1 Corintios 12:30 - Qullan Arunaca

³⁰ ¿Takenicha ch'amanejja usutanacar c'umaraptayañataquejja? ¿Takeniraquicha jan uñt'at arunaca parlejja? ¿Takenicha uca jan uñt'ata arunacat parlatanacjja khanañchañ yatejja? Janiw takenïquiti.

Aymar Bibliia 1986

³⁰ ¿Takenicha ch'amanejja usutanacar c'umaraptayañataquejja? ¿Takeniraquicha jan uñt'at arunaca parlejja? ¿Takenicha uca jan uñt'ata arunacat parlatanacjja khanañchañ yatejja? Janiw takenïquiti.

Qullan Arunaka DC

³⁰ janiw taqinix usutanakar qullañatak ch'amanïpkiti. Janirakiw taqinis yaqha arunakat parlapkiti, jan uñt'at arunak qhanañchirïpkisa.

1 Corintios 12:30 Jak'a apnaqawi uñst'ayäwi

1 Corintios 12:10

Yakhepanacajj milagro lurañataquiraquiw ch'am catokapjje, yakhepanacasti Diosan arunacap parlt'añataquiraquiw ch'am catokapjje. Maynejj asqui ajayunaca, ñankha ajayunaca uñt'añ churäwi catoke. Yakhepanacasti jan uñt'at lajjranac parlañ churäwi catokapjje, yakhepanacasti uca jan uñt'at lajjranac parlatäquis uca arunac khanañchañataquiraquiw ch'am catokapjje.

1 Corintios 12:28

Uqhamaraquipï Diosajj iglesiapanjja sapa maynirus lurañapa churejja: Nayrakatajja apostolonaca, ucjjarusti Diosat catokasina arunacap parlirinaca, ucjjarusti yatichirinaca, ucjjarusti milagro luririnaca, usutanacar c'umaraptayirinaca, yanapirinaca, irpirinaca, jan uñt'ata arunaca parlirinaca.

1 Corintios 12:29

¿Takpachaniti apostolüpjje? ¿Takpachaniti Diosan arunacap parlirinacäpjje? ¿Takenit yatichi? ¿Takenich jan ucajj milagronac lurejja?

1 Corintios 12:9

Yakhepanacajj iyawsañwa Ajayu toke catokapjje, yakhepanacasti ch'am catokapjjaraqui usutanacar waliptayañataqui.

1 Corintios 14:13

Uqhamajj mä jaketejj jan uñt'at arunacat parlchejja, Diosatjja ch'am maypan cuntejj parlqui uca khanañchañataqui.