ເຊກາຣີຢາ 11:16 - ພຣະຄຳພີສັກສິ

¹⁶ ເຮົາ​ໄດ້​ໃຫ້​ຄົນລ້ຽງແກະ​ຜູ້ໜຶ່ງ​ເບິ່ງແຍງ​ຝູງແກະ​ຂອງເຮົາ ແຕ່​ລາວ​ບໍ່ໄດ້​ຊ່ວຍ​ແກະ​ທີ່​ກຳລັງ​ຈະ​ຈິບຫາຍ​ໄປ; ລາວ​ບໍ່ໄດ້​ຊອກຫາ​ໂຕ​ທີ່​ເສຍໄປ ຫລື​ປິ່ນປົວ​ໂຕ​ທີ່​ຖືກ​ບາດເຈັບ ຫລື​ລ້ຽງດູ​ໂຕ​ທີ່​ລອດຊີວິດ​ຢູ່, ແຕ່​ລາວ​ກັບ​ກິນ​ຊີ້ນ​ຂອງ​ແກະ​ໂຕ​ທີ່​ຕຸ້ຍພີ ແລະ​ຈີກ​ກີບ​ຕິນ​ຂອງ​ມັນ​ອອກ​ເສຍ.

ເຊກາຣີຢາ 11:16 Jak'a apnaqawi uñst'ayäwi

ປະຖົມມະການ 31:38

ເບິ່ງດູ ຂ້ອຍ​ໄດ້​ອາໄສ​ຢູ່​ກັບ​ເຈົ້າ​ເປັນ​ເວລາ​ຊາວ​ປີ ແລະ​ແກະ​ກັບ​ແບ້​ຂອງ​ເຈົ້າ​ໄດ້​ອອກ​ແມ່​ແຜ່​ລູກ​ຢູ່​ບໍ່​ຂາດ, ແຕ່​ຂ້ອຍ​ບໍ່ໄດ້​ກິນ​ແກະເຖິກ​ຢູ່​ໃນ​ຝູງ​ຂອງ​ເຈົ້າ​ແມ່ນແຕ່​ໂຕ​ດຽວ.

ປະຖົມມະການ 33:13

ຢາໂຄບ​ຕອບ​ວ່າ, “ອ້າຍ​ເອີຍ ອ້າຍ​ກໍ​ເຫັນ​ແລ້ວ​ວ່າ​ພວກ​ເດັກນ້ອຍ​ຍັງ​ອ່ອນແຮງ​ຫລາຍ ແລະ​ນ້ອງ​ຍັງ​ເປັນຫ່ວງ​ນຳ​ຝູງສັດ ແລະ​ລູກ​ນ້ອຍ​ຂອງ​ມັນ​ທີ່​ຍັງ​ກິນ​ນົມ​ຢູ່. ຖ້າ​ພວກເຮົາ​ຮີບເຮັ່ງ​ໄລ່​ມັນ​ໄປ​ໃນ​ມື້​ດຽວ​ໂລດ ສັດ​ເຫຼົ່ານີ້​ກໍ​ຈະ​ຕາຍ​ໝົດ.

ເອຊາຢາ 40:11

ພຣະອົງ​ຈະ​ລ້ຽງ​ແກະ​ຂອງ​ພຣະອົງ​ດັ່ງ​ຄົນລ້ຽງແກະ​ຜູ້ໜຶ່ງ ພຣະອົງ​ຈະ​ເຕົ້າໂຮມ​ລູກແກະ​ທຸກ​ໂຕ​ໄວ້ ແລະ​ອູ້ມ​ເຂົາ​ໄວ້​ຢູ່​ໃນ​ອ້ອມກອດ​ຂອງ​ພຣະອົງ ຈະ​ນຳ​ລູກແກະ ແມ່ແກະ​ເຫຼົ່ານັ້ນ​ຢ່າງ​ອ່ອນໂຍນ.

ເຢເຣມີຢາ 23:2

ຕໍ່ໄປນີ້​ແມ່ນ​ຖ້ອຍຄຳ​ຂອງ​ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ​ທີ່​ມີ​ກ່າວ​ເຖິງ​ບັນດາ​ພວກ​ຜູ້ລ້ຽງແກະ ຄື​ຜູ້​ມີ​ໜ້າທີ່​ລ້ຽງດູ​ປະຊາຊົນ​ຂອງ​ພຣະອົງ​ວ່າ, “ພວກເຈົ້າ​ບໍ່ໄດ້​ລ້ຽງດູ​ປະຊາຊົນ​ຂອງເຮົາ; ພວກເຈົ້າ​ໄດ້​ເຮັດ​ໃຫ້​ພວກເຂົາ​ກະຈັດ​ກະຈາຍ​ໄປ ແລະ​ຂັບໄລ່​ພວກເຂົາ​ໃຫ້​ໜີໄປ ແລະ​ບໍ່ໄດ້​ເອົາໃຈໃສ່​ພວກເຂົາ. ບັດນີ້ ເຮົາ​ຈະ​ລົງໂທດ​ພວກເຈົ້າ​ສຳລັບ​ການ​ຊົ່ວຊ້າ​ທີ່​ພວກເຈົ້າ​ໄດ້​ເຮັດ​ນັ້ນ. ພຣະເຈົ້າຢາເວ​ກ່າວ​ດັ່ງນີ້ແຫຼະ.

