ເຊກາຣີຢາ 9:6 - ພຣະຄຳພີສັກສິ

⁶ ປະຊາຊົນ​ຫລາຍ​ເຊື້ອຊາດ​ທີ່​ປະປົນ​ກັນ ຈະ​ອາໄສ​ຢູ່​ໃນ​ເມືອງ​ອາຊະໂດດ ແລະ​ເຮົາ​ຈະ​ເຮັດ​ໃຫ້​ຊາວ​ຟີລິດສະຕິນ ຄົນ​ຈອງຫອງ​ເຫຼົ່ານັ້ນ​ຖ່ອມຕົວ​ລົງ.

ເຊກາຣີຢາ 9:6 Jak'a apnaqawi uñst'ayäwi

ປັນຍາຈານ 6:2

ພຣະເຈົ້າ​ຈະ​ໃຫ້​ຄົນໃດ​ຄົນໜຶ່ງ​ຮັ່ງມີ, ມີ​ກຽດ ແລະ​ມີ​ຊັບສົມບັດ​ຄື: ໃຫ້​ລາວ​ມີ​ທຸກສິ່ງ​ທີ່​ລາວ​ຕ້ອງການ, ແຕ່​ແລ້ວ​ພັດ​ບໍ່​ໃຫ້​ລາວ​ສະໜຸກ​ຢູ່​ກັບ​ສິ່ງ​ນັ້ນ. ຄົນ​ແປກໜ້າ​ຊໍ້າພັດ​ໄດ້​ສະໜຸກ​ຢູ່​ກັບ​ສິ່ງ​ເຫຼົ່ານັ້ນ​ແທນ. ມັນ​ຊ່າງ​ອະນິຈັງ ແລະ​ບໍ່​ເປັນ​ການ​ຖືກຕ້ອງ​ເສຍ​ເລີຍ.

ເອຊາຢາ 23:9

ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ໄດ້​ວາງ​ແຜນການ​ນີ້. ພຣະອົງ​ໄດ້​ວາງ​ແຜນການ​ນັ້ນ ເພື່ອ​ເຮັດ​ໃຫ້​ຄວາມ​ອວດອົ່ງ​ຈອງຫອງ​ຂອງ​ພວກເຂົາ​ສິ້ນສຸດ​ລົງ ແລະ​ເຮັດ​ໃຫ້​ຄົນ​ທີ່​ໄດ້​ຮັບກຽດ​ນັ້ນ​ສະຫງຽມ​ຈຽມຕົວ.

ເອຊາຢາ 28:1

ເຄາະກຳ​ເປັນ​ຂອງ​ອານາຈັກ​ອິດສະຣາເອນ​ສາ​ແລ້ວ ຄວາມ​ຮຸ່ງເຮືອງ​ຂອງ​ອານາຈັກ​ກຳລັງ​ຫ່ຽວແຫ້ງ​ລົງ ດັ່ງ​ມົງກຸດ​ດອກໄມ້​ທີ່​ຢູ່​ເທິງ​ຫົວ​ຂອງ​ຜູ້ນຳ​ຂີ້ເມົາ​ທັງຫລາຍ. ຫົວ​ອັນ​ອວດອົ່ງ​ຂອງ​ພວກເຂົາ​ມີ​ກິ່ນ​ຫອມຫວນ​ດີ ແຕ່​ພວກເຂົາ​ພັດ​ນອນ​ເມົາ​ບໍ່ໄດ້​ສະຕິ​ດັ່ງ​ຄົນຕາຍ.

ເຢເຣມີຢາ 47:1

ກ່ອນ​ກະສັດ​ແຫ່ງ​ເອຢິບ​ໄດ້​ໂຈມຕີ​ເມືອງ​ກາຊາ ຖ້ອຍຄຳ​ຂອງ​ພຣະເຈົ້າຢາເວ​ໄດ້​ມາເຖິງ​ຂ້າພະເຈົ້າ​ກ່ຽວກັບ​ຟີລິດສະຕິນ.

ດານີເອນ 4:37

ບັດນີ້ ເຮົາ​ຄື​ເນບູ​ກາດເນັດຊາ ຂໍ​ສັນລະເສີນ​ແລະ​ຖວາຍ​ກຽດຕິຍົດ ແລະ​ສະຫງ່າຣາສີ ແດ່​ກະສັດ​ແຫ່ງ​ສະຫວັນ. ທຸກສິ່ງ​ທີ່​ພຣະອົງ​ເຮັດ​ກໍ​ຖືກຕ້ອງ​ແລະ​ຍຸດຕິທຳ ແລະ​ພຣະອົງ​ເຮັດ​ໃຫ້​ຄົນ​ຈອງຫອງ​ຖ່ອມຕົວ​ລົງ​ໄດ້.”

