1 Corintios 14:27 - Qullan Arunaca

²⁷ Cunapachatï jan uñt'at arunacat parlapjjäta ucqhajja, paniniqui jan ucajj quimsaniquiwa parlañapa, maynit maynita parlasa; uqhamarus mayniw khanañchañaparaqui ucanacan parlatanacapjja.

Aymar Bibliia 1986

²⁷ Cunapachatï jan uñt'at arunacat parlapjjäta ucqhajja, paniniqui jan ucajj quimsaniquiwa parlañapa, maynit maynita parlasa; uqhamarus mayniw khanañchañaparaqui ucanacan parlatanacapjja.

Qullan Arunaka DC

²⁷ Kunapachatix jan uñt'at arunakat arsupxät ukkhaxa, paniniki jan ukax kimsanikiw maynit maynit arsuñapa; ukhamarus mayniw ukanakan arsutanakap qhanañchañapa.

1 Corintios 14:27 Jak'a apnaqawi uñst'ayäwi

1 Corintios 12:10

Yakhepanacajj milagro lurañataquiraquiw ch'am catokapjje, yakhepanacasti Diosan arunacap parlt'añataquiraquiw ch'am catokapjje. Maynejj asqui ajayunaca, ñankha ajayunaca uñt'añ churäwi catoke. Yakhepanacasti jan uñt'at lajjranac parlañ churäwi catokapjje, yakhepanacasti uca jan uñt'at lajjranac parlatäquis uca arunac khanañchañataquiraquiw ch'am catokapjje.

1 Corintios 14:13

Uqhamajj mä jaketejj jan uñt'at arunacat parlchejja, Diosatjja ch'am maypan cuntejj parlqui uca khanañchañataqui.

1 Corintios 14:2

Jan uñt'at arunacat parlir jakejja Diosaruw parli, janiw jake masiparu parlquiti, janiraquiw qhitis parlatapjja amuyquiti. Cuntejj parlqui ucjja ajayu toket parli ucampis ucajj jaketaquejj jan amuyt'cayawa.

1 Corintios 14:26

Uqhamajj jilatanaca, jichhajj acaw utji: Cunapachatï tantacht'asipjjäta ucqhajja, jumanacatjja mayninacajj k'ochusiñwa munapjje, yakhepanacajj yaticht'aña, yakhepanacanjja utjaraquiw Diosan mä cuna yatiyäwipasa, jan ucajj jan uñt'at arunacat parlañasa, jan ucajj uca jan uñt'at arunacat parlatäquis uc khanañchañasa. Ucampis take cunas ajayu token iglesianquirinacar jiltayañataquïpan.

1 Corintios 14:28

Ucampis janitejj qhitis uca jan uñt'at arunaca khanañchirejj utjcchi ucqhajja, janicucha tantachasïwinacamanjja parlapcamti uca jan uñt'at arunacatjja, jan ucasti sapakat maynisa jupa pachpa parlaspan uqhamarac Diosampisa.

1 Corintios 14:5

Nayajj muniristwa jumanacajj sapa maynis jan uñt'at arunac parlirïpjjañama, ucat sipan juc'ampjja muniristwa jumanacajj Diosat catokata arunaca mayninacaru parlapjjañama, uqham parlañaw asquejja jan uñt'at arunac parlañat sipansa. Jan ucajj jan uñt'at arunac parlirinacajj khanañchapjjañapawa parlatanacapa, uqhamata iglesianquirinacajj ajayu tokenjja jiltapjjañapataqui.