1 Crónicas 11:3 - Qullan Arunaca

³ Uqhamatwa Israelana take chuyman awquinacajj sarapjjäna David reyimpi parliri Hebrón chekana, ucatsti Davidajj jupanacampiw mä suma parlt'äwiru mantäna, Tatituru testigota uchasina. Ucatsti jupanacajj Davidarojj Israelan reyipatwa utt'ayapjjäna, cunjämtï Diosajj arscäna Samuel toke uqhamaru.

Aymar Bibliia 1986

³ Uqhamatwa Israelana take chuyman awquinacajj sarapjjäna David reyimpi parliri Hebrón chekana, ucatsti Davidajj jupanacampiw mä suma parlt'äwiru mantäna, Tatituru testigota uchasina. Ucatsti jupanacajj Davidarojj Israelan reyipatwa utt'ayapjjäna, cunjämtï Diosajj arscäna Samuel toke uqhamaru.

Qullan Arunaka DC

³ Ukhamaw Israel markan jilïr jaqinakax Hebrón chiqar David reyimpi parlir sarapxäna, Tatitun nayraqatapansti, Davidampix mä arust'äwi lurapxäna. Ukatsti Davidarux Israel marka apnaqiripat utt'ayapxäna, kunjämtix Diosax Samuel tuqi arskän ukhamaru.

1 Crónicas 11:3 Jak'a apnaqawi uñst'ayäwi

2 Samuel 2:4

Ucaruw Judá tokenquir jakenacajj purintanipjjaraquïna, ucanwa Davidarojj Judá marcan reyipäñapataqui utt'ayjjapjjaraquïna. Davidarusti yatiyapjjaraquïnwa Jabes de Galaad sisqui ucsa jakenacan Saúl reyir imantjjatapa.

2 Samuel 5:3

Uqhamaw Israelanquir take jilïri jakenacajj Hebrón chekan David reyimpi parliri sarapjjäna, jupasti mä arust'äwi luraraquïna jupanacampejja, Tatituru testigot uscusa. Uqhamasti jupanacajj uca urojj Davidarojj reyit utt'ayjjapjjäna, take Israel marcjjaru.

2 Samuel 5:5

Hebrón marcansti pakallko chicatani maraw Judá orakerojj reyit apnakäna, ucjjarusti Jerusalenan take Israel marcaru uqhamaraqui Judá marcarojj quimsa tunca quimsani mararaquiw apnakäna.

2 Reyes 11:17

Ucatsti Joiada sacerdotejj suma parlt'äwiruwa mantäna Tatitumpi, reyimpi, uqhamarac marcampisa, jupanacajj Tatitun marcapäpjjañapataqui, uqhamarac reyimpi marcampiraqui.

2 Reyes 23:30

Ucatsti oficialanacapajj jiwat janchipa mä carroru uchasinjja Meguido chekatjja, Jerusalén marcaruw apjjapjjäna, ucanracwa imt'jjapjjäna. Marcanquir jakenacasti Josías reyin Joacaz yokaparuw awquip lanti reyita utt'ayapjjäna.

1 Crónicas 11:10

Acanacawa Davidan wali aytata soldadonacapajja, qhitinacatejj jupar reyi cancañapana yanapapcäna ucanacajja, uqhamarac take israelitanacajj mayacht'asisajja reyiru tucuyapcäna, cunjämatï Tatitojj Israelaru yatiycäna uqhamaru.

2 Crónicas 23:3

Ucan takeni tantachasipcäna ucanacawa reyimpi mä suma arust'äwiru mantapjjäna, Diosan templopana. Ucatsti Joiada sacerdotejj sänwa: “¡Acajjay reyin yokapajja jumanacan nayrakatamanquiwa! Juparuwa reyïñapajja wact'i, cunjämatï Tatitojj arsuwayqui Davidan saraker wawanacapatjja uqhamaru.

Jueces 11:11

Ucampis Jefté chachajj jilïrinacampejj saränwa; puripanjja marcanquir take jakenacajja jilïripatwa utt'ayapjjäna. Ucampis Mizpa sat marcanjja Jefté chachajja Dios nayrakatanjja cuna arunactejj arscäna uca pachpa arunacaracwa arsuraquiquïna.

1 Samuel 11:15

Ucat take jakenacaw Gilgal chekaru sarapjjäna, ucanwa Tatitu nayrakatana Saúl waynarojj reyit utt'ayapjjäna. Janc'aquiraquiw Tatiturojj sumancañ sacrificionac loktapjjäna; Saúl waynasa, take israelita jakenacasa wali cusisipjjäna.

1 Samuel 15:28

Ucat Samuelojj Saúl reyirojj saraquïna: —Cunjämtejj ch'iyakquistajja uqhamaracwa jumarojj Tatitojj Israelan tronopatjja ch'iyakjjaractamjja. Juman mayni marca masimar catuyjjañataquiw apakjjtam, cawquïritejj jumat sipansa juc'ampi wali asquïqui ucaru.

1 Samuel 16:1

Tatitusti Samuelorojj saraquïnwa: —¿Cunapachcamas uqham llaquitaqui sarnakäta uca Saúl reyi laycojja? Janiw nayajj muncjjti jupan Israel marcjjaru reyiquïscañapjja. Jichhajj sartasim, ucat uca wajjraru aceitempi phokhantam, ucatsti Isaí chachan utapar sarañamwa munta, Belén chekaru, nayasti mayni wawaparuw ajllista reyïñapataqui —sasa.

1 Samuel 16:3

Ucatsti Isaí chacharojj uca sacrificio loktäwirojj jawsayaraquim, ucat nayaw sascäma cunatejj lurañamäqui ucjja. Qhitirutejj nayajj siscäma ucaru reyitac yakhacham —sasa.

1 Samuel 23:18

Uqhamasti panpachaniw mä amtäwi lurapjjäna, Tatitun nayrakatapana. Uca khepatsti Jonatanajj utaparuw cuttanjjäna. Davidasti Hores sisqui uca chekaruw kheparjjaraquïna.

1 Samuel 28:17

Tatitusti, cuntejj naya toke yatiycäyätamjja ucwa phokhascaraqui. Jichhajj reinomwa apakjjtamjja, ucatsti jumampi chica sarnakeri Davidaruw churjjaraqui,