ເຊກາຣີຢາ 2:2 - ພຣະຄຳພີສັກສິ

² ຂ້າພະເຈົ້າ​ຖາມ​ວ່າ, “ທ່ານ​ກຳລັງ​ຈະ​ໄປ​ໃສ?” ຊາຍ​ຄົນ​ນັ້ນ​ຕອບ​ວ່າ, “ໄປ​ແທກ​ນະຄອນ​ເຢຣູຊາເລັມ​ວ່າ​ຍາວ​ແລະ​ກວ້າງ​ເທົ່າໃດ.”

ເຊກາຣີຢາ 2:2 Jak'a apnaqawi uñst'ayäwi

ເຢເຣມີຢາ 31:39

ເສັ້ນໝາຍ​ຂອງ​ເຂດແດນ​ຈະ​ຍາວ​ໄປ​ເຖິງ​ເນີນພູ​ຄາເຣັບ ແລ້ວ​ລ້ຽວ​ໄປ​ເຖິງ​ໂກອາ.

ເອເຊກຽນ 40:3

ພຣະອົງ​ໄດ້​ນຳ​ຂ້າພະເຈົ້າ​ເຂົ້າ​ໄປ​ໃກ້ໆ ແລະ​ຂ້າພະເຈົ້າ​ກໍໄດ້​ເຫັນ​ຊາຍ​ຜູ້ໜຶ່ງ​ເຫລືອງເຫລື້ອມ​ດັ່ງ​ທອງສຳຣິດ. ເພິ່ນ​ຢືນ​ຢູ່​ທາງ​ປະຕູເຂົ້າ ຖື​ເຊືອກ​ແທກ​ທີ່​ເຮັດ​ດ້ວຍ​ຜ້າປ່ານ​ແລະ​ມີ​ໄມ້ແທກ.

ເອເຊກຽນ 45:6

ຖັດ​ຈາກ​ບໍລິເວນ​ອັນ​ສັກສິດ​ນີ້ ໃຫ້​ມີ​ທີ່ດິນ​ຕອນ​ໜຶ່ງ​ອີກ ຍາວ​ສິບສອງ​ກິໂລແມັດ​ເຄິ່ງ ແລະ​ກວ້າງ​ສອງ​ກິໂລແມັດ​ເຄິ່ງ. ດິນ​ຕອນ​ນີ້​ໃຫ້​ຈັດ​ໄວ້​ເປັນ​ເມືອງ​ໜຶ່ງ ທີ່​ປະຊາຊົນ​ອິດສະຣາເອນ​ຢູ່​ອາໄສ.

ເຊກາຣີຢາ 1:16

ເພາະສະນັ້ນ ພຣະເຈົ້າຢາເວ​ຈຶ່ງ​ກ່າວ​ວ່າ, ‘ເຮົາ​ຈະ​ກັບ​ມາ​ທີ່​ນະຄອນ​ເຢຣູຊາເລັມ​ອີກ ເພື່ອ​ສຳແດງ​ຄວາມ​ເມດຕາ​ຕໍ່​ນະຄອນ​ນີ້. ວິຫານ​ຂອງເຮົາ​ຈະ​ຖືກ​ສ້າງ​ຂຶ້ນ​ໃໝ່ ແລະ​ນະຄອນ​ກໍ​ຈະ​ຖືກ​ສ້າງ​ຂຶ້ນ​ໃໝ່​ດ້ວຍ.’ ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ກ່າວ​ດັ່ງນັ້ນແຫຼະ.

ເຊກາຣີຢາ 5:10

ຂ້າພະເຈົ້າ​ຈຶ່ງ​ຖາມ​ເທວະດາ​ຕົນ​ນັ້ນ​ວ່າ, “ພວກ​ນາງ​ຈະ​ເອົາ​ກະຕ່າ​ນັ້ນ​ໄປ​ໃສ?”

ໂຢຮັນ 16:5

ແຕ່​ບັດນີ້ ເຮົາ​ໃກ້​ຈະ​ໄປ​ຫາ​ພຣະອົງ ຜູ້​ທີ່​ໃຊ້​ເຮົາ​ມາ ແຕ່​ບໍ່ມີ​ຜູ້ໃດ​ໃນ​ພວກເຈົ້າ​ຖາມ​ເຮົາ​ວ່າ ເຮົາ​ກຳລັງ​ຈະ​ໄປ​ໃສ?

ພຣະນິມິດ 11:1

ແລ້ວ​ຂ້າພະເຈົ້າ​ໄດ້​ຮັບ​ໄມ້ແທກ​ອັນ​ໜຶ່ງ ເໝືອນ​ດັ່ງ​ໄມ້ຄ້ອນເທົ້າ ແລະ​ມີ​ສຽງ​ໜຶ່ງ​ສັ່ງ​ຂ້າພະເຈົ້າ​ວ່າ, “ຈົ່ງ​ລຸກ​ຂຶ້ນ ໄປ​ແທກ​ວິຫານ​ຂອງ​ພຣະເຈົ້າ​ກັບ​ແທ່ນບູຊາ ແລະ​ໃຫ້​ນັບ​ຈຳນວນ​ຄົນ​ທັງຫລາຍ ທີ່​ນະມັດສະການ​ຢູ່​ໃນ​ພຣະວິຫານ​ນັ້ນ.