ເຊກາຣີຢາ 4:1 - ພຣະຄຳພີສັກສິ

¹ ເທວະດາ​ຕົນ​ທີ່​ມີ​ໜ້າທີ່​ກ່າວ​ແກ່​ຂ້າພະເຈົ້າ​ນັ້ນ ໄດ້​ກັບຄືນ​ມາ​ຫາ​ຂ້າພະເຈົ້າ​ອີກ ແລະ​ປຸກ​ຂ້າພະເຈົ້າ​ໃຫ້​ຕື່ນ​ຂຶ້ນ ດັ່ງ​ກັບ​ວ່າ​ຂ້າພະເຈົ້າ​ໄດ້​ນອນ​ຫລັບ​ໄປ.

ເຊກາຣີຢາ 4:1 Jak'a apnaqawi uñst'ayäwi

ເຢເຣມີຢາ 31:26

ເມື່ອນັ້ນ​ປະຊາຊົນ​ຈະ​ເວົ້າ​ວ່າ, ‘ຂ້ອຍ​ເຂົ້າ​ໄປ​ນອນ​ແລະ​ຕື່ນ​ຂຶ້ນ​ມາ ດ້ວຍ​ຈິດໃຈ​ຊົມຊື່ນ​ແລະ​ເບີກບານ.’

ດານີເອນ 8:18

ໃນ​ຂະນະທີ່​ຄັບຣີເອນ​ກຳລັງ​ເວົ້າ​ຢູ່​ນັ້ນ ຂ້າພະເຈົ້າ​ກໍ​ໝົດ​ສະຕິໄປ ແລະ​ສະຫລົບ​ລົ້ມລົງ​ກັບ​ບ່ອນ, ແຕ່​ເພິ່ນ​ໄດ້​ໂຊມ​ຂ້າພະເຈົ້າ​ລຸກຢືນຂຶ້ນ

ເຊກາຣີຢາ 1:13

ພຣະເຈົ້າຢາເວ​ໄດ້​ຕອບ​ເທວະດາ​ຕົນ​ທີ່​ໄດ້​ກ່າວ​ກັບ​ຂ້າພະເຈົ້າ​ດ້ວຍ​ຖ້ອຍຄຳ​ເລົ້າໂລມ​ໃຈ

ເຊກາຣີຢາ 1:19

ຂ້າພະເຈົ້າ​ຈຶ່ງ​ຖາມ​ເທວະດາ​ຕົນ​ທີ່​ກຳລັງ​ກ່າວ​ແກ່​ຂ້າພະເຈົ້າ​ຢູ່​ນັ້ນ​ວ່າ, “ເຂົາ​ເຫຼົ່ານັ້ນ​ໝາຍເຖິງ​ຫຍັງ?” ເພິ່ນ​ຕອບ​ວ່າ, “ເຂົາ​ເຫຼົ່ານັ້ນ​ໝາຍເຖິງ​ບັນດາ​ອຳນາດ​ແຫ່ງ​ໂລກນີ້ ທີ່​ໄດ້​ເຮັດ​ໃຫ້​ປະຊາຊົນ​ຢູດາ, ອິດສະຣາເອນ ແລະ​ເຢຣູຊາເລັມ ກະຈັດ​ກະຈາຍ​ໄປ.”

ເຊກາຣີຢາ 1:9

ຂ້າພະເຈົ້າ​ໄດ້​ຖາມ​ວ່າ, “ທ່ານເອີຍ ມ້າ​ເຫຼົ່ານັ້ນ​ໝາຍເຖິງ​ຫຍັງ?” ເທວະດາ​ທີ່​ກ່າວ​ກັບ​ຂ້າພະເຈົ້າ​ໄດ້​ຕອບ​ຂ້າພະເຈົ້າ​ວ່າ, “ເຮົາ​ຈະ​ສະແດງ​ໃຫ້​ເຈົ້າ​ເຫັນ​ວ່າ​ໝາຍເຖິງ​ຫຍັງ?”

ເຊກາຣີຢາ 2:3

ແລ້ວ​ຂ້າພະເຈົ້າ​ກໍໄດ້​ເຫັນ​ເທວະດາ​ຕົນ​ທີ່​ໄດ້​ກ່າວ​ແກ່​ຂ້າພະເຈົ້າ​ນັ້ນ ກ້າວ​ຍ່າງ​ອອກ​ໄປ​ແລະ​ມີ​ເທວະດາ​ຕົນ​ອື່ນ​ອີກ ເຂົ້າ​ມາ​ພົບ​ເທວະດາ​ຕົນ​ນີ້.

ເຊກາຣີຢາ 4:5

ເທວະດາ​ຕົນ​ທີ່​ກ່າວ​ກັບ​ຂ້າພະເຈົ້າ​ຖາມ​ຂ້າພະເຈົ້າ​ຄືນ​ວ່າ, “ເຈົ້າ​ບໍ່​ຮູ້ຈັກ​ບໍ?” ຂ້າພະເຈົ້າ​ຕອບ​ວ່າ, “ທ່ານເອີຍ ຂ້ານ້ອຍ​ບໍ່​ຮູ້ຈັກ.” 10(ຂ) ເທວະດາ​ຕົນ​ນັ້ນ​ໄດ້​ກ່າວ​ແກ່​ຂ້າພະເຈົ້າ​ວ່າ, “ຕະກຽງ​ທັງ​ເຈັດ​ໜ່ວຍ​ນັ້ນ​ແມ່ນ​ຕາ​ທັງ​ເຈັດ​ຂອງ​ພຣະເຈົ້າຢາເວ ຊຶ່ງ​ສອດ​ສ່ອງ​ເບິ່ງ​ທົ່ວ​ທັງ​ໂລກນີ້.”

ລູກາ 9:32

ຝ່າຍ​ເປໂຕ​ກັບ​ໝູ່​ເພື່ອນ​ຂອງຕົນ ຕ່າງ​ກໍ​ເຫງົາ​ນອນ, ແຕ່​ເມື່ອ​ພວກເພິ່ນ​ໄດ້​ຕື່ນ​ຂຶ້ນ​ແລ້ວ ຈຶ່ງ​ເຫັນ​ສະຫງ່າຣາສີ​ຂອງ​ພຣະເຢຊູເຈົ້າ ກັບ​ສອງ​ຄົນ​ທີ່​ກຳລັງ​ຢືນ​ຢູ່​ນຳ​ພຣະອົງ.