1 Corintios 16:15 - Qullan Arunaca

¹⁵ Jichhajj jilatanaca, jumanacajj yatipjjtawa, Estéfanas ucan familiapawa nayrakat Tatitun arunacaparojj iyawsi uca Acaya tokenjja. Jupanacasti jilatanacaru sirviñaruraquiw uchasipjje.

Aymar Bibliia 1986

¹⁵ Jichhajj jilatanaca, jumanacajj yatipjjtawa, Estéfanas ucan familiapawa nayrakat Tatitun arunacaparojj iyawsi uca Acaya tokenjja. Jupanacasti jilatanacaru sirviñaruraquiw uchasipjje.

Qullan Arunaka DC

¹⁵ Jilatanaka, jumanakax yatipxtawa, Estéfanas jilatan utapankirinakaw nayraqat Acaya chiqan Diosan suma yatiyäwiparux iyawsi, jupanakasti Cristor iyawsiri jilatanakaruw yanapapxi.

1 Corintios 16:15 Jak'a apnaqawi uñst'ayäwi

Hechos 18:12

Cunapachatejj Galión sat jilïrejj Acaya marcar apnakcän ucürunacajja, judionacajj Pablo contraw mayac sayt'apjjäna. Catuntasinsti, juparojj tribunalaruw irpapjje.

Romanos 12:13

Maynïr iyawsirinaca pist'ayasipanjja yanapt'apjjam. Visitanac jutipansti sumrac catokapjjam.

Romanos 15:25

Jichhajj sarasctwa Jerusalenaru, ucanquir jilatanacataqui mä yanapa apasa.

Romanos 15:31

Mayipjjaraquim Judean utjquis uca jan iyawsirinacat imatäñajjataqui, nayajj apcta uca ofrendajj wali suma catokatäñapataqui Jerusalenancquis uca jilatanacana,

Romanos 16:2

Tatitun sutiparu sum catokapjjam, cunjämtejj Diosar arquir taypinjja catokasiñäqui uqhama. Juparusti yanapt'apjjapunim, cunanacatejj jupan jan utjqui ucanacana, jupasti walja jakenacaruw yanapt'äna nayarus uqhamaraqui.

Romanos 16:5

Aruntapjjaraquim cawquïr jilatanacatejj Priscilampin Aquilampin utapan tantachatäpqui ucanacarusa. Aruntarapipjjaraquita Epeneto munat amigojjaru, jupawa Acaya provincian nayrïr iyawsirejja.

1 Corintios 1:16

Jïsa, Estéfanas satan familiaparojj bautisaractwa, ucampis janiw amtascti ucat juc'ampi bautisatajj-jja.

1 Corintios 16:1

Jilatanacataqui ofrenda apthapt'añ toketjja, cunjämtï Galacia provincianquir iglesianacaru yatichanctjja uqhamaraqui jumanacajj lurapjjam.

1 Corintios 16:17

Wal cusista Estéfanas, Fortunato, Acaico ucanacajj jutapjjatapatjja. Jupanacasti cuntï jumanacajj jayancapjjatam laycu jan lurapcäyäta ucwa lurapjje.

2 Corintios 8:4

Nanacarusti churapjjam sapjjaquitay, Tatitun marcapar yanapt'apjjañajjataqui sasaw walpun achict'asipjjetu.

2 Corintios 9:1

Nayasti jumanacan suma chuymanïpjjatamjja yattwa. Ucatwa jumanacajj jilatanacasatac ofrenda apthapt'añ toketjja jan cuna sañäpctasa. Macedonia tokenquir jilatanacarojj cusisiñampipuniw sistjja: “Acaya tokenquir jilatanacajj maymäratpach janc'aquïpjjewa yanapt'asiñataquejja” sasa. Ucatsti Macedonianquir jilatanacatjja waljaniw jumanacan suma chuymanïpjjatam laycojj yanapt'asiñ munapjjaraqui.

1 Timoteo 5:10

Suma luräwinac luririt uñt'atäñaparaquiwa, ucanacasti acanacäñapawa: ¿Wawanac uywpachänti? ¿Utaparu tumpirinac catokerïpachänti? ¿Take asqui cancañampi jilatanacaru yanappachänti? ¿T'akhesirinacarojj yanappachänti? ¿Cuna yakha suma luräwinaccha lurpachäna?

Filemón 1:7

Uqhamasti jilata, wali cusisitätwa, ch'amañcht'ataraquïtwa, juman munasiñama utjatapata, uqhamarac juma toke chuymacht'atächi iyawsirinacan chuymapajj uca laycu.

Hebreos 6:10

Diosasti asquiwa, janiw armascaniti cuntejj lurapcta, uqhamarac munasiñanacamsa uñacht'ayapjjaracta Diosanquir jilatanacar yanapt'asina ucanacatjja. Jichhacamas ucjj lurasipcactawa.

1 Pedro 4:10

Sapa maynis cunjämtejj Diosat ch'am catokquejj uqhama maynirojj sirvpan, uqhamata take bendiciontï Diosajj churquistu ucajja sum apnakañasataqui.

Apocalipsis 14:4

Acanacasti janiw warminacampi juch lurasa k'añuchasipcataynati, jan ucasti k'omapuniw kheparapjjatayna, ucatsti Corderoruraquiw arcapjje cawquirutejj jupajj sarqui ucaru. Jakenac taypita jupanacajj khespiyatäpjjataynawa, Diosataquisa Corderotaquisa nayrïri ofrendanacapäcaspas uqhama.