1 Crónicas 11:10 - Qullan Arunaca

¹⁰ Acanacawa Davidan wali aytata soldadonacapajja, qhitinacatejj jupar reyi cancañapana yanapapcäna ucanacajja, uqhamarac take israelitanacajj mayacht'asisajja reyiru tucuyapcäna, cunjämatï Tatitojj Israelaru yatiycäna uqhamaru.

Aymar Bibliia 1986

¹⁰ Acanacawa Davidan wali aytata soldadonacapajja, qhitinacatejj jupar reyi cancañapana yanapapcäna ucanacajja, uqhamarac take israelitanacajj mayacht'asisajja reyiru tucuyapcäna, cunjämatï Tatitojj Israelaru yatiycäna uqhamaru.

Qullan Arunaka DC

¹⁰ Akanakaw Davidan aytat jilïr soldadonakapaxa, jupanakaw marka apnaqañ yanapapxäna, israelitanakampi mayacht'asisax reyit uskt'apxäna, kunjämatix Tatitux Israelar markar siskän ukhamaru.

1 Crónicas 11:10 Jak'a apnaqawi uñst'ayäwi

2 Samuel 3:21

Abnerasti Davidarojj saraquïnwa: —Jichhajj sarjjañajjawa take Israel jakenacaru tantacht'añataqui, ucat juma jach'a reyimpi mä arust'äwi lurañapataqui, uqhamat juma jach'a reyejj cunjämarutejj muncta uqhamaru apnakañamataqui —sasa. Davidasti Abnerarojj mä sumwa qhitanuct'jjäna, ucat Abnerajj c'uchiquiraquiw sarjjäna.

1 Crónicas 11:3

Uqhamatwa Israelana take chuyman awquinacajj sarapjjäna David reyimpi parliri Hebrón chekana, ucatsti Davidajj jupanacampiw mä suma parlt'äwiru mantäna, Tatituru testigota uchasina. Ucatsti jupanacajj Davidarojj Israelan reyipatwa utt'ayapjjäna, cunjämtï Diosajj arscäna Samuel toke uqhamaru.

1 Crónicas 12:21

Acanacaw Davidaru yanapapjjäna nuwasiñanjja, jupanacasti takeniw jan ajjsariri guerran nuwasirïpjjäna uca laycu, ucatsti jupanacajj ejercitonjja jilïrinacäpjjänwa.

1 Crónicas 12:23

Hebrón chekanjja acanacaw takpacha soldadonacajja guerrataquejja Davidaru jakcattapjjäna, Saúl reyin reinopa jupar pasayjjañataqui, cunjämatï Tatitojj siscäna uqhamaru.

1 Crónicas 12:24

Judá tributjja sojjta waranka quimsakallko patacani jakenacäpjjänwa, jupanacasti escudonacani, lanzanacani waquicht'atäpjjänwa guerrasiñataqui.

1 Crónicas 12:38

Take aca guerrana nuwasiri jakenacajja nuwasiñatacjamawa sarantapjjäna, jupanacasti take chuymawa Hebrón marcaru sarapjjäna Davidaru Israeljjaru reyita utt'ayañataqui; uqhamaraquiw takpacha israelitanacajja jan maynini amtasipjjaraquïna uca pachpa luraña.

1 Crónicas 12:39

Jupanacasti Davidampejja quimsa uruwa mank'asa, umasa ucancapjjäna, marca masinacapawa cuntejj munapcäna ucanacjja waquichapjjäna.

1 Crónicas 27:1

Ucjjarusti israelitanacana listapajj jaqhuta uchatäcäna ucanacasti acanacänwa, familianacana jilïrinacapata, uqhamarac batallones, compañías, oficialanacatsa qhitinacatejj reyiru sirvipcäna ucanaca. Jupanacan oficialanacapajj cunjäm jaljatäñapasa marpachana sapa phajjsi wact'cäna ucanac uñjapjjäna. Sapa tamansti pä tunca pusini waranka jakenacaw utjäna.

1 Crónicas 28:1

Davidajj Jerusalén marcanjja Israelanquiri jilïri chachanacaruwa tantacht'äna, tribunacan jilïrinacaparu, reyin sirvirinacapäpqui uca take soldadonacan jilïrinacaparu, batallonanacan comandantenacaparu, compañíanacan jilïrinacaparu, take orakenacapa, uywanacapa, reyin wawanacapa uñjirinacarusa wali aytata chachanacaru, ejerciton take aytata oficialanacaparusa.

1 Samuel 16:1

Tatitusti Samuelorojj saraquïnwa: —¿Cunapachcamas uqham llaquitaqui sarnakäta uca Saúl reyi laycojja? Janiw nayajj muncjjti jupan Israel marcjjaru reyiquïscañapjja. Jichhajj sartasim, ucat uca wajjraru aceitempi phokhantam, ucatsti Isaí chachan utapar sarañamwa munta, Belén chekaru, nayasti mayni wawaparuw ajllista reyïñapataqui —sasa.