1 Corintios 9:18 - Qullan Arunaca

¹⁸ Nayataquejj uca wajjt'asiñajj acawa: Chuymajjanjja cusisiñaw utji jan qhititsa cun mayis khespiyasiñ arunac parlatajjata. Janiraquiw cunatejj wact'quitu ucanacsa mayiscti.

Aymar Bibliia 1986

¹⁸ Nayataquejj uca wajjt'asiñajj acawa: Chuymajjanjja cusisiñaw utji jan qhititsa cun mayis khespiyasiñ arunac parlatajjata. Janiraquiw cunatejj wact'quitu ucanacsa mayiscti.

Qullan Arunaka DC

¹⁸ Ukhamïpansti, nayar kusisiyir waxt'äwix Diosan suma yatiyäwip jan kun mayis qhanañchañawa; ukampix sañ munta, Diosan suma yatiyäwi arup qhanañchatat janiw kunsa katuqañatak maykti.

1 Corintios 9:18 Jak'a apnaqawi uñst'ayäwi

Juan 4:36

Qhititejj apthapqui ucajja pagopjja catokewa, yapu apthapitapasti wiñay jacañataquiwa, uqhamat yapuchirimpi yapu apthapirimpi cusisipjjañapataqui.

Hechos 18:3

Aquilamp Priscilampisti carpanac lurirïpjjänwa. Pablosti uca luririraquïnwa. Ucatwa Pablojj jupanacamp chic khepari irnakañataqui.

Romanos 14:15

Juman mank'atam laycutejj jilaman chuymapajj usuchjatächi ucapachajja, janiw munasiñamp sarnakctati. Janiy munamti juman cun mank'atam laycusa maynin chhakañapjja, Tatitusti jupa laycuw jiwawayaraqui.

1 Corintios 10:33

Nayajj taketaquis asquïñwa munta. Janiw nayan walïñajjacti jan ucasti mayninacan asquïñapwa muntjja, uqhamata jupanacajj khespiyatäpjjañapataqui.

1 Corintios 3:8

Yapuchirisa, karpirisa mayaquiwa, Diosajj sapa mayniru luräwipatjam churcchini ucasa.

1 Corintios 7:31

Acapachan cuna asqui jicjjatirinacasa, janis cunsa jicjjatapcaspa uqhamaw tucupjjañaparaqui, aca orakesti niyaw tucusisqui.

1 Corintios 8:9

Ucampis jumanacajj amuyasipjjam, ucatrac uca libre luratanacamampejj qhitinacatejj Tatitur iyawsañanjja pisi ch'amäsipqui ucanacarojj juchar puriyasipcasma.

1 Corintios 9:12

Yakhanacajj take ucanacwa jumanacatjja catokapjje. Ucanacat sipansa nanacaw jumanacat take ucanaca catokapjjañanacajjajja. Ucampis janiw nanacajj take ucanacatjja arsusipcti jan ucasti take cunansa amuquïsipctwa Tatitun arunacap parlañajj jan jaytatäñapataqui.

1 Corintios 9:15

Ucampis nayajj janipuniw cuns catokcti, acsa janiraquiw kellkanipcsmati nayar mä cunsa churapjjañanacamataqui. ¡Janïra qhitis nayat aca cusisiñajja apakquipanjja asquïspaw nayan jiwjjañajjajja!

1 Corintios 9:17

Ucatpï take chuymampi luratajj laycojja, Tatitojj nayarojj wajjt'asiñapa churitani. Jariyatjamaqui lurirista ucasa, ucampis Diosan ewjjapa catokcta ucwa phokhascta.

2 Corintios 4:5

Cunapachatï nanacajj parlapcta ucqhajj janiw nanacatti parlasipctjja, jan ucasti Jesucriston Tatitütapatwa parlapjjtjja. Nanacasti jumanacan sirvirimaquiw tucupjjtjja, Jesucristor munapjjatajj laycu.

1 Tesalonicenses 2:6

Janiw cunapachas jakempi jach'añchayasiñ thakapcti, jumanacatsa, yakhanacatsa. Nanacatejj munapjjeriscäyätjja, Criston qhitatanacjamajja munañanïñwa uñacht'ayapjjeriscasamäna.