1 Crónicas 19:2 - Qullan Arunaca

² Ucatsti Davidajj amuyänwa suma uñjaña Nahas chachan Hanún sat yokaparu wali munasiñampi uñjasa jupan awquipajj munasiñampi jupar uñjatap laycuraqui, ucatsti mä kawkha jakenacaparuw qhitäna awquipan jiwjjatapat llaquisitap yatiyanipjjañapataqui. Ucampis cunapachatï Davidan oficialanacapajj amonita orakeru puripjjäna ucqhajja,

Aymar Bibliia 1986

² Ucatsti Davidajj amuyänwa suma uñjaña Nahas chachan Hanún sat yokaparu wali munasiñampi uñjasa jupan awquipajj munasiñampi jupar uñjatap laycuraqui, ucatsti mä kawkha jakenacaparuw qhitäna awquipan jiwjjatapat llaquisitap yatiyanipjjañapataqui. Ucampis cunapachatï Davidan oficialanacapajj amonita orakeru puripjjäna ucqhajja,

Qullan Arunaka DC

² Ukhamasti Davidax Hanún chacharuw khuyapt'ayañ amtäna, awkipax juparux munasiñampiw uñjatayna, ukatsti mä qawqha jaqinakap khithäna, awkipan jiwxatapat Hanún sat chachar chuymacht'iri. Kunapachatix Davidan jaqinakapax amonitanakan uraqipar puripxän ukkhaxa,

1 Crónicas 19:2 Jak'a apnaqawi uñst'ayäwi

2 Samuel 9:1

Mä uruw Davidajj jisct'araquïna: “¿Saúl reyin familiapatjja mä maynisa jacasquiti, nayan Jonatanat amtasisa asqui lurañajjataqui?” sasa.

2 Samuel 9:7

Davidasti saraquïnwa: —Jan ajjsaramti, nayajj jumarojj wali sum uñjäma, Jonatán awquimat amtasitajj laycu. Saúl achachilaman orakenacapsti takwa cuttayayjjäma, ucatsti naya chicapuniw mesajjan mank'asiraquïta.

2 Reyes 4:13

Ucatjja Eliseojj uywataparojj sänwa: —Aca warmirojj aqham sam: ‘Nanacampejj sumwa lurtajja, jichhajja inas mä cunsa jumataqui lurapjjerista; inas reyimpi juma laycu parlañajja munsta, jan ucajj ejerciton jilïripampisa’ —sasa. Ucjjarusti uca warmejj sänwa: —Nayajj waliquïsctwa jake masinacajj taypina —sasa.

1 Crónicas 19:1

Ucat mä kawkha maranacatjja amonitanacan Nahas sat reyiw jiwjje, ucatsti jupa lantejja yokapawa reyëjjäna.

1 Crónicas 19:3

amonitanacan jilïrinacapajj Hanún reyirojj sapjjänwa: “¿Juma reyejj amuytati Davidan uca jakenacar qhitanitapa llaquisiñapa jumar churañataquejja, juma reyin awquipar jach'añchañ laycuquejja? Jupanacajj jutapjjpachawa marcaru uñakeri, uqhamarac cunanacsa uñjiriraqui” sasa.

Nehemías 13:1

Qhaya urunsti Moisesan libropajja jakenacana uñjcatawa leet'atäna, uca kellkatanaracwa jicjjatasïna amonitanacasa, moabitanacasa janipuni Diosan marcapancañapajj waquisitapa,

Nehemías 4:3

Jupan jac'apansti Tobías sat amonita chachaw aqham saraquïna: —Uñtapjjam perkanac sayt'ayasipquiri: ¡Mä kamakesa uca perkaru jalsusajj allinucuwayaspawa! —sasa.

Nehemías 4:7

Ucampis Sanbalat, Tobías, árabe jakenacasa, uqhamaraqui Amonanquirinacasa, Asdod ucanquirinacasa cunapachatï yatipjjäna Jerusalén marcana perkanacapa sayt'ayañajja nayrakataru sarantascaquitapatjja, uqhamarac p'iysutanac perkantasitapatjja walipuniw colerasipjjäna.

Ester (hebreo) 6:3

Ucatsti reyejj jisct'iwa: —¿Cuna churäwsa, jan ucajj cuna jach'añchäwsa Mardoqueojj aca luräwitjja catokejja? —sasa. Mayni jilïrinacasti sapjjaraquïnwa: —Jupajj janiw cunsa catokquiti —sasa.

Eclesiastés 9:15

Ucampis uca marcanjja yatiñan mä pobre jakew utjäna, yatiñapampejj uca marcarojj khespiyasapänwa, ucampis janiw qhitis jupatjja amtascänti.

Juan 11:19

Walja judionacaw Martaru uñjiri sarapjjatayna, Mariampir cuna, jilapan jiwatapat chuymachiri.

1 Samuel 30:26

Davidasti cunapachatejj Siclag sisqui uca chekaru purjjäna ucapachasti, Judá orakenquiri jilïr jakenacaru, uqhamarac qhitinacatejj amigonacapäcäna ucanacarusa, cuntejj uñisirinacapat aparancatayna ucanacatjja mä chicat apayäna, aqham sasa: “Aca wajjt'añajj jumanacataquiwa, cuntejj Tatitun uñisirinacapat aparcta ucata mä chicatawa acajja” sasa.