1 Corintios 14:34 - Qullan Arunaca

³⁴ “Warminacajj jan parlapjjpati cultonjja” sasa. Jupanacarojj janiw: “Parlapjjam” satäquiti. Jan ucasti warminacajj ist'asirïpjjañapawa cunjämtï Diosan arunacapajj sisqui uqhama.

Aymar Bibliia 1986

³⁴ “Warminacajj jan parlapjjpati cultonjja” sasa. Jupanacarojj janiw: “Parlapjjam” satäquiti. Jan ucasti warminacajj ist'asirïpjjañapawa cunjämtï Diosan arunacapajj sisqui uqhama.

Qullan Arunaka DC

³⁴ warminakax iglesian tantachasïwinakapan amukïpxañapawa, janiw parlañapax wakiskiti. Jupanakax chachanakapar jaysapxañapawa, kamisatix kamachix siski ukhamaru.

1 Corintios 14:34 Jak'a apnaqawi uñst'ayäwi

Génesis 3:16

Warmirusti saraquïnwa: —Wawachasiña horasansti t'akhesiñampwa yapt'ämajja, wali t'akhesiñampiw wawachasiraquïta. Ucampisa munañamajja chachamataquïniwa, juparaquiw jumarojj apnakätam —sasa.

1 Corintios 11:13

Jumanacpach sapjjam, ¿waliquïsquiti warmin jan p'eke ch'okt'asisa oración lurañapajja?

1 Corintios 11:3

Ucampis nayajj muntwa jumanacajj acanac amuyt'apjjañama: Cristowa take chachan p'ekepajja, chachasti warmin p'ekeparaquiwa, cunjämatejj Diosajj Criston p'ekepäqui uqhama.

1 Corintios 11:5

Ucampisa mä warmitejj jan p'eke ch'okt'asisa oración lurchi jan ucajj Diosan arunacapsa parlchi ucajja, jan ch'okt'asitapajj p'enkaraquiquiwa chachapataquejja, k'alsa ñic'uta mururascaspa uqhamawa.

1 Corintios 14:21

Tatitun arunacapanjja siwa: “Aca marcarojj jan uñt'at arunacata yakha jakenacampiw parlayäjja, ucampis janiw nayarojj ist'apquitaniti, siw Tatitojja.”

1 Corintios 14:35

Cuns yatiñ munapjjchi ucqhajja, chachanacaparuw utan jisct'asipjjañapa. Mä warmin culton parlañapasti janiw sumäquiti.

Efesios 5:33

Ucampis: sapa mayni jumanacajj warminacamaru munasipjjañamawa juma pachpas munascasma uqhama, warmisti chacharojj ist'añaparaquiwa.

Colosenses 3:18

Warminaca, chachanacamaru ist'apjjam, uqham lurañanacamaraquiw Diosanquirjamajj wact'apjjtam.

Tito 2:5

Suma amuyunïpjjañapawa, k'oma chuymaninaca, uqhamarac utapsa sum apnakerinaca, suma chuymaninaca, chachanacaparus ist'irinaca, jan qhitisa Diosan arupatjja jan wali parlañapataqui.