1 Corintios 4:19 - Qullan Arunaca

¹⁹ Ucampisa janc'aquiw jumanacan ucar jutañjj munascta Tatitun munañapächi ucajja. Ucqhapï uñjäjja cuntï uca jach'a jach'a tucur jakenacajj lurapcani ucjja, janiw lacanacapampiqui parlapcani ucacjja.

Aymar Bibliia 1986

¹⁹ Ucampisa janc'aquiw jumanacan ucar jutañjj munascta Tatitun munañapächi ucajja. Ucqhapï uñjäjja cuntï uca jach'a jach'a tucur jakenacajj lurapcani ucjja, janiw lacanacapampiqui parlapcani ucacjja.

Qullan Arunaka DC

¹⁹ ukampisa, Tatitun munañapächi ukaxa, jank'akiw jumanakar tumpt'ir jutä. Ukkhapï uñjäxa kuntix uka jach'a jach'a tukur jaqinakax lurapkani ukxa, janiw parlapki ukakxa.

1 Corintios 4:19 Jak'a apnaqawi uñst'ayäwi

Hechos 18:21

Jupanacarusti sänwa: [—Nayanjj waquisituwa jutcan uca fiestan Jerusalenancañajja.] “Dios munanejja, nayajj wastataw jumanacar uñjirijj jutä” sasa. Éfeso marcatjja jilatanacar jaytawayasinjja, barcot sarawayjjäna.

Hechos 19:21

Ucanac khepatsti Pablojj Macedonia, Acaya tokenaca uñjt'aniñwa amtäna, ucatsti Jerusalenar sarjjañataquiraquiw jupajj säna: “Jerusalenar sarjjatatsti, Roma marcar sarañajjaraquiwa” sasa.

Hechos 20:2

Ucar purisinsti, takewjanacaruw tumpt'awayäna. Jilatanacarusti mä suma arunacapamp ch'amacht'awayasasti, Greciaruw purjjäna.

Romanos 15:32

Diosan munañapächi ucajj nayajj cusisita jumanacan ucaru puriñajjataqui, ucat sumancañajj jumanacanjj utjañapataqui.

1 Corintios 11:34

Maynitejj mank'at awtjatächi ucajja utapat mank'anpan, uqhamat jan Diosajj jumanacaru mutuyañapataqui jan wali tantachasitanacamatjja. Yakha tokenacatsti nayajj purincä ucqhaw take cunsa uñjäjja.

1 Corintios 14:5

Nayajj muniristwa jumanacajj sapa maynis jan uñt'at arunac parlirïpjjañama, ucat sipan juc'ampjja muniristwa jumanacajj Diosat catokata arunaca mayninacaru parlapjjañama, uqham parlañaw asquejja jan uñt'at arunac parlañat sipansa. Jan ucajj jan uñt'at arunac parlirinacajj khanañchapjjañapawa parlatanacapa, uqhamata iglesianquirinacajj ajayu tokenjja jiltapjjañapataqui.

1 Corintios 16:5

Saräwejjanjja Macedonia cheka pasañajjaw waquisi, uca khepatjja Corintoruw purinï.

1 Corintios 16:7

Janiw jumanacampejj pascasaqui mä rato ucancañjja muncti, jan ucasti mä kawkha pachanaca kamart'añwa jumanacampejj munta Tatitojj munchi ucqhajja.

1 Corintios 2:6

Yatiñ cancañatjja parlaractwa qhitinacatejj iyawsäwinacapanjja suma jiltatäjjapjje ucanacaru, ucampis uca yatiñ cancañajja janiw acapachanquirïquiti ni acapachan munañan jakenacancquisa, ucanacasti tucusiriquiwa.

1 Corintios 4:18

Jumanacatjja yakhepanacajj wali jach'a jach'aw tucupjje, amuyapjjaraquiwa nayajj janis mayampsa jumanacar cuttancjjeristjja uqhama.

1 Corintios 4:6

Jilatanaca, acanacsti jumanacan asquimataquiw parlapjjsma, Apolosampita naya pachpampita amuyt'ayasa. Acjja sistwa jumanacajj jan cunatejj kellkatäqui ucatjja inampst'apjjañanacamataqui, uqhamata jan qhitis mayniru jisc'achañapataqui ni maynirusa wal jach'achañapataqui.

2 Corintios 1:23

Janis amtatajjarjama Corintorojj sarcsta ucasa, jumanacat qhuyapayasisaw jan jutcti ucsti Diosaw yatisqui.

2 Corintios 10:9

Janiraquiw muncaracti jumanacar carta tokecsa ajjsarañ churapquirismajj uqhama.

Hebreos 6:3

Sarantascaquiñäniy nayrakataru, Diosajj munchi ucapachajja.

Santiago 4:15

Ucampis aqhama sapjjañamawa: “Dios munani ucqhajja, jaccasinjja uc ac lurañäni” sasa.