacapjama. Ucsti lurapjjänwa Davidana, Sadoc, Ahimelec ucanacan nayrakatapana, uqhamarac sacerdotenacan familianacapan jilïrinaca nayrakatana, uqhamarac levitanacan nayrakatapana.

1 Crónicas 24:4

Ucampis cunjämtï jupanacajj amuyasipjjäna Eleazar chachat jutir yokall wawanacapajj waljanïtapatjja, Itamar chachat jutir wawanacapat sipanjja jaljatäpjjänwa, ucatsti tunca sojjtani jilïrinacaquiw kheparjjapjjäna Eleazar chachan wawanacapatjja, Itamar chachan wawanacapatsti quimsakallkoniraqui.

1 Crónicas 24:6

Ucatsti Natanael chachan Semaías yokapajja kellkerïnwa, uqhamarac jupajj maynïriraquïnwa levitanacatjja, jupanacan sutinacapwa reyin nayrakatapana kellkäna, jilïrinacan nayrakatapana, Sadoc sacerdotena, Abiataran Ahimelec yokapana, sacerdotenacana familiapan jilïrinacapa, uqhamarac levitanacan nayrakatapanwa kellkaraquïna. Lurañanacapataquisti suertetwa wact'ayasipjjerïna, Eleazar chachat jutir wawanacapataquejja pä jalja, Itamar chachat jutir wawanacapataquisti mä jaljaraqui.

2 Crónicas 8:14

Uqhamaraquiw utt'ayaraquïna sapüru luräwinacapa, cunjämatï David awquipajj wact'äwaycäna uqhamaru, uqhamata sacerdotenacajj sirvipjjañapataqui, uqhamarac levitanacasa Tatitur yupaychapjjañapataqui, sapüruna cunanacantejj sacerdotenacajj yanapt'atäña munasqui ucanacan yanapt'asinaraqui. Uqhamaraquiw utt'ayaraquïna sapa puncuna uñjirinacan luräwinacapa, uqhamawa wact'ayawayäna Diosanquir Davidajja.

1 Samuel 21:1

Davidasti Nob sisqui ucsaruw sarjjäna, Ahimelec sacerdoter uñjiri. Uca sacerdotesti wali sustjataw mistunïna juparu catokerejja, ucatsti saraquïnwa: —¿Cunjämaraqui sapaqui juttasti qhitimpisay jutasamänjja? —sasa.