ເຊກາຣີຢາ 6:8 - ພຣະຄຳພີສັກສິ

⁸ ແລ້ວ​ເທວະດາ​ຕົນ​ນັ້ນ​ກໍ​ຮ້ອງ​ບອກ​ຂ້າພະເຈົ້າ​ວ່າ, “ມ້າ​ທີ່​ໄປ​ທາງ​ທິດເໜືອ​ສູ່​ບາບີໂລນ​ນັ້ນ ໄດ້​ເຮັດ​ໃຫ້​ຄວາມ​ໂກດຮ້າຍ​ຂອງ​ອົງພຣະ​ຜູ້​ເປັນເຈົ້າ​ງຽບລົງ.”

ເຊກາຣີຢາ 6:8 Jak'a apnaqawi uñst'ayäwi

ປັນຍາຈານ 10:4

ຖ້າ​ຜູ້​ເປັນ​ນາຍ​ຂອງເຈົ້າ​ໃຈຮ້າຍ​ໃຫ້​ເຈົ້າ ຢ່າ​ສູ່​ຟ້າວ​ຍື່ນ​ໃບ​ລາອອກ ຖ້າ​ເຈົ້າ​ມິດງຽບ​ເສີຍຢູ່ ຄວາມ​ຜິດພາດ​ອັນ​ໃຫຍ່ຫລວງ​ອາດ​ຈະ​ໄດ້​ຮັບ​ການອະໄພ​ໃຫ້​ກໍໄດ້.

ເອຊາຢາ 1:24

ສະນັ້ນ ບັດນີ້​ຈົ່ງ​ຟັງ​ສິ່ງ​ທີ່​ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ອົງ​ຊົງ​ຣິດອຳນາດ​ຂອງ​ຊາດ​ອິດສະຣາເອນ​ກຳລັງ​ກ່າວ​ວ່າ, “ເຮົາ​ຈະ​ແກ້ແຄ້ນ​ພວກເຈົ້າ​ຜູ້​ທີ່​ເປັນ​ສັດຕູ​ຂອງເຮົາ ແລ້ວ​ພວກເຈົ້າ​ກໍ​ຈະ​ບໍ່​ສ້າງ​ຄວາມ​ເດືອດຮ້ອນ​ໃຫ້​ເຮົາ​ອີກ​ຕໍ່ໄປ.

ເອຊາຢາ 48:14

“ເຈົ້າ​ທັງໝົດ ຈົ່ງ​ມາ​ເຕົ້າໂຮມ​ກັນ​ແລະ​ຟັງ ບໍ່ມີ​ພະ​ໃດ​ໃນ​ທ່າມກາງ​ບັນດາ​ພະ​ເຫຼົ່ານັ້ນ​ໄດ້​ປະກາດ​ສິ່ງ​ເຫຼົ່ານີ້ ວ່າ​ພຣະເຈົ້າຢາເວ​ຊົງ​ຮັກ​ທ່ານ ພຣະອົງ​ຈະ​ໂຈມຕີ​ນະຄອນ​ບາບີໂລນ ຈະ​ເຮັດ​ສິ່ງ​ທີ່​ເຮົາ​ຕ້ອງການ​ໃຫ້​ເຮັດ​ທຸກຢ່າງ.

ເອເຊກຽນ 16:42

ແລ້ວ​ເຮົາ​ກໍ​ຈະ​ສະຫງົບ​ອາຣົມ ແລະ​ເຊົາ​ໂກດຮ້າຍ​ເຈົ້າ. ເຮົາ​ຈະ​ບໍ່​ໂກດຮ້າຍ​ຫລື​ຫວງແຫນ​ເຈົ້າ​ອີກ​ຕໍ່ໄປ.

ເອເຊກຽນ 16:63

ເຮົາ​ຈະ​ຍົກ​ຄວາມຜິດ​ທຸກຢ່າງ​ທີ່​ເຈົ້າ​ໄດ້​ເຮັດ, ແຕ່​ເຈົ້າ​ຈະ​ຈົດຈຳ​ມັນ​ໄວ້ ແລະ​ລະອາຍ​ໃຈ ຈົນ​ບໍ່​ກ້າ​ອ້າ​ປາກ​ເວົ້າ​ເຖິງ​ມັນ​ເລີຍ. ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ດັ່ງນີ້ແຫຼະ.”

