ເຊຟານີຢາ 3:11 - ພຣະຄຳພີສັກສິ11 ໃນວັນນັ້ນ ພວກເຈົ້າທີ່ເປັນປະຊາຊົນຂອງເຮົາ ຈະບໍ່ໄດ້ອັບອາຍຂາຍໜ້າອີກຕໍ່ໄປ ຍ້ອນໄດ້ກະບົດຕໍ່ສູ້ເຮົາ. ເຮົາຈະກຳຈັດທຸກຄົນ ທີ່ອວດດີແລະຈອງຫອງໃຫ້ໝົດສິ້ນໄປ ແລະພວກເຈົ້າຈະບໍ່ກະບົດຕໍ່ສູ້ເຮົາອີກຕໍ່ໄປ ທີ່ເທິງເນີນພູສັກສິດຂອງເຮົາ. Uka jalj uñjjattʼäta |
ເຊຟານີຢາ 3:11
29 Jak'a apnaqawi uñst'ayäwi
ໃນດິນແດນນັ້ນ ຄືທີ່ເທິງພູເຂົາສັກສິດຂອງເຮົາ ທີ່ເທິງພູເຂົາສູງຂອງຊາດອິດສະຣາເອນ ຊາວອິດສະຣາເອນທຸກທົ່ວໜ້າຕ່າງກໍຈະຮັບໃຊ້ອົງພຣະຜູ້ເປັນເຈົ້າ ພຣະເຈົ້າ. ເຮົາຈະພໍໃຈກັບພວກເຈົ້າແລະຫວັງວ່າ ຈະໃຫ້ພວກເຈົ້ານຳເຄື່ອງບູຊາມາຖວາຍແກ່ເຮົາ ຄືເຄື່ອງອັນດີທີ່ສຸດແລະເຄື່ອງອັນສັກສິດຂອງພວກເຈົ້າ.
ແກ່ພວກເຈົ້າຊາວອິດສະຣາເອນວ່າ ອົງພຣະຜູ້ເປັນເຈົ້າ ພຣະເຈົ້າກ່າວວ່າ: ‘ເຮົາຈະເຮັດໃຫ້ພຣະວິຫານຂອງເຮົາເປັນມົນທິນ ຍ້ອນພວກເຈົ້າພາກພູມໃຈເຖິງຄວາມໝັ້ນຄົງຂອງພຣະວິຫານ. ພວກເຈົ້າມັກຈະແນມເບິ່ງພຣະວິຫານນັ້ນ ແລະມັກຈະເຂົ້າໄປໃນທີ່ນັ້ນ; ພວກລູກຊາຍຍິງຂອງພວກເຈົ້າທີ່ເຫຼືອຢູ່ໃນນະຄອນເຢຣູຊາເລັມ ຈະຖືກຂ້າໃນສົງຄາມ.
ຂ້າແດ່ອົງພຣະຜູ້ເປັນເຈົ້າ ພຣະອົງໄດ້ປ້ອງກັນພວກຂ້ານ້ອຍໃນອະດີດ; ສະນັ້ນ ຂໍຢ່າໂກດຮ້າຍນະຄອນເຢຣູຊາເລັມອີກຕໍ່ໄປທ້ອນ. ນະຄອນເຢຣູຊາເລັມເປັນເມືອງຂອງພຣະອົງ ແລະເປັນພູເຂົາສັກສິດຂອງພຣະອົງ. ປະເທດເພື່ອນບ້ານທັງໝົດ ຕ່າງກໍໄດ້ດູຖູກຢຽດຫຍາມນະຄອນເຢຣູຊາເລັມແລະປະຊາຊົນຂອງພຣະອົງ ຍ້ອນບາບຂອງພວກຂ້ານ້ອຍແລະການເຮັດຊົ່ວຂອງບັນພະບຸລຸດຂອງພວກຂ້ານ້ອຍ.
ພວກຜູ້ປົກຄອງເມືອງ ກໍປົກຄອງດ້ວຍເຫັນແກ່ສິນບົນ ພວກປະໂຣຫິດກໍແປກົດບັນຍັດດ້ວຍເຫັນແກ່ຄ່າຈ້າງລາງວັນ ພວກຜູ້ທຳນວາຍກໍບອກນິມິດຂອງຕົນດ້ວຍເຫັນແກ່ເງິນ ແລະພວກເຂົາທຸກຄົນຕ່າງກໍອ້າງວ່າ ພຣະເຈົ້າຢາເວຢູ່ກັບພວກຕົນ ພວກເຂົາເວົ້າວ່າ, “ເຫດຮ້າຍໃດໆຈະບໍ່ມາຖືກພວກເຮົາດອກ ເພາະພຣະເຈົ້າຢາເວສະຖິດຢູ່ນຳພວກເຮົາ.”
Anuncios ukanaka