1 Corintios 8:10 - Qullan Arunaca

¹⁰ Amuyt'apjjam. Jumatejj uca yakha diosanacan altarapan kont'asisin mank'asmajja, ucatsti mä pisi iyawsañani jilatajj uñjiristam ucan mank'asquirjja, uca pisi iyawsañan jilatajj mank'araquispawa uca c'ari diosanacar loktat mank'jja.

Aymar Bibliia 1986

¹⁰ Amuyt'apjjam. Jumatejj uca yakha diosanacan altarapan kont'asisin mank'asmajja, ucatsti mä pisi iyawsañani jilatajj uñjiristam ucan mank'asquirjja, uca pisi iyawsañan jilatajj mank'araquispawa uca c'ari diosanacar loktat mank'jja.

Qullan Arunaka DC

¹⁰ Ukhamasti jumatix ukanak yatkasina, yaqha diosanakar luqtañ chiqan qunt'asis manq'äta, ukatsti pisi iyawsañan jilatatix uñjätam ukaxa, uka jilatax uka yaqha diosar luqtat manq'a manq'arakispawa.

1 Corintios 8:10 Jak'a apnaqawi uñst'ayäwi

Amós 2:8

Prenda jaytat isinacjjaru wincjjatasaw altaranacan yakha diosanacar yupaychasa mank'apjje; multanacat vino apsusasti diosanacapan utaparuw uca umirejj sarapjje.

Números 25:2

Uca warminacasti diosanacapar sacrificionac loktapcän ucaruw jupanacarojj jawsapjjäna, ucatsti israelitanacajj mank'anacapatwa mank'apjjäna, uqhamaraquiw moabitanacan diosanacaparusa yupaychapjjäna.

Hechos 15:20

Waquisispaw jupanacar aqham sas kellkaña: ‘Yakha diosanacar loktatäquis ucanacjja jan mank'apjjamti. Janirac wachoka juchsa lurapjjamti, ni cuncat jaychjat jiwayat uywanacsa, ni wilsa mank'apjjamti’ sasa.

Romanos 14:14

Nayajj yattwa, janiwa cunas k'añüquiti jupa pachpanjja, ucatjja janiw pächascti Cristor arcatajj laycu. Ucampis maynitejj amuychi jan walïtapjja, jupataquiw jan walejja.

Romanos 14:23

Ucampis qhitinacatejj mä cuns mank'asiscchi pächasisa ucajja, uqham mank'asinjja jupapachaw juchañchasi. Jan iyawsañampi cuna lurañasa juchawa.

1 Corintios 10:32

Jan qhitirus lanctayapjjamti, ni judiorusa, jan judiorusa, ni Diosan iglesiapanquirinacarusa.

1 Corintios 8:4

Uqhamajj uca yakha diosanacar sacrificion churatäquis uca mank'anac mank'añjjata, chekpachansa yattanwa, mä c'ari diosajj janiw cunäquis acapachanjja, mä sapa Diosaquiwa chekpachansa utjejja.

1 Corintios 8:7

Ucampis janiw acjja takeni yatipquiti. Yakhepanacajj uca c'ari diosanacar yupaychirinacäpjjänwa, ucatsti uca yakha diosanacar churat mank'anacjja mank'asipcaquiwa yakha diosanacar loktatäcaspas uqhama. Ucatsti ajayu tokena jan ch'amanïtap laycojja chuymanacapanjja juchanjamaw amuyasipjje.

1 Corintios 8:9

Ucampis jumanacajj amuyasipjjam, ucatrac uca libre luratanacamampejj qhitinacatejj Tatitur iyawsañanjja pisi ch'amäsipqui ucanacarojj juchar puriyasipcasma.

Jueces 9:27

Ucampis jupanacajj yapunacaru sarasinjja uva achunaca aptanisajja vino lurapjjäna; fiesta lurasinjja mank'apjjäna, umapjjäna diosanacapan templopana, uqhamarac Abimelec chacharus maldicipjjaraquïna.