1 Crónicas 2:7 - Qullan Arunaca

⁷ Carmi chachan wawapasti Acar satänwa, jupasti jan walt'añwa utjayäna, cuntï Diosajj tak tucjañapa siscäna ucanaca jan tucjatapata.

Aymar Bibliia 1986

⁷ Carmi chachan wawapasti Acar satänwa, jupasti jan walt'añwa utjayäna, cuntï Diosajj tak tucjañapa siscäna ucanaca jan tucjatapata.

Qullan Arunaka DC

⁷ Carmí chachan wawapax Acar satänwa, jupaw Israel markatak jan walt'añ apanïna, kuntix Tatitux q'al tukjapxam siskän uk katuntasitap layku.

1 Crónicas 2:7 Jak'a apnaqawi uñst'ayäwi

1 Crónicas 2:6

Zera chachan wawanacapasti acanacänwa: Zimri, Etán, Hemán, Calcol, Darda ucanacaraqui, takpachanisti pheskanïnwa.

1 Crónicas 2:8

Etán chachan wawapasti Azarías satänwa.

1 Crónicas 4:1

Judá chachan wawanacapasti acanacänwa: Fares, Hezrón, Carmi, Hur, Subal ucanaca.

Deuteronomio 13:17

“Jan jumanacajj cunatejj t'unjañataqui uchatäqui ucanacjja aptasipjjamti, Diosasti janiraquiw ucapachajj jumanacataqui colerascaniti, ucampis Diosajj jumanacatwa qhuyapayasini waljaniru jiltayasaraqui, cunjämatejj jumanacan awquinacamaru arupampi arsuwaycän uqhama,

Deuteronomio 7:26

Ucatsti jan jumanacajj utanacamaru apasipjjamti cunatï maldicitäqui ucanacjja, jan uqhamata jumanacas t'unjatäpjjañamataqui. Take ucanacwa t'unjapjjäta ucatsti maldicitätwa uñt'apjjaraquïta.

Josué 22:20

Amtasipjjaraquim Acán sat Zara chachan wawapajj jucha lurcän ucata. Jupasti cunatejj t'unjatäñapäcän Tatitur loktasina, ucanacwa catuntasïna; Acán chachan juchap laycojja Diosajj take Israel marcataquiw colerasïna, janiraquiw jupa sapaquis juchap laycojj jiwcänti —sasa.

Josué 6:18

Jumanacasti janiraquiw cunsa aptasipjjätati, ni cunsa llamct'apjjaraquïtati aca marcanjja, jan ucasti takew t'unjatäñapa Tatitur loktatäcaspas uqhama. Jumanacatï jan uqham lurapcäta ucqhajj Diosan maldicionapaw aca Israel marcaru jutani.

Josué 7:25

Josué chachajj Acanarojj sänwa: —¿Cunatarac jumasti aca jan walinac lurapjjestasti? Jichhasti aca urunjja Diosay jumaru mutuypan nanacar jucha apanitamata —sasa. Josué chachan uca arunac tucuyipanjja, take israelit jakenacaw kalampi c'upjasin Acán chacharojj jiwayapjjäna, takpach familiapamp chica, ucatsti ninampiw phichhantapjjäna.