ເຊກາຣີຢາ 11:10 - ພຣະຄຳພີສັກສິ

¹⁰ ແລ້ວ​ຂ້າພະເຈົ້າ​ກໍ​ຈັບ​ເອົາ​ໄມ້​ທ່ອນ​ໜຶ່ງ​ທີ່​ເອີ້ນ​ວ່າ, “ພຣະຄຸນ” ນັ້ນ​ມາ​ຫັກ​ຖິ້ມ​ເພື່ອ​ຍົກເລີກ​ພັນທະສັນຍາ​ທີ່​ອົງພຣະ​ຜູ້​ເປັນເຈົ້າ​ໄດ້​ເຮັດ​ໄວ້​ກັບ​ບັນດາ​ຊົນຊາດ.

ເຊກາຣີຢາ 11:10 Jak'a apnaqawi uñst'ayäwi

ເພງ^ສັນລະເສີນ 50:2

ພຣະເຈົ້າ​ສົ່ງ​ແສງແຈ້ງ​ມາ​ຈາກ​ພູເຂົາ​ຊີໂອນ ຄື​ພຣະ​ນະຄອນ​ທີ່​ມີ​ຄວາມ​ງົດງາມ​ອັນ​ຄົບຖ້ວນ​ແລະ​ສົມບູນແບບ.

ເພງ^ສັນລະເສີນ 89:39

ພຣະອົງ​ຍົກເລີກ​ພັນທະສັນຍາ​ກັບ​ຜູ້ຮັບໃຊ້​ຂອງ​ພຣະອົງ ແລະ​ໂຍນ​ມົງກຸດ​ຂອງ​ລາວ​ໃສ່​ຂີ້ຕົມ​ດ້ວຍ.

ເພງ^ສັນລະເສີນ 90:17

ອົງພຣະ​ຜູ້​ເປັນເຈົ້າ ພຣະເຈົ້າ​ຂອງ​ພວກ​ຂ້ານ້ອຍ​ເອີຍ ຂໍ​ຊົງ​ໂຜດ​ປະທານ​ພຣະພອນ​ໃຫ້​ດຳລົງ​ຢູ່​ນຳ​ພວກ​ຂ້ານ້ອຍ​ແດ່ທ້ອນ ຂໍ​ຊົງ​ໂຜດ​ປະທານ​ຄວາມ​ສຳເລັດຜົນ​ໃຫ້​ພວກ​ຂ້ານ້ອຍ ໃນ​ທຸກສິ່ງ​ທີ່​ພວກ​ຂ້ານ້ອຍ​ກະທຳ​ນັ້ນ.

ເຢເຣມີຢາ 14:21

ຈົ່ງ​ຈື່ຈຳ​ພຣະສັນຍາ ແລະ​ຢ່າ​ກຽດຊັງ​ພວກ​ຂ້ານ້ອຍ​ເລີຍ ຢ່າ​ນຳ​ຄວາມ​ອັບອາຍ​ມາ​ສູ່​ນະຄອນ​ເຢຣູຊາເລັມ ບ່ອນ​ທີ່​ບັນລັງ​ຂອງ​ພຣະເຈົ້າ​ຕັ້ງ​ຢູ່​ຢ່າງ​ສະຫງ່າຣາສີ ຢ່າ​ຍົກເລີກ​ພັນທະສັນຍາ​ທີ່​ພຣະອົງ​ໄດ້​ເຮັດ​ໄວ້​ທ້ອນ

ເອເຊກຽນ 24:21

ແກ່​ພວກເຈົ້າ​ຊາວ​ອິດສະຣາເອນ​ວ່າ ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ວ່າ: ‘ເຮົາ​ຈະ​ເຮັດ​ໃຫ້​ພຣະວິຫານ​ຂອງເຮົາ​ເປັນ​ມົນທິນ ຍ້ອນ​ພວກເຈົ້າ​ພາກພູມ​ໃຈ​ເຖິງ​ຄວາມ​ໝັ້ນຄົງ​ຂອງ​ພຣະວິຫານ. ພວກເຈົ້າ​ມັກ​ຈະ​ແນມເບິ່ງ​ພຣະວິຫານ​ນັ້ນ ແລະ​ມັກ​ຈະ​ເຂົ້າ​ໄປ​ໃນ​ທີ່ນັ້ນ; ພວກ​ລູກ​ຊາຍ​ຍິງ​ຂອງ​ພວກເຈົ້າ​ທີ່​ເຫຼືອ​ຢູ່​ໃນ​ນະຄອນ​ເຢຣູຊາເລັມ ຈະ​ຖືກ​ຂ້າ​ໃນ​ສົງຄາມ.