ອາໂມດ 1:8

ເຮົາ​ຈະ​ຂັບໄລ່​ຜູ້ປົກຄອງ​ເມືອງ​ອາຊະໂດດ ແລະ​ເມືອງ​ອາຊະເກໂລນ​ໃຫ້​ອອກ​ໜີໄປ; ເຮົາ​ຈະ​ລົງໂທດ​ຊາວ​ເມືອງ​ເອັກໂຣນ ແລະ​ຊາວ​ຟີລິດສະຕິນ​ທັງໝົດ​ທີ່​ຍັງເຫລືອ​ຢູ່​ກໍ​ຈະ​ຕາຍ.” ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ດັ່ງນີ້ແຫຼະ.

ເຊຟານີຢາ 2:10

ດ້ວຍ​ວິທີ​ນີ້​ແຫຼະ ປະຊາຊົນ​ໂມອາບ​ແລະ​ອຳໂມນ​ຈະ​ໄດ້​ຮັບ​ໂທດ ຍ້ອນ​ຄວາມ​ອວດດີ​ແລະ​ຄວາມ​ຈອງຫອງ​ຂອງ​ພວກເຂົາ ແລະ​ຍ້ອນ​ການ​ດູໝິ່ນ​ປະໝາດ​ປະຊາຊົນ​ຂອງ​ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່.

ເຊຟານີຢາ 2:4

ຈະ​ບໍ່ມີ​ຜູ້ໃດ​ເຫຼືອ​ຢູ່​ໃນ​ເມືອງ​ກາຊາ. ອາຊະເກໂລນ​ຈະ​ກາຍເປັນ​ເມືອງ​ຮົກຮ້າງ. ປະຊາຊົນ​ຂອງ​ເມືອງ​ອາຊະໂດດ​ຈະ​ຖືກ​ຂັບໄລ່​ໃຫ້​ອອກ​ໄປ​ໃນ​ເຄິ່ງ​ມື້ ແລະ​ຊາວ​ເອັກໂຣນ​ຈະ​ຖືກ​ຂັບໄລ່​ໃຫ້​ອອກ​ໄປ​ຈາກ​ເມືອງ​ຂອງ​ພວກເຂົາ.

ເຊກາຣີຢາ 9:5

ເມືອງ​ອາຊະເກໂລນ​ຈະ​ເຫັນ​ເຫດການ​ນີ້ ແລະ​ຈະ​ເກີດ​ຢ້ານກົວ. ເມືອງ​ກາຊາ​ຈະ​ເຫັນ​ເຫດການ​ນີ້ ແລະ​ຈະ​ເຈັບປວດ​ຢ່າງ​ທົນທຸກ​ທໍລະມານ​ໜັກ. ເມືອງ​ເອັກໂຣນ​ກໍ​ເຊັ່ນດຽວ​ກັນ ຄວາມຫວັງ​ຂອງຕົນ​ຈະ​ແຕກ​ສະຫລາຍ​ໄປ. ເມືອງ​ກາຊາ​ຈະ​ສູນເສຍ​ກະສັດ ແລະ​ເມືອງ​ອາຊະເກໂລນ​ຈະ​ຖືກ​ປະປ່ອຍ​ໃຫ້​ຮົກຮ້າງ.

ເຊກາຣີຢາ 9:7

ພວກເຂົາ​ຈະ​ບໍ່​ກິນ​ຊີ້ນ​ມີ​ເລືອດ​ອີກ​ຕໍ່ໄປ ຫລື​ອາຫານ​ໃດໆ​ທີ່​ຕ້ອງ​ຫ້າມ. ພວກ​ທີ່​ລອດຊີວິດ​ທຸກຄົນ​ຈະ​ເປັນ​ປະຊາຊົນ​ສ່ວນ​ໜຶ່ງ​ຂອງເຮົາ ແລະ​ຈະ​ເປັນ​ດັ່ງ​ຕະກຸນ​ໜຶ່ງ​ໃນ​ເຜົ່າ​ຢູດາ. ເອັກໂຣນ​ຈະ​ກາຍເປັນ​ປະຊາຊົນ​ສ່ວນ​ໜຶ່ງ​ຂອງເຮົາ ດັ່ງ​ທີ່​ຊາວ​ເຢບຸດ

1 ເປໂຕ 5:5

ໃນທຳນອງ​ດຽວກັນ ພວກເຈົ້າ​ຜູ້​ມີ​ອາຍຸ​ອ່ອນກວ່າ ຈົ່ງ​ນ້ອມຟັງ​ຕໍ່​ພວກ​ອາວຸໂສ. ພວກເຈົ້າ​ທຸກຄົນ ຈົ່ງ​ສວມ​ຄວາມ​ຖ່ອມໃຈ ເພື່ອ​ຮັບໃຊ້​ຊຶ່ງກັນແລະກັນ ຕາມ​ທີ່​ມີ​ຄຳ​ຂຽນ​ໄວ້​ໃນ​ພຣະຄຳພີ​ວ່າ, “ພຣະເຈົ້າ​ຊົງ​ຕໍ່ສູ້​ຄົນ​ທີ່​ຈອງຫອງ ແຕ່​ຊົງ​ປະທານ​ພຣະຄຸນ​ແກ່​ຜູ້​ທີ່​ຖ່ອມໃຈ​ລົງ.”