1 Corintios 4:14 - Qullan Arunaca

¹⁴ Acanacsti janiw jumanacar p'enkachañatac kellkanipcsmati, jan ucasti jumanacar amuyt'ayañataquiw kellkanipjjsma munat wawanacajjarjama.

Aymar Bibliia 1986

¹⁴ Acanacsti janiw jumanacar p'enkachañatac kellkanipcsmati, jan ucasti jumanacar amuyt'ayañataquiw kellkanipjjsma munat wawanacajjarjama.

Qullan Arunaka DC

¹⁴ Aksti janiw jumanakar p'inqachañatak qillqanipksmati, jan ukasti wawanakaxarjam amuyt'ayañatakiw qillqanipxsma, jumanakarux wal munasipxsma.

1 Corintios 4:14 Jak'a apnaqawi uñst'ayäwi

Ezequiel 3:21

Ucampisa jumatejj uca jakeru amuyt'ayäta jan jucha lurañapataqui, ucat jupajj amuyt'asjjaraquini, ucapachajj jupajj janiw jiwcaniti, jan ucasti jacascaquiniwa, juman arumaru ist'atap laycu, jumasti khespitaw uñjasiraquïta” sasa.

Hechos 20:31

Wal amuyt'asipjjam. Amtasipjjaraquim, cunjämtï nayajj quimsa marpacha uruy aruma take jumanacarojj jan karjasisa jacht'asisaraqui ewjjt'awayapcsma ucjja.

1 Corintios 15:34

Jumanacajj sum amuyasipjjam, janirac juc'ampi juch lurcjjapjjamti. Jumanacat yakhepanacasti janïraw Diosar uñt'apquiti, acsti sistwa jumanacan p'enkasipjjañamataqui.

1 Corintios 4:15

Jumanacajj Cristo toketjja tunca waranka yatichirinïsipcamsa, ucampisa janiw walja awquinïpctati. Nayaw jumanacan Tatit toketjja awquimjamätjja jumanacar khespiyasiñ arunac parlatajj laycu.

1 Corintios 4:17

Ucataracwa Timoteor qhitanipjjsma. Jupajj Tatit tokenjja mä suma wawajjäcaspas uqhamawa. Jupaw amtayapjjätam cunjämtejj nayajj iyawsirjamajj Cristompi sarnakcta ucjja, uqhamarac cunjämtejj take chekansa iglesianacanjj yatichcta ucsa.

1 Corintios 6:5

Acjja sistwa jumanacaru p'enkachañataqui. ¿Janit jumanac taypinsti mayniquis amuyt'anejj utjqui aca quejanaca jilatanac taypina uñjañataquisti?

1 Corintios 9:15

Ucampis nayajj janipuniw cuns catokcti, acsa janiraquiw kellkanipcsmati nayar mä cunsa churapjjañanacamataqui. ¡Janïra qhitis nayat aca cusisiñajja apakquipanjja asquïspaw nayan jiwjjañajjajja!

2 Corintios 11:11

¿Cunatsa aqham parltjja? ¿Janich jan ucajj jumanacar munapcpachäsmajja? Diosajj yatisquiw walpun munapcsma ucjja.

2 Corintios 12:19

Inas jumanacajj amuyapjjsta ucanacampiqui nanacajj jichhajj arsusipquiristsa uqhama. Ucampis janiw uqhamäquiti, jan ucasti Diosan nayrakatapanwa Tatitun sutipjjaru parlapjjsma. Take ucanacsti jumanacan ajayunacaman jiltapjjañamataquiw lurapjjta, munat jilatanaca.

2 Corintios 7:3

Acsti janiw jumanacar jisc'achañatac sapcsmati, jan ucasti cunjämtejj nayrakatajj sapjjsmajja: “Jumanacajj chuymajjancapjjtaw, mayaquïtanwa jiwañataquis jacañataquis” sasa.

Colosenses 1:28

Nanacajj Cristo Tatitjjatwa parlapjjtjja. Takeniruraquiw ewjjt'apjjta yatichapjjaracta sum amuyt'apjjañapataqui, uqhamata takenis suma jiltatäñapataqui Tatitumpi mayaquïñapanjja.

1 Tesalonicenses 2:11

Yatipjjaractawa cunjämtejj ch'amañchapjjäyäsma, chuymachapjjaraquïyäsma sapa mayni jumanacaru, cunjämtejj mä awquejja wawanacapampi lurqui uqhama.

1 Tesalonicenses 5:14

Sapjjaracsmawa, jilatanaca, jan irnakañ munirinacarojja ewjjt'apjjam, mayjt'atanacarojj ch'amañcht'apjjam, t'uqhanacarusti yanapt'apjjaraquim, takenimpis llamp'u chuymanïpjjaraquim.

2 Tesalonicenses 3:14

Cawquïrinacatejj aca carta toke sapjjsma ucaru jan yäkcchi ucarojj uñt'apjjam, janirac jupampejj sarnakapjjamti jupa pachpa p'enkasiñapataqui.

Filemón 1:10

Jichhasti achict'assmawa Onesimotaqui, jupasti aca carcelan ajayun wawajjaw tucjje.

1 Juan 2:1

Munat wawanacajja, acanacwa kellkanipjjsma juch jan lurapjjañamataqui. Ucampis cawquïritejj juchañchasqui ucataquejj, utjistuwa mä arjjatirisa alajjpach Awquisan nayrakatapana, ucasti Jesucristowa, jupajj chekawa.

3 Juan 1:4

Wawanacajjan Tatitumpi jacascatap ist'asinjja wal cusista, janiw cunatsa uqham cusisquiristti.