1 Corintios 11:19 - Qullan Arunaca

¹⁹ ¡Jumanacanjj waquisiwa jaljta jaljta sarnakapjjañamajja, uqhamat yatiñataqui qhitis chekpach Cristor arquirejj uca!

Aymar Bibliia 1986

¹⁹ ¡Jumanacanjj waquisiwa jaljta jaljta sarnakapjjañamajja, uqhamat yatiñataqui qhitis chekpach Cristor arquirejj uca!

Qullan Arunaka DC

¹⁹ ¡Jumanak taypin t'aqanuqtañanak utjañapax wakisiwa, ukhamat yatiñataki khitis chiqpach Cristor arkirix uka!

1 Corintios 11:19 Jak'a apnaqawi uñst'ayäwi

Mateo 18:7

¡Cunja jan walisa acapachataquejj jakenacar juchar puriñanaca utjatapajja! Juchar puriñajj utjapuniniwa, ucampis ¡cunja jan walisa qhititejj juchar puriyqui ucataquejja!

Lucas 17:1

Jesusajj discipulonacaparojj sänwa: “Utjapuniniw cunanacas jaker juch lurayirejja, ucampis ¡ay cunaquïcani, qhiti jaketejj mayniru juchar puriyqui ucajja!

Lucas 2:35

Uqhamatwa cuntejj sapakat maynejj chuymapan lup'qui ucajj yatisini. Jumataquisti take acanacajj wali llaquisiñäniwa.

Hechos 15:5

Ucampis Tatitur iyawsir yakhep fariseonacajja, sayt'asisina, sapjjänwa: —Waquisiw jan judiöpquis uca iyawsirinacar circuncidañajja, uqhamarac ‘Moisesan leyip phokhapjjam’ sañasa —sasa.

Hechos 20:30

Jumanaca taypitwa mayninacajj sartapjjani c'arinac yatichasa, chekäcaspas uqhama, iyawsirinacar jupanac toker apaña munasa.

Hechos 24:14

Ucampis nayajj arstwa, awquinacajjan Diosapar sirvitajja, aca machak yatichäwi sapqui ucarjama. Iyawsaractwa cunatejj leyinsa, profetanacansa kellkatäqui uca arunacaru.

Hechos 24:5

Nanacajj yatjjatapjjtwa aca jakejj marcar jan walt'ayirïtapa. Take chekanwa judionacarojj ch'ajjwayi, pitthapiraqui. Nazaretanquir Jesusan arquirinacapan p'ekechiriparaquiwa.

Hechos 26:5

Jupanacasti ucjja sumaracwa yatipjjaraqui, arsuñ munapjjchejja, arsusipcaquispawa. Nayajj waynatpachaw fariseöyäta. Uquïr thaquisti Diosan leyiparjamajj, mä suma phokhañ thaquiraquiwa, maynïr judionacat sipansa.

Hechos 28:22

Nanacajj ist'añwa munapjjaraquirista juman amuyuma. Yatipjjtwa take chekan aca machak yatichäwita jan walinac parlapjjatapa.

Hechos 5:17

Uc uñjasinsti sacerdoten jilïripajja uqhamarac jupampïpcäna uca saduceo partidonquirinacajj wal envidiasipjjäna.

1 Corintios 11:20

Uqham jaljta jaljta sarnakasipcatamatjja, jumanacan tantachasïwinacaman Santa Cena luratanacamajj janiw Tatituncquiti.

2 Corintios 12:20

Mä toketjja ajjsararactwa, cunapachatï purincä ucqhajj jan inas jumanacarojj cunjämtï muncta uqham jicjjatapcchïmati, ni jumanacas nayarojj cunjämtï munapcta uqham jicjjatapcchitätati. Inas utjchini ch'ajjwañanaca, envidiasiñanaca, colerasiñanaca, maynic cuns munirïñanaca, c'umisiñanaca, jach'a jach'a tucuñanaca, pejjtusiñanaca.

Gálatas 5:20

yakha diosanacaru yupaychañanaca, laykasiñanaca, uñisisiñanaca, quejanacan sarnakañanaca, celasiñanaca, colerasiñanaca, jupa pachpatac munañanaca, t'akaktasin yakha tamanaca tucuñanaca,

Deuteronomio 13:3

ucqhajj jan jumanacajj jupanacaru ist'apjjamti; Tatitu Diosamasti jumanacaruwa yant'añ munapjjtam, take chuymampiti, uqhamaraqui take jacañamampiti juparu munapjjta janicha ucanacata.

Tito 3:10

Maynitejj iglesian jan walt'aycchi jaljtayasa, ucarojj mä pä cuti ewjjt'am, ucattejj jan ist'ätam ucqhajja, ankar jakonucjjam.

1 Juan 2:19

Jupanacajj jiwasanaquirï taypitwa mistuwayapjje, ucampis chekpachansa janiw jiwasanacanquirïquiti; jiwasanacanquirïspa ucajja, mayaquïscasänwa. Ucampis uqhamaw lurasiwayi takenis jan jiwasanquirïtapa khanañchañataqui.