1 Crónicas 11:6 - Qullan Arunaca

⁶ Davidajj sänwa: “Cawquïritejj nayrakata jebuseonacaru nuwantcani ucarojja utt'ayäwa jach'a jilïrita” sasa. Ucatjja Sarvia chachan Joab yokapaw nayrakata jebuseonacar nuwantäna, ucatsti jach'a jilïritwa utt'ayatäna.

Aymar Bibliia 1986

⁶ Davidajj sänwa: “Cawquïritejj nayrakata jebuseonacaru nuwantcani ucarojja utt'ayäwa jach'a jilïrita” sasa. Ucatjja Sarvia chachan Joab yokapaw nayrakata jebuseonacar nuwantäna, ucatsti jach'a jilïritwa utt'ayatäna.

Qullan Arunaka DC

⁶ Davidasti sataynawa: “Khititix jebuseonakar nayraqat katuntkani juparuw jach'a jilïrit utt'ayä” sasa. Ukatsti Seruiá chachan Joab yuqapaw nayraqat katuntäna, ukat jupax jilïrit utt'ayatäxäna.

1 Crónicas 11:6 Jak'a apnaqawi uñst'ayäwi

2 Samuel 2:13

Mä toketsti Sarvia sat jaken Joab yokapajja, uqhamaraqui Davidan soldadonacapasa, Hebrón toketjja mistunipjjaraquïnwa, ucatsti jupanacampejj Gabaón estanque jac'an jiquintasipjjäna. Paypacha ejercitonacasti uñcatasi puraw waquichrantasipjjäna, mayninacajj uca uma estanquet maysana, mayninacasti maycatanaraqui.

2 Samuel 2:18

Ucancapjjaraquïnwa Sarvia jaken quimsa yokanacapajja: Joab, Abisai, Asael ucanaca. Aca khepäqui ucasti mä pampa cabritjamaw wali jaliriraquïna,

2 Samuel 20:23

Joab chachaw Israel marcan ejercitopan jach'a jilïriparaquïnjja, Joiada jaken yokapa Benaía sata jakesti uñjirinacan jilïriparaquïnwa, uca uñjirinacasti cereteonaca, peleteonaca ucanacaraquïnwa.

2 Samuel 3:27

Cunapachatejj Abnerajj Hebronar purinïna ucqhasti, Joab jakejj marcat mistuña puncut qhursa tokeruw irpäna, jupa sapampiqui parlañataqui, ucanwa puracat chhokhontasin jiwayäna, Asael jilaparu jiwayatapat phoksusisa.

2 Samuel 8:16

Ejerciton jach'a jilïripasti Joab jakënwa, Sarvia jaken yokapa. Josafat sisqui ucasti, cawquïritejj Ahilud sisqui ucan yokapäcän ucasti reyin kellkeriparaquïnwa.

1 Reyes 1:7

Ucatsti mä suma amtäwiruw mantapjjäna Sarvia ucan Joab yokapampi, uqhamarac Abiatar sat sacerdotempi, jupanacasti Adoniasarojj yanapapjjänwa.

1 Crónicas 11:5

Ucatsti Davidarojj sapjjänwa: “Jumajj janiw acar mantcasmati” sasa. Ucampis Davidajj nuwasiñatac lurat Sión marcarojj catuntänwa, jichhasti ucatwa Davidan marcapata uñt'atajja.

1 Crónicas 11:7

Khepjjarusti Davidajj uca nuwasiñatac lurat utaruw utt'asjjäna, ucatwa sutichapjjäna Davidan Marcapa sasa.

1 Crónicas 18:15

Ejerciton jilïripasti Sarvia chachan Joab yokapänwa, Ahilud chachan Josafat yokaparaquiwa, reyin kellkeripänjja.

1 Crónicas 27:34

Ahitofel chacha lantisti utt'ayatäpjjänwa Benaía chachan Joiada yokapa, uqhamarac Abiatar chachampi. Joab chachasti reyin palaciopana ejerciton jilïripänwa.

Salmos 60:9

¿Qhitirac uyunacamp muyuntat marcar irpitanisti? ¿Qhitirac Edom orakcam puriyitanisti?

1 Samuel 17:25

“¿Uñjapjjtati uca chachar mistuniri? ¡Israelar arnakeriw jutaraquiquejja! Qhititejj juparu atipjaspa ucarusti reyejj walja yänacwa churani, phuchapsa warmipat churaraquini, familiapasti janiw impuestonac pagcjjaraquiniti” sasaw jakenacajj parlapjjäna.