1 Corintios 4:11 - Qullan Arunaca

¹¹ Jichhacamaw nanacajj mank'at awtjata, umat pharjata, isitsa jalstata sarnakapjjtjja, jakes uñisipjjaraquituwa, janiw utanïpcaractsa.

Aymar Bibliia 1986

¹¹ Jichhacamaw nanacajj mank'at awtjata, umat pharjata, isitsa jalstata sarnakapjjtjja, jakes uñisipjjaraquituwa, janiw utanïpcaractsa.

Qullan Arunaka DC

¹¹ Jichhürkamas manq'at awtjata, umat pharjata, isit jalstataw sarnaqapxta; jaqis uñisipxituwa, janiw utanïpkaraktsa,

1 Corintios 4:11 Jak'a apnaqawi uñst'ayäwi

Job 22:6

Jumajj jan muncasaquiwa jilanacamatsa yänacapa apakäyätajja, uqhamaraqui isinacapsa, ucatsti jan isini k'alalpachracwa apanucüyätajja.

Mateo 8:20

Jesusasti juparojj saraquïnwa: —Kamakenacas putunacaniwa, jamach'inacasti tapanacaniraquiwa, ucampis Jaken Yokapajj janiw cawqharu p'ekepa samart'añataquis mä chekajj utjquiti —sasa.

Hechos 14:19

Ucapachasti mä kawkha judionacaw purinipjjäna, Antioquiampita Iconiompita. Jakenacar amtayasinsti Pablorojj kalampiw c'upjayapjjäna, ucatsti: “Jiwatäjjew” sasaw marca ankäjjarojj katatnucunipjjäna.

Hechos 16:23

Uqham wal jawk'jasinsti, jupanacarojj carcelaruw uchantapjje, cárcel uñjirirusti: “Walpun uñjäta” sasaw ewjjt'awayapjjäna.

Hechos 23:2

Sacerdotenacan jilïripäquis uca Ananiasajja, Pablo jac'ancquis ucanacaruw säna: Lacapat t'ajjllipjjam, sasa.

Romanos 8:35

¿Qhitiraqui Criston munasiñapat apakestaspasti? ¿T'akhesiñati, jachañacha, llaquisiñacha, uñisitäñacha, pist'ayasiñacha, awtjayasiñacha, jan isinïñacha, jiwayatäñacha?

1 Corintios 9:4

Waquisisquiw nayan catokañajja, mank'añataquis umañataquis churapquitu ucanaca,

2 Corintios 11:20

Ucampis jumanacajj janiw arsusipctati uca ch'amampi sirviyasirinacarojja, jumanacan tucjirinacarusa, jumanacar jisc'achirinacarusa, uqhamarac jumanacar nuwirinacarusa.

2 Corintios 4:8

Jan walt'añanacajj take toket muyuntapcchitu ucqhasa, janipuniw atipjayasipcti, llaquisiñanacas wal utjcchejja, janipuniw k'ala aynacht'atäpcti.

Filipenses 4:12

Yatiractwa cunjämäquitejj pobresan jacañäquis ucjja, uqhamarac yatiractwa take phokt'at jacañsa. Yatekaractwa cunjäm sarnakañsa sist'atäñansa jan ucajj awtjatäñansa, yatiractwa walja utjirinïñsa, jan cunanïñsa.

2 Timoteo 3:11

cunanactejj t'akhestjja uca llaquinacarusa. Jumajj asquiw yatta cunatejj Antioquía marcana, Iconio marcansa uqhamarac Listra marcansa t'akhescäyätjja ucanacjja, ucampis Tatitojj take acanacatjja imituwa.