1 Crónicas 17:1 - Qullan Arunaca

¹ Cunapachatï Davidajj palaciopancjjäna ucqhajja, Natán profetarojj sänwa: —Uñjam, nayajj cedro maderata lurat palacionctwa, ucampis Tatitun sumancäwi arcapajja mä carpa mankhencaquiwa —sasa.

Aymar Bibliia 1986

¹ Cunapachatï Davidajj palaciopancjjäna ucqhajja, Natán profetarojj sänwa: —Uñjam, nayajj cedro maderata lurat palacionctwa, ucampis Tatitun sumancäwi arcapajja mä carpa mankhencaquiwa —sasa.

Qullan Arunaka DC

¹ Kunapachatix Davidax reyi utapankxän ukkhaxa, Natán profetaruw säna: —Uñjita, nayax cedro lawat lurat reyi utan utjasta, ukampis Tatitun arust'äwi arcapasti mä chhujllar uchatakiwa —sasa.

1 Crónicas 17:1 Jak'a apnaqawi uñst'ayäwi

2 Samuel 12:1

Tatitusti Natán profetaruw qhitaraquïna Davidar uñjiri sarañapataqui. Natanasti Davidan nayrakataparu uñstasinsti saraquïnwa: —Mä marcan pani jakew utjäna. Maynejj kamirïnwa, maynisti pobreraqui.

2 Samuel 12:25

Tatitusti uca wawarojj munasiraquïnwa, Natán profeta toke Davidarojj ucjja yatiyaraquïna. Ucatsti Davidajj Tatitur ist'asajja uca wawarojj Jedidías, sasaw suticharaquïna.

2 Samuel 6:17

Tatitun arcapasti apatäjjänwa, uchäwiparu uscutäjjaraquïnwa, mä carpa mankharu cuna carptejj Davidajj arca uscuñataquipuni lurcatayna uca mankharu. Ucatsti Davidajj janc'aquiw sacrificionaca, sumancthapiña loktäwinaca loktaraquïna, Tatitun nayrakatapana.

1 Reyes 1:23

ucatsti profetan purinitapjja reyiruwa yatiyapjjäna. Cunapachatï profetajj reyin nayrakataparu uñstcäna ucqhajja, jupan nayrakatapanjja parapa orakeru puriyañcamawa alt'asïna,

1 Reyes 1:44

Ucatsti ordenaraquïnwa Salomonampi chica sarapjjañapataqui Sadoc sacerdoteru, Natán profetaru, Joiada ucan Benaía uca yokaparu, uqhamarac cereteonacarusa, peleteonacarusa, ucatsti jupanacajj rey Davidan mulaparuw lat'jjatayawayapjje.

1 Reyes 1:8

Ucampis janiw Sadoc sacerdotejja yanapcänti, ni Joiada ucan Benaía yokapasa, ni Natán profetasa, ni reyin wali uñt'ata Simei sat chachasa, ni Davidan suma soldadonacapasa Adoniasarojj yanapapcänti.

1 Reyes 8:17

David awquejjajja munänwa mä templo luraña Israelan Tatit Diosan sutiparu.

1 Crónicas 14:1

Tiro ucanquiri Hiram sat reyejja Davidan ucarojja qhithanacwa qhithäna, uqhamarac albañilanaca, carpinteronaca, jupanacasti cedro madera apapjjäna palacio lurañataqui.

1 Crónicas 15:1

Davidajj utanacwa lurayäna Davidana marcapana, uqhamaraquiwa mä cheka Diosan arcapataqui waquichayäna, mä carpa sayt'aycäna ucana.

1 Crónicas 16:1

Diosan arcapa apasinjja uchapjjänwa, Davidajj mä carpa uca amtampi waquichcäna ucqharu. Ucjjarojja loktapjjänwa nact'ayata ofrendanaca, uqhamarac sumancthapïwi loktäwinaca Diosan nayrakatapana,

1 Crónicas 17:2

Ucjjarusti Natán profetajj sänwa: —Uqhamajj luramay mäqui cuntï amttajja uca, Diosaw jumarojj yanapätam —sasa.

1 Crónicas 17:5

Cunürutejj nayajj Israel marcaru Egiptot apsuncta ucqhat jichhacamajja, nayajj janipuniw templonacan jaquirïcti, jan ucasti apnakaña carpanacanacwa jaquirïta mayata mayana, uqhamarac mä chekat, mä chekana.

1 Crónicas 22:6

Ucjjarusti Davidajj Salomón yokaparuw jawsayäna, ucatsti ewjjawayänwa Israelanquir Tatit Diosataqui mä templo lurayañapataqui,

1 Crónicas 22:7

aqham sasa: “Wawajjay, nayajj Tatit Diosatac mä templo lurayañwa amtayäta.

1 Crónicas 28:2

Ucatsti Davidajj sayt'asisinjja sänwa: “Ist'apjjeta, jilatanacajja, uqhamarac marcajja: Nayajj amtayätwa mä uta lurayaña, cawqhantejj Tatitun arust'äwi arcapajj wiñayataqui ucan uchatäcaspa, uqhamarac jiwasan Diosasajj tronopa ucarusa uchasiraquispa ucaraqui. Ucatsti nayajj wact'ayasiyätwa lurayañataquejja.

1 Crónicas 29:29

David reyin sarnakäwipasti kalltata tucuycamajja, Samuel profetan crónicas sat libropana kellkatawa, uqhamarac Natán profetan crónicas libropana, ucatsti Gad profetanaraqui;

2 Crónicas 1:4

Ucampis Davidaw Diosan arcapjja apatayna Queriat-jearim sisqui uca chekata, cawqharutejj jupajj mä cheka waquichcäna uca chekcama, jupasti Jerusalén marcanjja mä carpwa waquichäna.

Salmos 132:5

Tatitutac mä chekawja jicjjatañcama, Jacobon take atipir Diosapatac mä utjäwi jicjjatañcama” sasa.

Éxodo 26:1

“Tatitumpi Jiquisiñ Carpsti tunca cortinani luräta, uca cortinanacajja lino sat hilonaca c'anthitata luratäñapawa, suma azul telata, morado telata, uqhamarac wila telata, ucasti querubines sat angelanacampi suma bordatäñapawa.

Jeremías 22:15

¿Jumasti amuytati reyïñajja cedrompi muytata jacañäcaspas uqhama? Awquimajj sumwa jacasïnjja; ucampisa jupajj chekaparuw take cunsa luraraquïnjja, ucatwa take cunas jupataquejj waliquiraquïnjja.

Daniel (hebreo) 4:4

“Naya, Nabucodonosor reyejj c'uchiquiw palaciojjancascäyäta, wali kamiriraquïyätwa.

Hageo 1:4

¿Asquiti jumanacataquisti suma c'ajquiri utanacan utjasipjjañamasti, nayan utajjasti k'ala tucjatäquipansti?

Hageo 1:9

Jumanacajj wal thakasipctajja, ucampis juc'ac jicjjatapjjtajja. Cuntejj utanacaman imasipcta ucjja may phust'asin ina ch'usaruw tucuyäjja. ¿Cunata? Utajjajj ina apanucutätap laycu, jumanacasti utanacamatac llaquisipctajja. Naya ch'amani Tatituw arsta.

Hechos 7:46

Rey Davidasti Diosan nayrakatapanjja asqui jaket uñt'atänwa. Jupasti mä jach'a templo lurañ munäna, Jacobon Diosapajj ucan utjañapataqui.