1 Corintios 7:35 - Qullan Arunaca

³⁵ Acsti jumanacan asquimataquiwa sapjjsma, janiw jumanacar cun jarc'añ munasati, jan ucasti take chuyma Tatitur sirvisina sarnakapjjañamataquiwa sapjjsma.

Aymar Bibliia 1986

³⁵ Acsti jumanacan asquimataquiwa sapjjsma, janiw jumanacar cun jarc'añ munasati, jan ucasti take chuyma Tatitur sirvisina sarnakapjjañamataquiwa sapjjsma.

Qullan Arunaka DC

³⁵ Aksti jumanakan askimatakiw sapxsma, janiw jumanakar jark'añ laykuti, jan ukasti, Tatitur taqi chuyma luqtas jaqjam jakapxañamataki.

1 Corintios 7:35 Jak'a apnaqawi uñst'ayäwi

Mateo 19:12

Cunayman amuyunacaraquiw utji jaken jan casarasiñapataquejja. Yakhepanacajja jan casarasiñataquiw naci, mayninacasti jake masipan uqham jan casarasquiri tucuyataraquiwa, mayninacasti Diosan reinop laycuw jan casarasipcaraquiti. Qhititejj uqham tucurjamächi ucajj uqham tucpan —sasa.

Mateo 22:15

Fariseonacasti sarjjasinjja, jupanacpuraw arust'asipjjäna, cunjämata pantjasiyañataquisa, uqhamata juchañchañataqui.

Lucas 21:34

“Amuyasipjjam, jan chuymanacamjja vicionacampi machañanacampi kalarayasipjjamti, uqhamarac aca jacañan llaquisiñanacampisa jan qhä urun jumanacajj acatjamat catjayasipjjañamataqui,

Lucas 8:14

Ch'aphinac taypir jalantirïqui ucasti acawa: qhitinacatejj aru ist'apjje ucampis sarnakäwinacaparjamajj sarasipcaqui ucawa. Ucatsti cunayman llaquisiñanacampi, kamir cancañampi, acapach cusist'añanacampiw chhaktayjje uqhamatwa jan sum achcjjapjjeti.

1 Corintios 7:2

Ucampis sinti wachoka jucha luraña utjatap laycojja, sapa mayniw warminïñapa uqhamaraqui sapa mayni warmiraquiw chachanïñapa.

1 Corintios 7:28

Casarasitamajja janiw juchäquiti. Mä tawakon casarasitapasa janiraquiw juchäquiti. Ucampis casadonacataquejj ch'amawa sarnakañajja, ucatpï nayajj muniristjja jan casarasipjjañapa, jan uqham llaquita sarnakasipcañapataqui.

1 Corintios 7:36

Ucampis maynitejj amuychi parlatapampi casarasiñapajj horasäjjatapa, inampis tiempojj pasjjaspan ucqhajja, lurascacpan cunjämaruy amuychi uqhamarjama. Casarasiscacpan, ucasti janiw juchäquiti.

Efesios 5:3

Jumanacajj Diosanquirïpjjstajjaya, janiw utjañapäcjjeti wachoka jucha lurañanacajj, cuna casta jan wali luräwinacasa ni mich'asiñanacasa.

Filipenses 4:8

Ucjjarojj, jilatanaca, lup'ipjjam cunatejj chekäqui, cunatejj maynïr asqui uñjañäqui, cunatejj wali sumäqui, cunatejj k'omäqui, cunatejj muncañäqui, cunatejj aytat luräwinacäqui. Lup'ipjjam, take cunatejj sumäqui yupaychañataquïqui ucanacata.

1 Timoteo 1:10

wachoka juchan sarnakerinacataqui, chachapura jan wali sarnakerinacataqui, jak lunthatirinacataqui, c'arinacataqui, c'ari juramento luririnacataqui. Leyejj asqui yatichäwinac toke parlapqui ucanacataquiraquiwa.

Tito 2:3

Uqhamaraqui jilïri warminacajj suma sarnakerïpjjpan. Janiraqui aru apnakerïpjjpati ni machirïpjjpasa. Mayninacataquisti mä sumar uñtatäpjjañapawa.