1 Crónicas 10:1 - Qullan Arunaca

¹ Filisteo jakenacajj Israelaruwa chhuct'apjjäna, ucatsti israelitanacajj jupanacan nayrakatapatjja jaltjjapjjänwa, ucatjja Gilboa chekanjja atipjatawa uñjasipjjäna.

Aymar Bibliia 1986

¹ Filisteo jakenacajj Israelaruwa chhuct'apjjäna, ucatsti israelitanacajj jupanacan nayrakatapatjja jaltjjapjjänwa, ucatjja Gilboa chekanjja atipjatawa uñjasipjjäna.

Qullan Arunaka DC

¹ Filisteonakax Israel markaruw nuwantäna, israelitanakasti jupanakat jaltxapxänwa, ukampis Guilboa qullun jupanakarux jiwarayäna.

1 Crónicas 10:1 Jak'a apnaqawi uñst'ayäwi

2 Samuel 1:21

“¡Gilboa kollunaca, jumanacjjarojj jan jichhajj jallusa, ni sullasa purpati, jumanacajj jiwaña lugaräpjjatam laycu! Atipjirinacan escudopasti ucanwa taquisita uñjasiraquïnjja. Saúl reyin escudopan c'ajatapasa ucanwa tucusiwayjje.

2 Samuel 1:6

Uca uywatasti saraquïnwa: —Nayajj Gilboa kolluncascäyätwa. Uqhamaruw Saúl reyirojj pachpa lanzapjjaru liwjjattir uñjta, uqhamaraqui enemigon nuwasiña carronacapasa, caballeriapasa jac'achasiniraquïnwa niya jicjjatañatacjama.

2 Samuel 21:12

Davidasti sarasinjja Saúl reyina, uqhamaraqui Jonatán yokapampina jilt'a ch'aqhanacapwa aptanjjäna, cawquïrinacatejj Jabes de Galaad sisqui uca chekan utjiri jakenacan amparanacapanccän uca. Uca jakenacasti Saúl reyin amayapjja Bet-sán sisqui uca plazatwa lunthatawayapjjatayna, cunürutejj filisteonacajj Saúl reyirojj Gilboa chekan atipjasin warccatapcataynasa uca uru.

1 Crónicas 10:8

Khepürusti filisteo jakenacajj jiwatanacata yänacapa apaririw sarapjjäna, ucatwa jicjjatapjje Saúl reyiru, yokanacapampiru Gilboa kolluna jiwarata liwisisipquiri.

1 Crónicas 9:44

Azel chachan wawanacapasti sojjtanïnwa, aqham sutinacani: Azricam, Bocru, Ismael, Searías, Ubadías, Hanán ucanacaraqui. Acanacänwa Azel chachan wawanacapajja.

1 Samuel 28:1

Uca urunacansti filisteonacajj ejercitopwa tantacht'apjjäna Israel marca contra nuwasiñataqui. Ucat Aquis reyejj Davidarojj saraquïnwa: —Jumajj sumwa yattajja. Jumampi jakenacamampisti nayampi chicaw mistupjjañama nuwasiñataquejja —sasa.

1 Samuel 28:4

Filisteonacasti tantacht'asisinjja Sunem sisqui uca chekaruw purintapjjäna. Saúl reyisti take israelita jakenacaruw tantacht'araquïna. Gilboa sisqui uca chekaruw purintapjjaraquïna.