1 Corintios 15:13 - Qullan Arunaca

¹³ Janitejj jiwatanacat jactañ utjcchi ucasti, janiraquipï Cristos jactcpachäntejja.

Aymar Bibliia 1986

¹³ Janitejj jiwatanacat jactañ utjcchi ucasti, janiraquipï Cristos jactcpachäntejja.

Qullan Arunaka DC

¹³ Jiwatanakatix jan jaktapkchixa, Cristox janirakipï jaktkpachatixa.

1 Corintios 15:13 Jak'a apnaqawi uñst'ayäwi

Hechos 23:8

Saduceonacajj sapjjewa: “Janiw jiwatanacajj jactcaspati. Janiraquiw angelanacas ni ajayunacas utjquiti” sasa. Ucampis fariseonacajj take ucanacan utjatapjja iyawsapjjaraquïnwa.

Romanos 8:11

Ucampis Cristo Jesusar jactayqui jiwatanac taypita uca Ajayutejj jumanacancchejja, uca quipca Diosaw jiwat janchinacamarojj jactayanejja, Diosan Ajayupajj jumanacan jacqui uca toke.

Romanos 8:23

Janiw aca orake sapaqui t'akhesquiti, jan ucasti jiwasanacas uca quipcaraquiw t'akhestanjja, Ajayojj niyaw jiwasjjancjje, cunatï walja catokañäquis ucan kalltapawa utj-jjestu. Jiwasanacasti aykopjjaractanwa cunürutejj Diosajj wawanacapjama tucuyquistani uca uru suyt'añana cunapachatejj janchinacasajj khespiyat uñjascani uca uru.

1 Corintios 15:12

“Cristojj jiwatanac taypit jactawayjje” sasaw yatiyapjjsma, uqhamasti, ¿cunjämataraqui jumanac taypinsti yakhepanacasti: “Janiw jiwatanacan jactañapajj utjquiti” sasa parlapjjesti?

1 Corintios 15:14

Cristotejj jan jactcchejja, yatichapcsmas uca arunacajj janipï cunataquis asquïquitejja, jumanacan iyawsañanacamasa inamayaraquipï.

1 Corintios 15:20

Ucampis janiw uqhamäquiti. Chekpachansa Cristojj jiwatanac taypitjja jacatatawayiwa, jupajj nayrakat achücaspas uqhamaraquiw take jiwatanacat jactirinacataquejja.

1 Tesalonicenses 4:14

Cunjämtejj Jesusan jiwatapar jactatapar iyawsapjjtanjja; uca pachparaquiw iyawsaractan, qhitinacatejj jupar iyawsasa jiwapjje ucanacarojj Dios Awquejj Jesusampi chica jactayani.

2 Timoteo 4:8

Jichhajj suma coronaw suyasquitu, qhä urunwa chekapar uñjir Tatitojj churitani, cawquïritejj chekap taripirïqui ucajja. Janiw naya saparuquiti churquitani, jan ucasti take qhitinacatejj munasiñampi Tatitun jutañap suyt'asipqui ucanacarojj churaraquiniwa.

Hebreos 13:20

Sumancañan Diosajj Jesucristorojj jiwatanac taypit jactayi. Uca Jesucristosti ovejanacan jach'a awatiripawa, wilapampiwa wiñay arust'äwipjja arsuwayi.

Hebreos 2:14

Mä familian wawanacapajj mä janchita, uqhamarac mä wilat jutiriquiwa; Jesusajj janchimpit wilampit jutaraqui uqhamat jiwañapataqui, ucatsti qhititejj jiwayañatac ch'amanïcän ucaru t'unjañataqui, ucasti Supayawa.

1 Pedro 1:3

Yupaychañäni Diosaru, Jesucristo Tatitun Awquiparu, jupasti jach'a qhuyapayasiñap laycuwa jiwasarojj machakat naciyistu, Jesucriston jiwatanac taypit jactatap toke. Ucasti jiwasanacarojj suyt'añanwa jacayaraquistu,

Apocalipsis 1:18

Nayajj jacasctwa jiwatäcchïyäta ucasa. Jichhasti wiñayataquiw jacascta. Jiwañan llavepsa nayaw catta, jiwatanacan utjäwipan llavepsa nayaw catta.