1 Corintios 15:54 - Qullan Arunaca

⁵⁴ Tucusir janchisajja jan tucusirimpi isthapitäjjaniwa, uqhamarac jiwir janchisasa wiñayatac jaquir cuerpompi isthapitäjjaraquiniwa. Ucapachaw ucajj phokhasjjani cunatejj Diosan arupan kellkatäqui: “Jiwajj atipjäwimp mank'antataw uñjasi.

Aymar Bibliia 1986

⁵⁴ Tucusir janchisajja jan tucusirimpi isthapitäjjaniwa, uqhamarac jiwir janchisasa wiñayatac jaquir cuerpompi isthapitäjjaraquiniwa. Ucapachaw ucajj phokhasjjani cunatejj Diosan arupan kellkatäqui: “Jiwajj atipjäwimp mank'antataw uñjasi.

Qullan Arunaka DC

⁵⁴ Kunapachatix jiwasan ñusantir janchisax, jan ñusantir janchimpi isthapitäxani, jiwir janchisasa, jan jiwir janchimpi isthapitäxarakini, ukapachaw Qillqatan siski ukax phuqhasini: “Jiwax wiñayatak t'unjataw uñjasi.

1 Corintios 15:54 Jak'a apnaqawi uñst'ayäwi

Isaías 25:8

Tatitojj wiñayataquiw jiwañarojj t'unjani, take jakenacana nayranacapatsti jachanacapsa pichararaquiniwa, marcapan aynacht'atapsti take aca orakpachatjja chhaktayjjaraquiniwa. Tatituw uqham arsu.

Lucas 20:36

Janiw juc'amp jiwcjjapjjaniti uca laycu. Angelanacjamäjjapjjewa, uqhamarac Diosan wawanacapäjjapjjewa jacatatapjjatap laycu.

Romanos 1:23

Ucatwa Diosan jach'a c'ajquir cancañapa jakoquipapjje, jiwirïqui uca Diosar yupaychañat sipanjja jiwir jakenacan diosanacaparuw yupaychapjje jamach'inacaru, asirunacaru, pusi cayun animalanacar cuna.

Romanos 2:7

Diosajj wiñay jacañwa churani take qhitinacatejj Diosan marcapa, cheka cancañampi jan inact'as thakerinacarojja.

Romanos 6:12

Uca laycupï jumanacajja jucharojj atipjapjjañamajja janiraquiw juchampis apnakayasipjjañamäquiti uca jiwir janchi cuerponjja. Cuntejj uca janchi cuerpomajj munqui ucajj atipjañaw waquisi.

Romanos 8:11

Ucampis Cristo Jesusar jactayqui jiwatanac taypita uca Ajayutejj jumanacancchejja, uca quipca Diosaw jiwat janchinacamarojj jactayanejja, Diosan Ajayupajj jumanacan jacqui uca toke.

2 Corintios 4:11

Nanacasti jaccasinjja sapürus jiwañar catuyatapunïpjjtwa Cristo laycu, Jesusan jacañapajj aca jiwir janchi toke uñstañapataqui.

2 Corintios 5:4

Aca oraken jaccasajja t'akhestanwa, ucatsti aykoractanwa. Janiw k'alaläña munctanti, jan ucasti isthapitäñwa muntanjja, uqhamata cunatejj jiwirïqui ucajj machak jacañampi chhaktayatäñapataqui.

2 Tesalonicenses 1:10

cunapachatejj Tatitojj qhä urunjja jutcani jupanquirinacampi jach'añchayasirejja, uqhamarac take iyawsirinacapampi jach'añchayasirejja; take aca arunac churapcsma ucarojj iyawsapjjtawa.

Apocalipsis 20:14

Jiwañasa jiwirinacan utjäwipasa nina kotaru jakontatäjjänwa. Aca nina kotasti payïri jiwawa.

Apocalipsis 21:4

Diosajj take jachanacapwa nayranacapatjja picharani, janiraquiw jiwañas, jachañas utjcjjaniti, warariñasa ni usuyasiñasa. Take cunanacatï nayrajj utjcän ucanacajj tucusjjewa” sasa.