ດານີເອນ 9:26

ໃນ​ບັ້ນປາຍ​ຂອງ​ເວລາ​ນັ້ນ ຜູ້ນຳ​ທີ່​ພຣະເຈົ້າ​ໄດ້​ເລືອກໄວ້ ຈະ​ຖືກ​ຂ້າ​ຢ່າງ​ບໍ່​ຍຸດຕິທຳ. ເມືອງ​ແລະ​ພຣະວິຫານ​ກໍ​ຈະ​ຖືກ​ກອງທັບ​ຂອງ​ພວກ​ເຈົ້ານາຍ​ທີ່​ມີ​ອຳນາດ​ຍິ່ງໃຫຍ່​ຄົນ​ໜຶ່ງ​ບຸກຮຸກ​ທຳລາຍ. ຄາວ​ສິ້ນສຸດ​ນີ້​ຈະ​ມາ​ເໝືອນ​ນໍ້າ​ໄຫລ​ຖ້ວມ ໂດຍ​ນຳ​ເອົາ​ເສິກ​ສົງຄາມ ແລະ​ການທຳລາຍ​ທີ່​ພຣະເຈົ້າ​ໄດ້​ຈັດຕຽມ​ໄວ້​ນັ້ນ​ມາ.

ໂຮເສອາ 1:9

ພຣະເຈົ້າຢາເວ​ຈຶ່ງ​ໄດ້ກ່າວ​ວ່າ, “ຈົ່ງ​ຕັ້ງຊື່​ໃຫ້​ລາວ​ວ່າ, ‘ບໍ່ແມ່ນ​ປະຊາຊົນ​ຂອງເຮົາ’ ເພາະ​ປະຊາຊົນ​ອິດສະຣາເອນ​ບໍ່ແມ່ນ​ປະຊາຊົນ​ຂອງເຮົາ ແລະ​ເຮົາ​ບໍ່ແມ່ນ​ພຣະເຈົ້າ​ຂອງ​ພວກເຂົາ.”

ເຊກາຣີຢາ 11:7

ຜູ້ຊື້​ກັບ​ຜູ້ຂາຍ​ແກະ​ເຫຼົ່ານັ້ນ ໄດ້​ຈ້າງ​ຂ້າພະເຈົ້າ​ໃຫ້​ເປັນ​ຄົນລ້ຽງແກະ ຊຶ່ງ​ກຳລັງ​ຈະ​ຖືກ​ນຳ​ໄປ​ຂ້າ. ຂ້າພະເຈົ້າ​ໄດ້​ຈັບ​ເອົາ​ໄມ້​ສອງ​ທ່ອນ: ທ່ອນ​ໜຶ່ງ​ເອີ້ນ​ວ່າ, “ພຣະຄຸນ” ແລະ​ທ່ອນ​ໜຶ່ງ​ອີກ​ເອີ້ນ​ວ່າ, “ນໍ້າໜຶ່ງໃຈດຽວ.” ແລະ​ຂ້າພະເຈົ້າ​ໄດ້​ເປັນ​ຜູ້​ເບິ່ງແຍງ​ຝູງແກະ.

ຈົດບັນຊີ 14:34

ພວກເຈົ້າ​ຈະ​ໄດ້​ຮັບ​ຜົນ​ກຳ​ເພາະ​ການບາບ​ຂອງ​ພວກເຈົ້າ​ເປັນ​ເວລາ 40 ປີ​ນັ້ນ​ຄື: ໜຶ່ງ​ປີ​ຕໍ່​ໜຶ່ງ​ວັນ​ຂອງ​ສີ່ສິບ​ວັນ ຕາມ​ເວລາ​ທີ່​ພວກເຈົ້າ​ໄດ້​ໃຊ້​ສຳຫລວດ​ດິນແດນ​ນັ້ນ. ພວກເຈົ້າ​ຈະ​ຮູ້​ວ່າ​ການ​ເປັນ​ສັດຕູ​ກັບ​ເຮົາ​ນັ້ນ​ເປັນ​ຢ່າງ​ໃດ.

ລູກາ 21:32

“ເຮົາ​ບອກ​ເຈົ້າ​ທັງຫລາຍ​ຕາມ​ຄວາມຈິງ​ວ່າ ຄົນ​ໃນ​ສະໄໝ​ນີ້​ຈະ​ບໍ່​ລ່ວງລັບ​ໄປ​ກ່ອນ ຈົນກວ່າ​ເຫດການ​ທັງປວງ​ນີ້​ບັງ​ເກີດຂຶ້ນ

1 ຊາມູເອນ 2:30

ເພາະສະນັ້ນ ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ​ຈຶ່ງ​ປະກາດ​ວ່າ, ‘ເຮົາ​ໄດ້​ສັນຍາ​ໄວ້​ແລ້ວ​ວ່າ ຄົນ​ໃນ​ຄອບຄົວ​ຂອງ​ເຈົ້າ​ແລະ​ໃນ​ຕະກຸນ​ຂອງ​ເຈົ້າ​ຈະ​ໄດ້​ເປັນ​ປະໂຣຫິດ ບົວລະບັດ​ຮັບໃຊ້​ເຮົາ​ຕະຫລອດໄປ,’ ແຕ່​ມາບັດນີ້ ພຣະເຈົ້າຢາເວ​ຈຶ່ງ​ປະກາດ​ວ່າ ‘ຂໍ​ໃຫ້​ຄວາມນີ້​ຫ່າງໄກ​ຈາກ​ເຮົາ​ເຖີດ ເຮົາ​ຈະ​ໃຫ້ກຽດ​ຜູ້​ທີ່​ໃຫ້ກຽດ​ເຮົາ ແລະ​ເຮົາ​ຈະ​ໝິ່ນປະໝາດ​ຜູ້​ທີ່​ໝິ່ນປະໝາດ​ເຮົາ.