1 Corintios 7:10 - Qullan Arunaca

¹⁰ Qhitinacatejj casadöjjapjje ucanacarojj sistwa warmejj jan chachaparojj apanucpati. Acasti Diosan camachipawa, janiw nayan arojjaquïquiti.

Aymar Bibliia 1986

¹⁰ Qhitinacatejj casadöjjapjje ucanacarojj sistwa warmejj jan chachaparojj apanucpati. Acasti Diosan camachipawa, janiw nayan arojjaquïquiti.

Qullan Arunaka DC

¹⁰ Ukampis khitinakatix jaqichatäxapxi ukanakarux sistwa, warmix chachapar jan apanukpati. Ukasti janiw nayan aruxäkiti, jan ukasti Tatitun arupawa.

1 Corintios 7:10 Jak'a apnaqawi uñst'ayäwi

Jeremías 3:20

Ucampisa cunjämatejj mä yakha chachampi sarnaker warmejj chachaparojj sallkjejja, uqhamaraquiw jumanacajj nayarojj sallkjapjjesta. Naya Tatituw ucjja arsta, sasa.

Mateo 5:32

Ucampis nayajj sapjjsmawa, qhititejj warmipar irpanucuni wachoka juchar jan purquipanjja, ucasti warmipan juchar puriñapwa waquichi, uqhamarac qhititejj uca warmimpi casarasi ucajja wachoka juchancaraquiwa.

Marcos 10:2

Fariseonacasti Jesusar jac'achasisinwa jupar pantjayañatac jisct'apjjäna: —¿Waquisiti mä chachajj warmipampi jaljtañapajja? —sasa.

Lucas 16:18

“Mä chachatejj warmipamp jaljtasin yakhamp casaraschi ucajja, wachoka juchwa luri. Ucatsti qhititejj jaljtat warmimpi casaraschi ucajja, wachoka juch luraraquiqui.

1 Corintios 7:11

Ucampis mä warmitejj chachapar apanucu ucajja, sapaquiw jacjjañapa, jan ucajj pachpa chachapampiw wasitat chicjjañapa. Uqhamaraqui chachajj janiw warmipampejj jaljtañapäquiti.

1 Corintios 7:12

Mayninacarusti saractwa nayan pachpa ewjja arojja, janiw ucajj Diosan camachipäquiti: Mä jilatantejj warmipajj jan iyawsirïcchi, ucampis warmejj waliqui jacascchi uca chachampi ucajja, uca jilatajj janiw warmipampejj jaljtañapäquiti.

1 Corintios 7:15

Ucampis jan iyawsiri chachajj jan ucajj jan iyawsiri warmisa, mä iyawsiri chachatjja jan ucajj mä iyawsiri warmitsa jaljtañpun munchi ucajj jaljtascpan sam. Ucatsti jilatasa jan ucajj cullacasa librëjjewa, Diosajj samarat sarnakañaru jawsatap laycu.

1 Corintios 7:25

Qhitinacatejj jan casadöpqui ucanacataquejj janiw cuna sañajjas Diosatjja utjquituti, ucampis nayajj ewjja arunacajjacwa churañ munaracta Diosan wawapjama.

1 Corintios 7:40

Ucampis jupajj juc'amp cusisitaw sarnakasispa jan wastatampi casarascaspa ucajja. Acasti nayan arojjaquiwa, ucampis amuyasiractwa Diosan Ajayupajj nayampïtapa.

1 Corintios 7:6

Acsti sapjjsmawa mä ewjja aruqui, janiw acajj mä camachïquiti.