ເອເຊກຽນ 24:13

ນະຄອນ​ເຢຣູຊາເລັມ​ເອີຍ ການກະທຳ​ອັນ​ຜິດ​ສິນທຳ​ຕ່າງໆ​ຂອງເຈົ້າ​ນັ້ນ ໄດ້​ເຮັດ​ໃຫ້​ເຈົ້າ​ເປັນ​ມົນທິນ. ແມ່ນ​ວ່າ​ເຮົາ​ພະຍາຍາມ​ຊຳລະ​ເຈົ້າ​ໃຫ້​ບໍຣິສຸດ​ກໍດີ ເຈົ້າ​ກໍ​ຍັງ​ມີ​ມົນທິນ​ຢູ່. ເຈົ້າ​ຈະ​ບໍ່​ສະອາດ​ແທ້ ຈົນກວ່າ​ເຈົ້າ​ໄດ້​ຊີມ​ຣິດ​ແຫ່ງ​ຄວາມ​ໂກດຮ້າຍ​ອັນ​ເຕັມ​ຂະໜາດ​ຂອງເຮົາ.

ເອເຊກຽນ 5:13

ເຈົ້າ​ຈະ​ໄດ້​ຊີມ​ຣິດ​ແຫ່ງ​ຄວາມ​ໂກດຮ້າຍ ແລະ​ໂມໂຫ​ຂອງເຮົາ ຈົນກວ່າ​ເຮົາ​ຈະ​ພໍໃຈ. ເມື່ອ​ສິ່ງ​ທັງໝົດ​ນີ້​ເກີດຂຶ້ນ ເຈົ້າ​ຈະ​ມີ​ຄວາມ​ແນ່ໃຈ​ວ່າ ເຮົາ​ຄື​ພຣະເຈົ້າຢາເວ​ໄດ້​ກ່າວ​ຕໍ່​ເຈົ້າ​ຢ່າງ​ຮຸນແຮງ​ຈົນ​ສຸດຂີດ ຍ້ອນ​ຄວາມ​ບໍ່​ສັດຊື່​ຂອງ​ເຈົ້າ.

ເຊກາຣີຢາ 1:15

ແລະ​ເຮົາ​ກໍ​ໂກດຮ້າຍ​ຢ່າງ​ເຫລືອຫລາຍ​ຕໍ່​ຊົນຊາດ​ຕ່າງໆ ທີ່​ມ່ວນຊື່ນ​ຢູ່​ກັບ​ຄວາມ​ມິດງຽບ​ແລະ​ຄວາມ​ສະຫງົບສຸກ. ດ້ວຍວ່າ, ໃນ​ເມື່ອ​ເຮົາ​ຖອນ​ເອົາ​ຄວາມ​ໂກດຮ້າຍ​ຂອງເຮົາ ທີ່​ມີ​ຕໍ່​ປະຊາຊົນ​ຂອງເຮົາ​ຄືນ​ນັ້ນ ຊົນຊາດ​ເຫຼົ່ານັ້ນ​ກໍໄດ້​ເຮັດ​ໃຫ້​ປະຊາຊົນ​ຂອງເຮົາ​ທົນທຸກ​ຍິ່ງ​ຂຶ້ນ.’

ພວກ^ຜູ້ປົກຄອງ 15:7

ແຊມຊັນ​ເວົ້າ​ຕໍ່​ພວກເຂົາ​ວ່າ, “ເມື່ອ​ພວກເຈົ້າ​ເຮັດ​ດັ່ງນີ້ ຂ້ອຍ​ຂໍ​ສາບານ​ວ່າ​ຂ້ອຍ​ຈະ​ບໍ່​ຍອມ ຈົນກວ່າ​ໄດ້​ແກ້ແຄ້ນ​ຄືນ.”

ພວກ^ຜູ້ປົກຄອງ 8:3

ໃນທີ່ສຸດ ດ້ວຍ​ຣິດອຳນາດ​ຂອງ​ພຣະເຈົ້າ ພວກເຈົ້າ​ໄດ້​ຂ້າ​ຫົວໜ້າ​ຂອງ​ຊາວ​ມີດີອານ​ສອງ​ຄົນ​ຄື: ໂອເຣັບ​ແລະ​ເຊເອັບ. ສິ່ງ​ທີ່​ຂ້ອຍ​ໄດ້​ເຮັດ​ນັ້ນ​ຈະ​ທຽບ​ໃສ່​ກັບ​ສິ່ງ​ທີ່​ພວກເຈົ້າ​ເຮັດ​ມາ​ໄດ້​ຢ່າງ​ໃດ?” ເມື່ອ​ລາວ​ເວົ້າ​ດັ່ງນັ້ນ​ແລ້ວ​ພວກເຂົາ​ກໍ​ເຊົາ​ຄຽດ.