ເຊຟານີຢາ 2:6 - ພຣະຄຳພີສັກສິ

⁶ ດິນແດນ​ຂອງ​ພວກເຈົ້າ​ຕາມ​ຊາຍ​ທະເລ​ຈະ​ກາຍເປັນ​ທົ່ງ​ເປີດແປນ ທີ່​ມີ​ທັງ​ຕູບ​ຂອງ​ພວກ​ລ້ຽງແກະ​ແລະ​ຄອກ​ແກະ​ໃນ​ທີ່ນັ້ນ.

ເຊຟານີຢາ 2:6 Jak'a apnaqawi uñst'ayäwi

ເອຊາຢາ 17:2

ເມືອງຕ່າງໆ​ຂອງ​ຊີເຣຍ​ຈະ​ເປົ່າຮ້າງ​ຫວ່າງຄົນ​ຕະຫລອດໄປ. ເມືອງ​ເຫຼົ່ານັ້ນ​ຈະ​ເປັນ​ທົ່ງຫຍ້າ ໃຫ້​ຝູງແກະ​ແລະ​ຝູງງົວ ແລະ​ຈະ​ບໍ່ມີ​ຜູ້ໃດ​ໄລ່​ພວກມັນ​ໜີໄປ.

ເອຊາຢາ 5:17

ໃນ​ເມືອງ​ທີ່​ຮົກຮ້າງ​ເພພັງ​ນັ້ນ ແກະນ້ອຍ​ຈະ​ມີ​ຫຍ້າ​ກິນ ແລະ​ແບ້​ນ້ອຍ​ກໍ​ຈະ​ພົບ​ທົ່ງຫຍ້າ.

ເອຊາຢາ 7:25

ເນີນພູ​ທຸກໜ່ວຍ​ທີ່​ເຄີຍ​ປູກຢູ່​ກະທຳ​ກິນ​ຈະ​ມີ​ແຕ່​ໜາມ ຈົນ​ບໍ່ມີ​ຜູ້ໃດ​ກ້າ​ຂຶ້ນ​ໄປ​ທີ່ນັ້ນ. ຕາມ​ເນີນພູ​ເຫຼົ່ານັ້ນ​ຈະ​ເປັນ​ບ່ອນ​ທີ່​ງົວ ແລະ​ແກະ​ເລາະ​ກິນ​ຫຍ້າ.”

ເຢເຣມີຢາ 33:12

ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ກ່າວ​ວ່າ, “ຢູ່​ໃນ​ດິນແດນ​ທີ່​ເປັນ​ດັ່ງ​ຖິ່ນ​ແຫ້ງແລ້ງ​ກັນດານ ແລະ​ເປັນ​ບ່ອນ​ທີ່​ບໍ່ມີ​ຄົນ ຫລື​ສັດ​ອາໄສ​ຢູ່​ນີ້; ດິນແດນ​ນັ້ນ​ຈະ​ມີ​ທົ່ງຫຍ້າ ຊຶ່ງ​ຄົນລ້ຽງແກະ​ເບິ່ງແຍງ​ຝູງແກະ​ຂອງ​ພວກເຂົາ.

ເອເຊກຽນ 25:5

ເຮົາ​ຈະ​ປ່ຽນ​ເມືອງ​ຣັບບາ​ໃຫ້​ກາຍເປັນ​ບ່ອນ​ຮັກສາ​ຝູງ​ອູດ ແລະ​ທົ່ວ​ດິນແດນ​ອຳໂມນ​ໃຫ້​ກາຍເປັນ​ບ່ອນ​ຮັກສາ​ຝູງແກະ ກໍ​ເພື່ອ​ພວກເຈົ້າ​ຈະ​ໄດ້​ຮູ້ວ່າ​ເຮົາ​ແມ່ນ​ພຣະເຈົ້າຢາເວ.