1 Crónicas 22:3 - Qullan Arunaca

³ Ucjjarusti walja hierronaca waquichäna, clavonaca, puncunaca, lurayañataqui, uqhamarac ch'ucunacapa apthapiñataqui; waquichayaraquïnwa walja broncenaca,

Aymar Bibliia 1986

³ Ucjjarusti walja hierronaca waquichäna, clavonaca, puncunaca, lurayañataqui, uqhamarac ch'ucunacapa apthapiñataqui; waquichayaraquïnwa walja broncenaca,

Qullan Arunaka DC

³ Ukhamarus punkunakan clavonakapataki, punku muyurinakatakix walja hierronak wakicht'äna; ukhamarak walja broncenakampi,

1 Crónicas 22:3 Jak'a apnaqawi uñst'ayäwi

1 Reyes 7:47

Bronceta lurata yänacajja waljapunïnwa ucatsti janiw Salomonajj llaquiscänti bronce apsuñatjja.

1 Crónicas 22:14

Uñjam, nayajj wali ch'amanaca tucusawa Tatitun templopa lurañataqui waquichta, quimsa waranka quimsa patacani tonelada korinaca, quimsa tunca quimsani waranka tonelada kollkenaca, uqhamarac walja jan jact'caya broncenaca, sinti walja hierronacaraqui waquicharacta. Uqhamaraquiw waquicharacta maderanaca, kalanaca, jumasti ucjjarojj juc'ampi yapt'ascaraquïtawa.

1 Crónicas 29:2

Take ch'ama tucuñampiw nayajj waquichta cunanacatejj munasqui ucanacjja Diosajjan templopataquejja: kori, kollke, bronce, hierro, madera, sapa mayataquis yakha yakha. Uqhamaraquiwa waquicharacta cornalina, kalanaca lip'suyañataqui, mezcla, kalanaca mosaicotaqui, take casta muncañ kalanacaraqui, uqhamarac walja alabastronaca.

1 Crónicas 29:7

Jupanacasti templo lurayañataquejja churapjjänwa: pataca sojjta tunca pheskani waranka kilo korinaca, tunca waranka kori kollkenaca, quimsa pataca quimsa tuncani waranka kilo kollke, uqhamarac niya sojjta pataca waranka kilo bronce, ucatsti quimsa millona quimsa patacani waranka kilo hierroraqui.

2 Crónicas 4:18

Salomonajj bronceta walja yänacwa lurayäna, ucatsti janiw llact'ascänti kawkhasay broncejj mantascpan ucatjja.

Jeremías 52:20

Uca pä jach'a pilaranacajj sayascäna, uqhamaraqui uca jach'a pilasa, broncet lurat uca tunca payani orko vacanacasa cawquïrinacatejj uca pila k'epjjäsipcän ucanaca, uqhamaraqui cuna cayunactejj Salomón reyejj Tatitun templopataqui luraycatayna ucanacan pisopasti janiw tantiyañjamäcänti.

Deuteronomio 8:9

Uca marcansti jumanacajj janiw mank'atjja t'akhesipcätati ni cunas pist'apcätamti; kalanacapatsa hierro metalanac apsupjjäta, kollunacapatsti cobre apsupjjaraquïta.