1 Corintios 3:11 - Qullan Arunaca

¹¹ Janiraquiw jichhajj qhitis yakha cimiento kaljja uchcaspati. Uscutäjjewa, ucasti pachpa Jesucristowa.

Aymar Bibliia 1986

¹¹ Janiraquiw jichhajj qhitis yakha cimiento kaljja uchcaspati. Uscutäjjewa, ucasti pachpa Jesucristowa.

Qullan Arunaka DC

¹¹ janiw khitis uta qallta uchatarux yaqha qalltxa uchkaspati, nayrïr uta qallta uchatäki ukax Jesucristowa.

1 Corintios 3:11 Jak'a apnaqawi uñst'ayäwi

Isaías 28:16

Ucatwa Tatitojj saraqui: “Sionarojj mä kala uscü, mä suma ajllit kala, wali jila alaniraqui, jach'a jilïr kalaraquïniwa, uta cimienton esquin kalaparaquïniwa. Uca kalar iyawsiristi sumaquiw jacasini.

Mateo 16:18

Nayasti saracsmawa, jumajj Pedrötawa, nayasti aca kaljjaruw iglesiajj sayt'ayasï, ucarusti janiraquiw jiwañan munañapas atipcaniti.

1 Corintios 3:10

Nayajj uca utanjja mä uta luririmpi uñtatätwa, Diosaraquiw nayarojj uca utan kalltapjja uchayitu, ucjjarusti yakhanacaraquiw perkjja perkascaraqui. Ucampis sapa mayniw amuyasiñapa cunjämsa uca uta perkasqui ucjja.

1 Corintios 3:12

Ucampis maynejj uca cimientjjarojja perka sarayaspawa: korimpi, kollkempi, suma kalanacampi, jan ucajj maderampisa, jichhumpisa, jan ucajj sokosampisa.

Efesios 2:20

Jumanacajj mä jach'a utjamäpjjtawa, apostolonacjjaru uqhamarac profetanacjjaru perkjjatatäpjjtawa. Pachpa Jesucristoraquiw kallta esquin kalajja.

2 Timoteo 2:19

Ucampis Diosajj mä suma jan onjjtcaya kalltäwi uscuwayi, ucasti ucanjja aqham sas kellkantatawa: “Tatitojj uñt'iwa jupanquirinacarojja”; uqhamaraqui: “Take qhitinacatejj iyawsirïpqui ucanacajja take jan wali luräwinacatjja jithektañapawa” sasa.

1 Pedro 2:4

Tatiturojj jac'achasipjjamaya mä jacquir kaläcaspas uqhama. Jakenacajj jisc'achasaw apanucupjjaraqui uca kaljja, ucampis Diosataquejj mä suma ajllit kalawa, wali asquiraquiwa.