1 Crónicas 13:6 - Qullan Arunaca

⁶ Ucatsti take Israel jakenacamp chicawa Davidajj Quiriat-jearim ucaru maqhatäna, uca chekasti Judá orakenjja Baala sataraquïnwa. Davidasti saränwa Tatitun Arcapa ucata aptaniñataqui, uca arcasti querubines sat angelanac taypin trononiwa, uqhamarac uca arca patjjanaracwa sutipasa art'asitaraqui.

Aymar Bibliia 1986

⁶ Ucatsti take Israel jakenacamp chicawa Davidajj Quiriat-jearim ucaru maqhatäna, uca chekasti Judá orakenjja Baala sataraquïnwa. Davidasti saränwa Tatitun Arcapa ucata aptaniñataqui, uca arcasti querubines sat angelanac taypin trononiwa, uqhamarac uca arca patjjanaracwa sutipasa art'asitaraqui.

Qullan Arunaka DC

⁶ Ukatsti Davidax taqi israelitanakamp chikt'atax Quiriat-jearim chiqaruw makhatäna, uka chiqax Judá markankir Baalá satarakïnwa, ukawjat Tatitun arcap aptanxañataki. Uka arca tuqiw Tatitun sutipax art'asi, qunuñapas querubines sat chhiqhaninak taypinkiwa.

1 Crónicas 13:6 Jak'a apnaqawi uñst'ayäwi

1 Reyes 8:16

‘Cunürutejj Israel marcajjaru Egipto marcata apsuncta ucqhatjja, janiw nayajj chhijllascti yakha marcaru Israelan take tribunacapatjja, ucana mä templo lurasiñapataqui, sutejjasa ucancañapataquiraqui. Ucampis ajllistwa Davidaru Israel marcajjaru apnakañapataqui’ sasa.

2 Reyes 19:15

oracionwa luräna, aqham sasa: “Israelan Tatit Diosapa, jumajj querubines sat angelanacjjaru trononïtawa: Juma sapaquïtawa aca orakena take acapachan Diosapajja; jumaraquiw alajjpachsa acapachsa lurtajja.

Salmos 80:1

Israel marcan awatiripa, ist'apjjaquitaya, tamar uñtat Josean marcapar irpiri, jaysapjjaquitaya; angelanac taypin khapak konuñaman kont'asiri, ist'apjjaquitaya.

Salmos 99:1

¡Tatitojj reyiwa! Reyi konuñapajj angelanacjjar utt'atawa. Marcanacajj qhathatipjjpan, takpach orakes onjjtaracpan.

Éxodo 20:24

Jichhasti nayataqui mä altara lak'at lurarapipjjeta, ucatsti uca altarjjarojj takpach nact'ayata sacrificionaca, uqhamarac sumancañataqui sacrificionac loktapjjeta ovejanacamata, uqhamarac vacanacamatsa. Nayasti jutasinjja bendicipjjämawa take orakena, cawqhanacantejj nayan sutejjajj amtatäñapa muncäjja ucqhanacana.

Éxodo 23:21

Jupatsti, jumajj janiw sarakätati, juparuraqui jaysam, jan jupataquejj sayt'asimti, jupasti nayan sutejjaruwa take cunsa luri, uca laycusti jumanacarojj juchanacamatjja janiw perdonapcätamti.

Éxodo 25:22

Ucanwa jumampejj jiquisiñäni. Nayajja suma arust'äwi arca patjjancqui uca pä querubines sat angelanac taypitwa israelitanacataquejj arunacajja churanïma.

Isaías 37:16

“Take ch'amani, Israelan Diosapa, juman tronomajj querubines sat angelanac patanquiwa, acapachanjja take reyinacjjarus juma sapaquïtawa, jumaw alajjpachsa acapachsa usctajja.

Números 6:27

“Uqhamwa jupanacajj sutejja israelitanacar arsupjjani, ucatsti nayajj jupanacarojj bendiciraquïwa.”

Números 7:89

Cunapachatï Moisesajj mantcäna Tatitumpi Jiquisiñ Carparu, Tatitumpi parlañataqui, ist'änwa Tatitu Diosan juparu parlascatapa, suma Arust'äwiru Mantañ Arca imañ patata, uca pä chhekhan angelanac taypita.

Josué 15:60

Uqhamaraqui Quiriat-baal marca, cawquïritï Quiriat-jearim satäcaraquïna, uca quipcaraqui Rabá marca, takpachasti pä marcanaca, jisc'a marcanacamp cuna.

Josué 15:9

Muytasincaquïnwa kollu patanjama Neftoa sat uma jalsucama sarakasa, Efrón kolluna marcanacapar puriñcama, uqhamaraqui Baala chekanjam pasasina, cawquïritï Quiriat-jearim sutinïcaraqui.

Josué 9:17

Ucatsti israelit jakenacajj Gabaón marcar puriñcamaw sarapjjäna, quimsa urunjja puripjjänwa gabaonitanacan marcaparojja cawquïrinacatï Gabaón, Cafira, Beerot, Quiriat-jearim sutinïna uca marcanacaru.

1 Samuel 4:4

Ucatsti israelitanacajj Silo sat uca chekarojj mä kawkha jakenacwa qhitapjjäna, ucatsti uca chekatjja aptanjjapjjänwa take ch'amani Tatitun Arust'äwi Arcapa, uca take ch'amani Diosasti querubines sat angelanacampi yupaychataraquïnwa. Ofni, Finees sat Elí sacerdoten yokanacapasti uca arca apaniñanjja ucancapjjaraquïnwa.

1 Samuel 6:21

Ucatsti Quiriat-jearim chekanquir jakenacarojj aca ewjja apayapjjäna: “Filisteo jakenacajj Tatitun arcapa cutt'ayanjjapjjewa, jichhajj jutapjjam ucatsti apasjjapjjaraquim” sasa.