1 Crónicas 21:3 - Qullan Arunaca

³ Ucatsti Joab chachajj sänwa: —Tatitojj marcaparojj juc'ampi jiljjataypan pataca cuti ucqhampi, kawkhatejj utjctan ucjjaru, ucampis ¿janitisti take jupanacajj juma reyin sirvirimäpquisti? ¿Cunatsa juma reyejj jacthapiña muntajja? ¿Cunatsa Israel marcajj juchañchasinejja?

Aymar Bibliia 1986

³ Ucatsti Joab chachajj sänwa: —Tatitojj marcaparojj juc'ampi jiljjataypan pataca cuti ucqhampi, kawkhatejj utjctan ucjjaru, ucampis ¿janitisti take jupanacajj juma reyin sirvirimäpquisti? ¿Cunatsa juma reyejj jacthapiña muntajja? ¿Cunatsa Israel marcajj juchañchasinejja?

Qullan Arunaka DC

³ Ukampis Joab chachax sänwa: —Tatitusti markaparux pataka mä ukkhamp jilxataypan; ¿janit taqpach jupanakasti juma Jach'a Reyin luqtirinakapäkisti? ¿Kunatarak juma Jach'a Reyisti uk mayïtasti? ¿Kunatarak Israel markasti ukham juchañchasinisti? —sasa.

1 Crónicas 21:3 Jak'a apnaqawi uñst'ayäwi

Génesis 20:9

Ucatsti Abimelec chachajj Abrahamaruw jawsayani, saraquïnwa: —¿Cuns aca lurista? ¿Cuna jan walsa jumar lursma, uqhamat aca jach'a jucha apaniñamataqui nayjjaru, uqhamarac jakenacajj-jjaru? Uqham lurañajj janiw waquisquiti.

1 Reyes 14:16

Jeroboaman juchanaca luratapa laycuwa Tatitojj Israel marcaru catuyani, uqhamarac Israel marcaru jucha lurayatapataraqui” sasa.

2 Reyes 12:7

Ucatsti Joás reyejj jawsayanïnwa Joiada sacerdoteru, uqhamarac mayni sacerdotenacarusa, aqham sasa: “¿Cunatsa jumanacajj templo jan asquichapctajja? Jichhüruta ucsarusti janiw juc'amp kollke catokcjjapjjätati, imatanaca apnakerinacatjja; qhitintejj utjqui ucajja, churjjañapawa templo asquichayañataqui” sasa.

1 Crónicas 19:13

Ch'amañchasim, uqhamarac take chuymaraqui marcas laycu nuwasiñäni, uqhamarac Diosasan marcanacap laycuraqui. ¡Tatitusay lurpan cunjämay jupataqui sumächi uqhamaru!” sasa.

1 Crónicas 21:4

Ucampis reyejja ist'ayasïnwa Joab chachampi, ucatsti Joab chachasti sarasinjja take Israel marcpachwa muytäna, ucatjja cutt'jjänwa Jerusalén marcaru.

Salmos 115:14

Tatitojj wawanacamar waljaniptaypan, jumanacarusa, wawanacamarusa.

Éxodo 30:12

“Cunapachatejj israelitanacar jact'cäta ucqhajja, jupanacasti sapa mayni jakew Tatiturojj cunatejj jacañapat churañäqui uca churapjjañapa, jani cuna casta jiwayir ususa utjañapataqui cunapachatejj jact'cäta ucqhajja.

Éxodo 32:21

Ucat Moisesajj, Aaronarojj saraquïnwa: —¿Cunsa aca jakenacajj lurapjjtama? ¿Cunatsa aca jach'a jucha jupanacaru luraytajja? —sasa.

Proverbios 14:28

Reyitaquejja walja jakenacar apnakañajja, jach'ar aptatäñawa; juc'a jakenacar apnakañasti, aynacht'añawa.

Isaías 26:15

Tata, jumaw marcamarojj jiltaytajja; juman asquimataquiw jiltayaractajja, take korpanacapsa jithitatayaractawa.

Isaías 48:19

wawanacamasti ch'allar uñtata jan jact'cayaraquïsapänwa, uca ch'allanacjam sinti waljapunïsapänwa jan jact'cayaraqui; janiraquiw nayajj cunäquipansa tucjquiriscätti, nayrakatajjatsa janiraquiw jayar apanuccaraquiriscätti.”

Deuteronomio 1:11

¡Awquinacaman Tatitu Diosapay jumanacarojj warankan warankapa jiltaypan, ucatsti bendiciracpan cunjämtejj arsuwayapctam uqhamar phokhasa!

Josué 22:15

Take jupanacasti Galaad sat orakeruw sarapjjäna, cawqhantï Rubén, Gad, uqhamaraqui chicat Manasés tribunacajj ucancapcän ucaru, ucatsti sapjjänwa:

1 Samuel 2:24

Wawanaca, janiw walïquiti uqhama jan walinaca lurapjjatanacamajja. Janiraquiw walïquiti cuntejj Tatitun marcapajj jumanacjjata parlas sarnakapqui ucajja.