1 Crónicas 11:5 - Qullan Arunaca

⁵ Ucatsti Davidarojj sapjjänwa: “Jumajj janiw acar mantcasmati” sasa. Ucampis Davidajj nuwasiñatac lurat Sión marcarojj catuntänwa, jichhasti ucatwa Davidan marcapata uñt'atajja.

Aymar Bibliia 1986

⁵ Ucatsti Davidarojj sapjjänwa: “Jumajj janiw acar mantcasmati” sasa. Ucampis Davidajj nuwasiñatac lurat Sión marcarojj catuntänwa, jichhasti ucatwa Davidan marcapata uñt'atajja.

Qullan Arunaka DC

⁵ Davidarusti sapxänwa: “Jumax janiw aka markar mantkasmati” sasa. Ukampis Davidax jach'a uyun Sión marka katuntasïna, uka markax jichhax Davidan markapat uñt'atawa.

1 Crónicas 11:5 Jak'a apnaqawi uñst'ayäwi

2 Samuel 5:9

Uca khepatsti Davidajj uca sayt'asiña chekaruw utjantasïna, ucatsti Davidan Marcapa sasaw suticharaquïna. Ucat uca marcarojj mä jach'a perkampiw muyuntayaraquïna, Milo sisqui uca chekata, palaciocama.

2 Samuel 6:10

Cunjämatejj jani Tatitun arcapa apaña muncjjapjjänti Davidan Marcaparu, ucatsti Obed-edom sat jaken utaparu jaytanipjjañapataquiw arsuraquïna, jupasti Gat sisqui uca chekanquiriraquïnwa.

2 Samuel 6:12

Cunapachatejj Davidaru yatiyapjjäna, cunjamtï Tatitojj Obed-edom jakeru uqhamaraqui take familiaparu bendicïna, arcan utapancatap laycu, ucapachasti Davidajj jach'a cusisiñampiw Diosan arcapjja Obed-edom jaken utapat aptayanjjäna, Davidan Marcaparu.

1 Reyes 8:1

Ucatsti Salomonajj Jerusalenanjja tantachänwa jupan nayrakatapana Israelanquir chuyman awquinacaru, tribunacan jilïrinacaparu, uqhamarac israelitanac taypina wali aytat jakenacaru, Tatituna sumancäwi arcapa apjjañataqui Davidana marcapata, ucajj Sión sataraquïnwa.

1 Crónicas 11:4

Davidampi take israelitanacampejja Jerusalén tokeruw saräna Jebús sat chekaru. Uca chekansti jebuseonacaw jacapjjäna.

1 Crónicas 11:6

Davidajj sänwa: “Cawquïritejj nayrakata jebuseonacaru nuwantcani ucarojja utt'ayäwa jach'a jilïrita” sasa. Ucatjja Sarvia chachan Joab yokapaw nayrakata jebuseonacar nuwantäna, ucatsti jach'a jilïritwa utt'ayatäna.

1 Crónicas 11:7

Khepjjarusti Davidajj uca nuwasiñatac lurat utaruw utt'asjjäna, ucatwa sutichapjjäna Davidan Marcapa sasa.

2 Crónicas 5:2

Ucatsti Salomonajj Jerusalenanjja tantachänwa Israelanquir jilïri jakenaca, tribunacan take jilïrinacaparu, uqhamarac israelitanacan familianacapan jilïrinacaparu, Tatitun arust'äwi arcapa apjjañataqui Sión sata Davidan Marcapata.

Salmos 122:5

Ucanquiw chekapar uñjañ taripäwinacajja, ucanquiw David reyin taripäw utanacapajja.

Salmos 132:13

Tatituw Sión kollurojj ajllisi, ucawjan jacañataquiw jupajj chhijllasi, aqhäm saraqui:

Salmos 2:6

“Naya pachpaw reyijjarojj ajllista, Sión, kollan kollojj patjjaruw utt'ayta” sasa.

Salmos 48:2

Kollan kollun amstapajj muncayawa, take acapachan cusisiñapawa: Sión kollojj alajjpachan thiyapawa, jach'a ch'aman reyin marcapawa.

Salmos 78:68

Judá aylluruw ajllïna, Sión munat kollupampiruw chhijlläna.

Salmos 87:2

Tatitojj Sión marcan puncunacaparojj munasiwa, Jacobon takpach utjäwinacapat juc'amp munasi.

Salmos 87:5

Sión marcatjja, sapjjaniwa: “Aca marcasa, qhuri marcas jupan utjayatawa, Alajjpachanquir pachpaw utt'ayi” sasa.

Salmos 9:11

Sión kollun jaquir Tatitur k'ochupjjam, muspharcañ luratanacap marcanacar yatiyapjjam;

Romanos 9:33

Ucasti kellkataraquiwa: “Acajjaya nayajj lanctañ kalwa Sionarojj uscta, tincuñ jach'a kalaraquiwa; jupar iyawsirejja janiraquiw p'enkachatäcaniti” sasa.

Hebreos 12:22

Ucatsipan jumanacajj Diosar yupaychañataquejj Sión kolluru, jacquiri Diosan marcaparu, alajjpach Jerusalén marcaru, walja warank tantacht'at angelanacaruw jac'achasipjjtajja,

Apocalipsis 14:1

Ucatsti Corderoruw uñjta Sión kollu patana sayasquiri. Jupamp chicasti pataca pusi tunca pusini waranka jakenacaw ucancascaraquïna, jupanacasti paranacaparojj Corderon sutipampi, uqhamarac Awquipan sutipampi kellkt'atäpjjänwa.

Jueces 19:10

Ucampis levitajja janiw uca arumampi kheparaña muncänti, jan ucasti sarawayjjänwa uñt'atapampi, uywatapampi, uqhamarac pä carunt'at asnonacapampi. Jupanacajj Jebús sat Jerusalén marcaruw jac'achapjjäna.

1 Samuel 17:26

Ucat Davidajj jupa jac'anquir jakenacaru jisct'araquïna: —¿Qhititejj aca filisteo chacharu jiwaycaspa, uqhamarac israelitanacar jisc'achatapsa apakcaspa uca jakerusti reyejj cunsa churaspa? Uqhamasti, ¿qhitiraqui uca jan Diosar uñt'iri filisteo chachasti, jacquir Diosan ejercitopar arnakaniñapataquisti? —sasa.

1 Samuel 17:36

Uqhamapï mä leonäscpasaya, jan ucajj mä osöscpasaya, aca sirvirimajj jiwt'ayaquipunirïnwa. Aca jan Diosar uñt'iri filisteo chacharusti uca quipcaraquiquiw lurasini jacquir Diosan ejercitopar arnakatap laycu.