1 Corintios 7:26 - Qullan Arunaca

²⁶ Aqham tiemponacas jan walïsqui uca laycojja, nayan amuyatajjatjja walïspawa jupanacan jan casarasipjjañapa.

Aymar Bibliia 1986

²⁶ Aqham tiemponacas jan walïsqui uca laycojja, nayan amuyatajjatjja walïspawa jupanacan jan casarasipjjañapa.

Qullan Arunaka DC

²⁶ Nayatakix askïspawa, sapa maynix kunjämäkitix ukhamak qhiparañapa, jan walt'añ urunakan jakatas layku.

1 Corintios 7:26 Jak'a apnaqawi uñst'ayäwi

Mateo 24:19

¡Cunja llaccañänisa warminacataquejja, ucürunacantejj usur uñjasipjjan ucajja, jan ucajj ñuñusquir jisc'a wawanïcanis ucanacataquisa!

Lucas 21:23

¡Ay pobre warminaca qhitinacatejj ucürunacan usurïpjjani, jan ucajj jisc'a wawanacanïpjjanisa! Wali t'akhesiñaw orakenjj utjani, uqhamarac mä ajjsarcañ mutuyäwiw utjaraquini aca jakenacataqui.

1 Corintios 7:1

Jichhajj cuna jisct'anactï apayanipquistas ucanacaruw arusjjataña munaracta. Chekpachansa mä jaketaquejj asquiw jan casarasiñapajja.

1 Corintios 7:27

Warminïstajja jan jaljtamti; jan warminïcstajja janiraqui warm thakamti.

1 Corintios 7:28

Casarasitamajja janiw juchäquiti. Mä tawakon casarasitapasa janiraquiw juchäquiti. Ucampis casadonacataquejj ch'amawa sarnakañajja, ucatpï nayajj muniristjja jan casarasipjjañapa, jan uqham llaquita sarnakasipcañapataqui.

1 Corintios 7:8

Solteronacampiru ijmanacampirojj saractwa, asquïspawa jan casarasisaqui nayjam sarnakapjjañapa.

2 Tesalonicenses 2:2

jan janc'aqui amuyunacamjja mayjt'ayapjjañamataqui. Janiraqui cuna casta ajayun arunacampis sustjayasipjjamti, ni cuna casta arunac ist'asinsa, ni cuna carta catokasinsa “Tatitun urupajj purinjjewa” sas kellkata ucatsa.

1 Pedro 4:17

Horasajj purinjjewa, Diosan taripäwipajj wawanacapata kalltañapataqui. Taripäwitejj jiwasampi uqham kalltchi ucajja, ¿cunjämaraquïni qhitinacatejj Diosar jan iyawsapqui ucanacan tucuyapasti?