ເຢເຣມີຢາ 23:22

ຖ້າ​ພວກເຂົາ​ຮູ້​ຄວາມ​ນຶກຄິດ​ອັນ​ລຶກລັບ​ຂອງເຮົາ​ແລ້ວ ພວກເຂົາ​ກໍ​ຄວນ​ປະກາດ​ຖ້ອຍຄຳ​ຂອງເຮົາ​ໃຫ້​ປະຊາຊົນ​ຂອງເຮົາ​ຟັງ ແລະ​ນຳພາ​ພວກເຂົາ​ໃຫ້​ປະຖິ້ມ​ການ​ດຳລົງ​ຊີວິດ​ອັນ​ບໍ່​ດີ​ແລະ​ຊົ່ວຊ້າ ທີ່​ພວກເຂົາ​ເຮັດ​ຢູ່​ນັ້ນ.”

ເອເຊກຽນ 34:10

ອົງພຣະ​ຜູ້​ເປັນເຈົ້າ ພຣະເຈົ້າ​ປະກາດ​ວ່າ, ເຮົາ​ເປັນ​ສັດຕູ​ຂອງ​ພວກເຈົ້າ. ເຮົາ​ຈະ​ເອົາ​ຝູງແກະ​ຂອງເຮົາ​ໜີໄປ​ຈາກ​ພວກເຈົ້າ ແລະ​ຈະ​ບໍ່​ຍອມ​ໃຫ້​ພວກເຈົ້າ​ເປັນ​ຜູ້ລ້ຽງ​ພວກເຂົາ​ອີກ​ຈັກເທື່ອ; ເຮົາ​ຈະ​ບໍ່​ໃຫ້​ພວກເຈົ້າ​ລ້ຽງ​ພວກເຈົ້າ​ເອງ​ອີກ​ຕໍ່ໄປ. ເຮົາ​ຈະ​ຊ່ວຍກູ້​ເອົາ​ແກະ​ຂອງເຮົາ​ໜີໄປ​ຈາກ​ພວກເຈົ້າ ແລະ​ບໍ່​ໃຫ້​ພວກເຈົ້າ​ກິນ​ພວກເຂົາ​ອີກ.

ເອເຊກຽນ 34:16

ເຮົາ​ຈະ​ຊອກຫາ​ແກະ​ໂຕ​ທີ່​ຫລົງເສຍ​ໄປ, ຈະ​ນຳ​ແກະ​ໂຕ​ທີ່​ຊັດເຊ​ພະເນຈອນ​ໄປ​ນັ້ນ​ກັບຄືນ​ມາ, ຈະ​ພັນ​ບາດແຜ​ໂຕ​ທີ່​ໄດ້​ຖືກ​ທຳຮ້າຍ ແລະ​ຈະ​ປິ່ນປົວ​ໂຕ​ທີ່​ເຈັບໂຊ, ແຕ່​ໂຕ​ໃດ​ທີ່​ຕຸ້ຍພີ​ດີ ແລະ​ແຂງແຮງ ເຮົາ​ຈະ​ທຳລາຍ ເພາະ​ເຮົາ​ເປັນ​ຜູ້ລ້ຽງ​ທີ່​ເຮັດ​ໃນ​ສິ່ງ​ທີ່​ຖືກຕ້ອງ.

ເອເຊກຽນ 34:21

ພວກເຈົ້າ​ໄດ້​ຊົນ​ແກະ​ໂຕ​ທີ່​ເຈັບໂຊ​ອອກ​ໄປ ແລະ​ໄລ່​ພວກເຂົາ​ໃຫ້​ອອກ​ໄປ​ຈາກ​ຝູງ.

ດານີເອນ 11:36

ກະສັດ​ແຫ່ງ​ຊີເຣຍ​ຈະ​ເຮັດ​ຕາມໃຈ​ມັກ. ລາວ​ຈະ​ໂອ້ອວດ​ວ່າ​ຕົນ​ເປັນ​ຜູ້​ຍິ່ງໃຫຍ່​ກວ່າ​ພະ​ໃດໆ ແລະ​ອວດ​ວ່າ​ຕົນ​ສູງສຸດ​ກວ່າ​ພຣະເຈົ້າ​ອົງ​ສູງສຸດ. ລາວ​ຈະ​ສາມາດ​ເຮັດ​ໄປ​ດັ່ງນີ້ ຈົນ​ເວລາ​ທີ່​ພຣະເຈົ້າ​ລົງໂທດ​ລາວ​ມາ​ເຖິງ. ພຣະເຈົ້າ​ຈະ​ເຮັດ​ຢ່າງນີ້​ແທ້ ຕາມ​ທີ່​ພຣະອົງ​ໄດ້​ວາງແຜນ​ໄວ້.

ໂຢຮັນ 10:1

“ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ, ຄົນ​ທີ່​ບໍ່​ເຂົ້າ​ຄອກ​ແກະ​ທາງ​ປະຕູ ແຕ່​ປີນ​ເຂົ້າ​ທາງ​ອື່ນ​ກໍ​ເປັນ​ຂະໂມຍ​ແລະ​ໂຈນ.