1 Corintios 8:12 - Qullan Arunaca

¹² Uqhamat jumanacajj iyawsañan t'uqhäsqui uca jilatanacan chuymanacapjja usuyapjjtajja. Uc lurasasti jumanacajj Cristo contraw jucha lurasipctajja.

Aymar Bibliia 1986

¹² Uqhamat jumanacajj iyawsañan t'uqhäsqui uca jilatanacan chuymanacapjja usuyapjjtajja. Uc lurasasti jumanacajj Cristo contraw jucha lurasipctajja.

Qullan Arunaka DC

¹² Pisi iyawsañan jilatanakar ñanqhachasasti, jumanakax Cristo pachparuw ñanqhachapxtaxa.

1 Corintios 8:12 Jak'a apnaqawi uñst'ayäwi

Génesis 20:9

Ucatsti Abimelec chachajj Abrahamaruw jawsayani, saraquïnwa: —¿Cuns aca lurista? ¿Cuna jan walsa jumar lursma, uqhamat aca jach'a jucha apaniñamataqui nayjjaru, uqhamarac jakenacajj-jjaru? Uqham lurañajj janiw waquisquiti.

Génesis 42:22

Ucjjarusti Rubenajj saraquïnwa: —Nayajj sasipcapunsmajjaya: ‘Jan cuns lurapjjamti’ sasajja, ucampis jumanacajj janiw nayarojj ist'apcäyästatejja, jichhasti jiwatapat phokhañasaw wact'istojja —sasa.

Éxodo 16:8

Moisesasti sascaquïnwa: —Jayp'urusti Tatitojj churapjjätamwa aycha mank'apjjañamataqui, uqhamarac alwatarusti churapjjaraquïtamwa walja t'ant'a sist'asiñcam mank'apjjañamataqui. Ucampis jupajj ist'iwa jumanacajj jupa contra jan wali parlapjjatamjja, ¿nanacajj qhitïpjjtsa? Jumanacasti janiw nanac contra parlapctati jan ucasti Tatitu contraw parlapjjtajja.

Éxodo 32:21

Ucat Moisesajj, Aaronarojj saraquïnwa: —¿Cunsa aca jakenacajj lurapjjtama? ¿Cunatsa aca jach'a jucha jupanacaru luraytajja? —sasa.

Mateo 18:10

“Jan jisc'achapjjamti aca jisc'anacarojja. Nayasti sapjjsmawa, jupanacan angelanacapajj alajjpach marcanjja Awquejjan nayrakatapancasipcapuniwa.

Mateo 18:21

Ucapachaw Pedrojj sartasina Jesusarojj jisct'äna: —Tata, cunapachatejj jilajjajj cuna jan walsa luritan ucajja, ¿kawkha cutis nayajj uca juchapatjja perdonäjja? ¿Pakallk cutcamati? sasa.

Mateo 18:6

“Qhititejj mä jisc'a wawanacaru juchar tincuntayanejja, uca jakejj walïspawa mä jach'a molino kalampi cuncar chinuntasina kota mankharu jakontatäñapajja.

Mateo 25:40

Reyejj ucjjarojj saraquiniwa: ‘Khanacwa sapjjsma, nayan mä jilajjarutejj take ucanac lurapjjstajja alt'at chuymanïcchi ucasa, nayaruw uqham lurapjjesta.’

Mateo 25:45

Reyisti ucjjarojj saraquiniwa: ‘Khanacwa sapjjsma, mä jilajjarutejj alt'at chuymanïtap laycu jan lurapcsta ucajja, nayaruw uqham jan lurapquistati.’

Marcos 9:42

“Qhititejj nayar iyawsir jisc'a wawanacaru juchar puriyaspa ucqhajj, uca jakejj walïspawa mä jach'a molino kalampi cuncar chinuntasina kota mankharu jakontatäñapajja.

Lucas 17:2

Asquïsapänwa, uca jakejj mä molino kalamp cuncata chinuntasin kotar jakontatäñapajja, aca jisc'anacat maynir juchar puriyañapat sipansa.

Romanos 14:20

Mank'atamampejj jan Diosan luräwipjja ina ch'usar t'unjamti. Take mank'as k'omaquïsquiwa, ucampis mank'atamampi maynir juchar puriyañaw juchajja.

1 Corintios 12:12

Cunjämatejj cuerposajj take cunanïqui uqhamar uñtataraquiw Cristojja. Uca take cunanacasti waljäcchi ucasa, mä sapa cuerporu tucutaquiwa.

1 Samuel 2:25

Mä jaketejj mayni jakeru cuna jan walsa luraspa ucqhajj Tatitojj uca jaketjja arjjataspawa, ucampisa mayni jaketejj Tatituru ñankha lurcchi ucasti, ¿qhitirac jupat arjjataspa?” sasa. Ucampisa jupanacajj janiw cuntejj awquipajj siscäna ucarojj ist'apcänti, Tatitojj jupanacat jacañanacap apakjjañ amtjjatap laycu.

1 Samuel 24:11

“Wali sum uñtanim, jach'a rey, cuna apt'atäctejj uca. Acasti capaman puntapawa, qhitirutejj nayajj chekpachansa jiwayquiriscäyäta ucana. Ucampisa jichhajj jumajj, jach'a rey, amuyasimaya, nayajj chekpachapuni jan cuna ñankha lurañsa, ni jamasat lurañsa, uqhamarac reyir jan ist'añsa nayan janipuni amtatajja. Ucampisa jach'a reyejj nayarojj jiwayañataquiw arcanakascaquitu.